Biblia Todo Logo
Bib sou entènèt

- Piblisite -




KOLOSE 3:2 - Cho Bible Common Language 2016

2 Khankho ding ung nami m’lung cu nami ng’müi sak vai, khomdek ng’lei ung kä nami ng’müi sak vai.

Gade chapit la Kopi




KOLOSE 3:2
20 Referans Kwoze  

Tuhbäi na Bawipa Khanpughi ah bii cu na m’lung kyong avan na ghin nak avan awn na bi vai. Taigüim cawh vai cu tuhbäi na k’tün vai, cun ung nang naw Bawipa ah Thukhän M’küm la khawihnah nak ung mang ah a hei theingthap ci avan cu nang naw cun ah kyong ah na tha hning khai” cik ci.


Nangmi cu Bawi Khrit awn nami ghing khai ah nami tho pyi ci, Cun ah kyasei, nami m’lung cu khankho ding ung nami ng’lin vai. Cun ah kho cu Bawi Khrit naw a ghui mangkiang ung a ngoh nak ah Khanpughi ah k’patlam ah kyak ci.


Bawipa Jesuh naw Peter lam ah vang hlat netah, “Nang khoshe a hei ah hteit ä, nang cu vawntam nak vai ah na kyak ci, nang ah ngaih tüh gui cu Khanpughi lam ah kä kyak ci, chang lam ah kiak ci,” cine pyen nak ci.


‘Thu kaa m’pyiit yaup ne, m’guk ei ah m’guuk nak thei ah, khomdek khan ung khawh chaam kä nami m’cun m’seh vai.


Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)


Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.


Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.


Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.


Cun ah kyasei nangmi cu khomdek khawhchaam bühmang nak ung, bekhüt nak kä a om ung, bühmang nak akcang cu, a u naw nangmi am ning ap gui khai aw?


Kei naw hnih ah ka ngaih nak om ci, kei cu shih ah ghin nak nawng shüt ne Bawi Khrit ung ang htei ah ka om hlük ci, cun cu kei ah hmawk ah bä pi ci.


Na ngui cu kho lailäp ung maih hning ci. Cun cu ang phia om law ne langta ah mäih ah ahei ah yong khai.


Nang ah phäh ah apäng avan abä yah ung yeikyai vä, khüikha nak a gawk law läi ung shüm ba düt vä: Khanpughi naw yeikyai nak la khüikha nak cu a tüih law ah kyak ci; cun kawn ah a i kya ba khai, cicu nang naw kä na hmat ci.


Kei naw cun gui ka pek tak awn ah phi, ka mät ah ka ghui la ngui gui phi ka pek ci, a i ah kyasei ci ung kei naw Khanpughi ah Taigüim ka m’hni ah phäh ah kyak ci.


Swiv nou:

Piblisite


Piblisite