KOLOSE 3:13 - Cho Bible Common Language 2016

¹³ Tumat mat awn nami ng’cuh vai a om law ah a kyak ung phi tumat la tumat nami ng’cang nak tu vai, tumat la tumat nami ng’gein tu vai, Bawipa naw a ning m’gein gui ah mäih ah tumat la tumat nami ng’gein tu vai.

KOLOSE 3:13 Referans Kwoze

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

MAKUH 11:25

Nangmi cu ng’düi law ne nami taigü ung katnak gui nüng nami m’gein vai. Cun ung khankho ah om ciah nami pa naw nami kat nakgui cu ning m’gein gui khai.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

EPHESIAN 4:2

Ang täi sei nami m’lung neim sak ne, ng’awi ng’gi ne, hnimgei ne nami om vai nei. Tumat la tumat Lung gei, ngaih ni nak awn, nami m’hni cu dang sak vä.

MATTHE 6:12

Na kat na gui ci kami m’gein ah mäih ah, Kami katnak nam gein gui ä.

2 KORIN 6:6

Theingcim nak, htangkhaa nak, hnimgei nak, ng’awi ng’gi nak gui awn phi bäi, Mumcha Theing ah m’gein nak la kami m’hni nak ak cang awn phi bäi;

KALATIAN 6:2

Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

2 KORIN 2:10

Nangmi naw chang tumat ah katnak cu nami m’gein ung, kei naw phi ani cu kam gein ci. Chang tumat cu kei naw kam gein vai a hlü law ung, nangmi ah hmawk teng ne Bawi Khrih ah ma ah kam gein ci nei.

LUKA 23:34

Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.

LUKA 11:4

“Na kat na gui ci kami m’gein ah mäih ah Kami katnak na m’gein gui ä, Tüihtok nak ung kä gawk vai ah, Kä nik ci phung ung na m’htei gui ä”, ci ne nami taigü vai cik ci.

MATTHE 5:44

Cun ung phi nami gaa nami m’hni vai, ning shedam nah gui ci nami taigü peit vai, ciah kei naw ka pyein ci.

1 PETER 2:21

Acun ah mäih ah nami bi vai ah Khanpughi naw a ning khü gui ah kyak ci. Bawi Khrit amät nangmi ah hmawk ah a geinvai nak awn, nami thei tu vai cu dang sak ci. Cun ah kyasei a kho neh cu nami läk vai kyak ci.

ROMAN 15:7

Bawi Khrit naw nangmi cu a ning dou gui ah mäih ah, Khanpughi ah bämang nak ang dang vai ah tumat la tumat nami ng’dou tu vai.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

NG'THU K'THUUK~ 19:11

Langkha ciah chang naw am lung ah sou nak cu k’uup hning ci. Na khan ah chang naw a hma law ung na ngaih pek cu dämduh ciah ni kyom nak ah kyak ci.