KOLOSE 3:17 - Cho Bible Common Language 2016

¹⁷ Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

KOLOSE 3:17 Referans Kwoze

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

KOLOSE 3:23

Nami bi phung phung cu chang ah bi bi ah mäih ah kä kyak ciah Bawipa ah bi bi ah mäih ah nami m’lung kyong avan awn nami bi vai.

NG'THU K'THUUK~ 3:6

Na bi nak päng ung Bawipa om ciah na shüm vai. Ani naw düng ciah lam ning m’shüm khai.

EPHESIAN 5:20

Mi Bawipa Jesuh Khrit ah ming awn, amawng ama avan ung, Pa Khanpughi cu nami m’küito vai nei.

1 PETER 4:11

Thu pyein ci phung naw Khanpughi ah ng’thu ng’shäu ne pyein ah mäih ah a pyein vai; khuut bik ci phung naw Khanpughi ah peit ah k’thagui awn abi vai. Cun ung vah a mawng a ma avan ung, Bawi Jesuh Khrit ung Khanpughi cu m’kümto hlawt vai. Cun ah Bawipa ung bämang nak la hlüngtai nak cu ngawiyä khäng ne om sä. Amen.

1 THESSALONIAN 5:18

amawng ama avan ung Khanpughi cu m’hlüngtai vä. Bawipa Jesuh Khrit ung kawng ät ne nami ghin nak awn cun ah nami bi vai ah Khanpughi naw ng’ya hlük ci nei.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

HEBRU 13:15

Cun ah kyasei mikmi naw Bawipa Jesuh cu, Bawipa nei ciah ng’kiaa nak ah m’gawng awn, ani ah ming ung mi m’kümto nak cu ang täi sei Khanpughi am mi ap khai nei.

1 JOHAN 3:18

Ka hta nau gui aw, mikmi ah m’hni nak cu thu la m’gawng düt ah kä kya ne, hnün thawh nak ung dang ciah m’hni nak akcang ah kyak vai nei.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

MIKHAH 4:5

Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.

PHILIPPIAN 2:11

M’khuukdoong ne bawihma u netah, Ak ghing om avan naw, “Zesuh Khrit cu Bawipa nei,” cine ng’shäu u ne, Pa Khanpughi ah bämang nak cu m’dang khai gui.

LAMKTU 4:30

Gawi ci naw a gai nak vai, na kut yu k’phiat lawä; Na shäm ah Bawipa Jesuh ah ming theing awn cäi aih vai gui lah ngaih khit vai gui gui cu, yuk m’dang lawä” ci neh Khanpughi ah taigü ci gui.

2 THESSALONIAN 2:17

nik ciah thu pyein ne nik ciah bi nami bi nak vai ah thagui, thamah nak cu ning pe gui sä.

PHILIPPIAN 1:11

Khanpughi ah bämang nak la m’hlüngtai nak vai ah hmawk ah Bawi Jesuh Khrit ung lawk ciah düng ciah ni kyom naknaw, nami ghin nak cu ning kümbe sak gui khai nei.

LAMKTU 19:17

Cun ah a mawng cu Ephesus ung om ciah Judah chang gui la Krik chang gui naw ng’ya u netah, ang htei ah kyikyawk u ne, Bawipa Jesuh ah ming cu m’hlüngtai ci gui.

EPHESIAN 1:17

Nangmi naw Khanpughi nami hmat nak vai ah cüivai nak la lulang nak ah kyak ciah Mumcha cu nami gah vai ah, mi Bawipa Jesuh ah Khanpughi, bämang ciah mi Pa ah ka ning yoih thäh pe gui ci.

KOLOSE 2:7

Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.

MATTHE 28:19

nangmi htei ne kho nüng ung chang van cu, kei ah ng’khah püi ah kiak sak yawp vä. Cun ah chang gui cu Apa, A hta la Mumcha Theing ah ming ung tuinim nak pe vä.

1 JOHAN 2:23

A Htapa hnu ng’tuk püi ci cu, Apa hnu ng’tuk püi ciah kyak ci: Ahtapa dou ciah chang cu Apa dou ciah kyak ci.

ROMAN 1:8

Khomdek khan avan ung nang mi ah yum nak ng’ya pyi ci gui ah kia sei, ak htük bäih ah Zesuh Khrit ah ming ung Khanpughi cu kam hlüngtai ci.

HEBRU 1:5

Khanpughi naw a u khanchang am phi, “Nang cu ka ning Htapa nei; tuhngawi kei cu nang ah Pa ah ka kya lawk ci,” cine kä pyein man ci. A i khanchang ah mawng ung phi Khanpughi naw, “Kei cu ani ah Pa ah ka kyak khai, ani cu kei ah Htapa ah kyak khai,” ci ne kä pyein man ci.

1 THESSALONIAN 1:1

Paul, Silas la Timothi ni naw — Pa Khanpughi la Bawipa Jesuh Khrit ah chang gui ah kyak ciah, Thessalonika Khrithabum-am ca kami pe lawk ci nei. M’geinsei nak la dimdeeih nak cu nangmi ah khan ah om sä.

1 GHANGPUGHANG GUI 18:32

Cun ah lung gui awn ani naw Bawipa khawihnah nak vai ah sonkiang cu co ba ci. Acun ah angveing ung tui leter 14 lon nak vai ah m’yawng cu co ci.

KOLOSE 3:15

Bawi Khrit ah ning peit gui ah ding gei nak cu, nami ng’ki ng’phian nak ung a ning m’shumhlawi nak gui ah kyak ci. Cun ah ding gei nak cu kawng ät ne pumsa tumat ah nami kyak vai ah Khanpughi naw a ning khü nak gui ah kyak ci. Cun ah kyasei nami m’hlüngtai lä vai nei.