KOLOSE 3:7 - Cho Bible Common Language 2016

⁷ Ayan nangmi cu ashin ah ng’yak hlü gui awn nami ghing om man ci. Cun yah ung nami ghin nak cu acun gui naw ning shum gui ci.

KOLOSE 3:7 Referans Kwoze

EPHESIAN 2:2

Khomdek khan ah cheishoh nak lam cu nami läk ci, kho k’häüung ka, mumchashe ah hlüngtai nak ah uknak cu nami läk ci, acun naw tuhbäi Khanpughi kä ngai ciah chang gui cu shum gui ci.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

1 KORIN 6:11

Nangmi amshah gui cu a cu k’chaa ah nami kya man ci, cun ung phi nami katnak cu ning theing cim sak gui pyi ci: Nangmi cu Khanpughi ung nami ng’ap pyi ci; Bawipa Jesuh Khrih ah ming awn la mi Khanpughi ah Mumcha awn nangmi cu Khanpughi ung düng nak nami gah pyi ci.

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.

ROMAN 7:5

Mikmi cu khomdek pumsa ah ng’yak hlü ah ghing ne mi om yah ung thukhän awn lawk ciah shetkat nak hlü ah m’lung naw mi pumsa kyong ah bi bi ne, mikmi cu na sih sak gui ci.