KOLOSE 3:22 - Cho Bible Common Language 2016

²² Changshäm gui aw, hnicim chang nami bawi cu, a päng avan ung nami ngaih vai nei, a ning täk gui la a ning m’cäi gui ah nami kyak bäng ah kä kyasei, Bawipa nami kyih aa nak awn m’lung theing awn nami hnünthawh peit vai.

KOLOSE 3:22 Referans Kwoze

KALATIAN 1:10

Cun ah ka pyein cu chang naw a na k’bääi vai ah ka pyein ah kya ne ang? Cun ah kä kyak ci, Kei ah ng’yak hlü cu Khanpughi ah nak bääi vai bäng ah kyak ci. Kei cu chang ah na chang m’sui vai ah ka k’tha nak ciah kya ne ang? Cun ah ka k’tha nak ciah a kyak ung kei cu Bawi Khrit ah changshäm ah kä ka kyak khai.

1 THESSALONIAN 2:4

Khanpughi naw ang yak hlü ah ana ng’thu sak gui ah mäih ah keimi angtäi sei thu kami pyein ci; a i ah kyasei ci ung ani awn ng’müi ne ng’Thu Ni awn ng’ap vai ah a nam khoi m’cha gui pyi ah hmawk ah kyak ci. Keimi cu chang naw ana yei nak gui vai ah kä kami k’tha nak ci, kami m’lung kyong nam nüm gui ciah Khanpughi naw ana yei nak gui vai ah kami tha nak ci.

KOLOSE 3:20

Hta hmaw gui aw, nami nupa ah ng’thu nami ngaih vai, cun cu khritha ah nami kyak nak awn nami bi vai ah kyak ci. Cun cu Khanpughi naw a yei nak ah kyak ci.

LUKA 6:46

“Ka ng’thu kä ngai lang ne a i ah kyasei Bawipa, Bawipa cine nami na khü ang?

THUSHÄUTU 5:7

A i chü na ng’mang a shet ung phi, a kholä ah kyak khai, a i chü na bi ung phi, a i chü ah na ng’thu ung phi, Khanpughi cu kyih aa ne na om vai.

PHILIMON 1:16

Tuhbäi ani cu changshäm düt ah kä kya ba ci, changshäm ah mä taai ba pi ne, Bawi Khrit ung phäi nau ah kya lawk ci nei. Chang shäm ah a kyak nak la Bawipa ung kam hni ah phäi nau ah a kyak nak awn kei ah hmawk ah ang htei ah bäi ci. Nang ah hmawk ah cun ah tah bä pi khai nei.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

LAMKTU 2:46

Ngah mi cu ak hnüüp tä seih pum im ah ng’bum ci gui. Ami im gui ung phi m’lung neim nak lah, yeikyai nak awn a täng ah vun vai ne ei awk ci gui.

LUKA 7:8

Kei cu ang vai ah ak ka ung ka om ci, kei ah ka ung phi gakap gui om ci gui. Ngami ungka “Htiet ä” ka ciah chang cu hteit ci, “Law ä” ka ciah chang cu lawk ci. Ka changshäm cun phi “Shin na bi vai” ka ci ung acun cu bik ci” cine pyein ci.

MATTHE 8:9

Kei cu kang vai ah ng’thu ka ngai ci, kei ah kaa ah phi gakap gui om ci gui. Gakap tumat cu hteit ä, ka ci ung hteit ci, law ä, ka ci ung lawk ci, ka changshäm cun phi cun bi ä, ka ci ung bik ci,” cine pyein ci.

MATTHE 6:22

‘Mik ui cu pumsa ah hmawk ah meidäi ah mäih ah kyak ci. Nami mik ui a ci ung nami pumsa avan dei yawp khai.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

THUSHÄUTU 12:13

Shin gui avan kawn ah pyen vai tumat bäng om ci; Khanpughi kyih aa ne, ang thumkhän cu läk vai, a i ah kyasei ci ung a cun vai ah chang avan cu a tüisho ah kyak ci.

SAM 123:2

Changshäm naw a bawi a teng ah mäih ah, changshäm hnumi naw abawinu a teng ah mäih ah, O Bawipa kami Khanpughi, Na m’gein nak kä kami hmuh pha ah chuih kami ning dan khai nei.

NEHEMIAH 5:15

Kei ah kä bi pha ung bik ciah uktubawi phung naw chang gui cu ami phuih gih sak gui. Ngami naw ei la awk vai ah phäh ah hnüüp ät ung, ngui phe phli kip ci k’thäh gui ci gui. Ami changshäm gui naw phi chang gui cu she na gui ci gui. Cun ung phi kei cun ah kä ka kyak ci, a i ah kyasei ci ung kei cu Khanpughi ka kyih aa ci.

ATÜNNAK 42:18

A hnüüp thum hnüüp ung Joseph naw khü gui neta, “Kei cu Khanpughi kyih aa ciah chang ah ka kyak ci, cun ah kyasei nangmi cu a mawng tumat awn ka ning phyawn gui khai.

THUSHÄUTU 8:12

Hmakat ciah chang naw cawipang nak phya bi ne, ghing ne om lä ci. Ä, kei naw chang gui naw a i ami pyen cu ka hmat ci nei: “Nang naw Khanpughi na ngaih ung a päng avan cu bä khai nei.

NEHEMIAH 5:9

Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.