KOLOSE 3:25 - Cho Bible Common Language 2016

²⁵ Shetkat nak bik ciah chang phung naw, amät ah bi cu k’chaw nak khai nei. A i ah kyasei ci ung Khanpughi naw akchang sing cu amät ah bi phäh phäh awn m’khoichak ci nei.

KOLOSE 3:25 Referans Kwoze

LAMKTU 10:34

Cun kawn ah Peter naw, “Khanpughi naw akcang ah chang ah müi hmai ak yaw ak däm kä teng ci, cicu ka hmat pyi ci nei.

ROMAN 2:11

Khanpughi naw chang nüng nüng cu, kä m’khoi hnga ne, m’khoi m’cha gui khai.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

THULÄÄN NAK 10:17

Bawipa nami Khanpughi cu khanpughi avan khüm ci, huham avan uk ciah kyak ci. Ani cu dämduh ci, m’gäi ci, kyih vai ah kyak ci. Ani ung m’khom-hnga nak kä om ci, ani naw ng’mü khawh kä dou ci.

1 PETER 1:17

Chang ah yodäm kä teng ah, chang ah bilawh phäh phäh ah khan ah m’khoichaa nak bik ciah, Khanpughi ah nami taigü ung, Kapa ci ne khü ne nami taigü ci; cun ah kyasei khomdek khan ung nami ghin om yah ak chuih Khanpughi cu nami kyih aa vai nei.

EPHESIAN 6:9

Bawi mang gui, nangmi naw phi nami changshäm cu acun ah mäih ah nami om püi vai nei. Nami m’kyihkyawk nak gui cu nami m’düm vai nei. Nangmi la nami changshäm gui cu, khankho ah Bawipa tumat bäng naw ning khäm gui ne, yodäm pyammang käm hnga ne a täng ah m’khoi chaa nak bik ci cicu nami shüm vai nei.

2 SHONTÄP NAK 19:7

Bawipa cu kyih aa ne geing na ne nami bilawh vai, a i ah kyasei ci ung Khanpughi naw m’thüikhang nak chang ah hmai teng nak, ng’mü khawh don nak cu kä ng’ya hlük ci.”

THULÄÄN NAK 1:17

Nami phukpit kaiyawih nak ung a u täng ah phi kä nami kyak vai. Chang päng cu täng khai nami ng’thumcha vai, a u kä nami m’khawm hnga vai. A u kä nami kyih vai, nami phukpit kaiyawih nak cu Khanpughi ungka lawk ciah nami bi ah kyak ci. Amawng tumat cu nangmi ah phäh ah a khak aih ah a kyak ung kei ah nami law püi vai, kei naw ka phupit kaihyawih khai.’

HEBRU 2:2

Mi pupa gui am khankho chang gui awn a yuk peit law ah ng’thu cu akcang ah kyasei, cun ah thu kä läk ne kä ngai ciah chang cu m’kat nak gah khai ah a kyak ung,

KOLOSE 4:1

Bawi gui aw, nami changshäm gui cu nami täkphan nak ung hmai kiang nak la düng nak om sä. Nami mät phi khankho ah nami Bawi a om cu nami shüm ba vai nei.

LUKA 20:21

Ngami naw “Sayapa, na ng’thu la na m’theithang cu hman ciah kami hmat ci. Nang cu chang ah hmai kä teng-en ah Khanpughi ah ng’düng nak ah mawng bäng na pyein ci.

JOB 37:24

Chang nü naw ani cu kyih aa ci gui nei, Amät cüivai ciah pyen ciah chang gui cu ani naw nawng gui ci nei.

JOB 34:19

Ani cu uktu gui täng ah kä kya tuk ci, dukhaih ci gui hnu na ne bühmang ci gui täng ah phi kä ki tuk ci, a i ah kya sei ciung ani naw chang nü cu a tüi pyan ah kyak ci.

2 SAMUEL 14:14

Mikmi mi van mi sik khai; mikmi cu m’dek ung kyak ciah tui ah mäih ah mi kyak ci, cun cu kaw ba ne kä gah ah kyak ci. Khanpughi naw phi aksi cu kä ghin ba sak ci. Cun ung phi ghangpughang naw omk’tu khaw ah ka chang lak nak ba vai ah lam cu hmu hning ci.

TAIGÜTHUM 19:15

Amawng ama ng’thumcha nak ung düng nak la taga nak awn bi vai, dukhaih ci shedam nak, büh mang ci kyih aa nak ah kä a kyak en vai.

JUDE 1:16

Cun ah chang gui cu angtäi sei nawmpang u ne, katnak phi chang am m’suh m’noh ci gui; ngami naw ami mät ah ng’yak hlü ah ak shekha cu läk ci gui; ami mät ah mawng pyein ne khäghah u ne, ami mät hmawk ah chang phi m’hlüngtai ci gui.

PHILIMON 1:18

Ani naw nang ah khan ah katnak abi ung phi bäi, a ning puhnih nak ung phi bäi, a om ah a kyak ung kei naw ka ning thung khai nei.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

EPHESIAN 6:8

Nami shüm vai cu, changshäm ah a kyak ung phi, ng’päi om chang ah a kyak ung phi, ak ni bik ciah chang phung cu Bawipa naw m’cümhnah nak pek khai nei.

2 THESSALONIAN 1:6

Khanpughi naw düng nak cu bik khai; ning yaica sak gui ci cu, yaica nak pe gui khai.