KOLOSE 3:11 - Cho Bible Common Language 2016

¹¹ Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

KOLOSE 3:11 Referans Kwoze

1 KORIN 12:13

Acun ah mäih ah, Jew chang, khui hei chang, chang khleihtein, chang ng’päi om, chang mi van cu Mumchabawi tumat ung tui mi ng’hniim u ne, pumsa tumat ah mi kya lawk ci. Acun ah Mumcha cu chang mi van naw mi gah ah kyak ci.

ROMAN 10:12

Khanpughi cu hnicim chang van ah Bawipa ah kya ne, ani khü ne ng’yoi ciah chang phung am bämang ciah hrilham yuk m’kyum lawk ci. Cun ah kya sei, Jew chang, khui hei chang ciah m’khoichaa nak kä om ci.

EPHESIAN 3:6

Cun ah thuuk ciah a mawng ung, Thu Ni awn chang khuihei gui naw, Jew chang gui ah mäih ah Khanpughi ah yoshen nak cu gah tuk ci gui. Jew chang gui la khuihei chang gui cu, pumsa tumat ung ka, ang phyeek pai gui ah kya ne, Bawi Khrit Jesuh ung Khanpughi ah shaitaak cu ng’kühyah ci gui.

EPHESIAN 1:23

Khrithabum cu Bawi Khrit ah pumsa ah kya ci kyasei a päng avan cu amät ah kümbe nak awn kümbe sak ci.

ROMAN 3:29

Khanpughi cu Jew chang gui ah Khanpughi bäng ah kya ne ang! Chang khui hei gui ah Khanpughi ah kä kya tu ne ang! Akcang ah van ah Khanpughi ah kyak ci nei.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

1 KORIN 7:19

Vun-ah la kä ah cu ak tung ah kä kyak ci, Khanpughi ah thukhän läk cu ak tung ah kyak ci.

LAMKTU 15:17

Om ciah chang nüng nüng cu kei ah lawk khai, Kei naw ka khü gui ah changpakhui hei gui phung cun phi ka khäm gui khai.

ISAIAH 52:10

Bawipa naw thingcim ciah a huham cu m’dong khai; Ani naw a chang gui cu hun gui khai, khomdek khan avan naw cun cu hmuk khai.

ISAIAH 49:6

Bawipa naw na pyen nak ci, “Ka changshäm aw, kei naw dainduh pi ci cu ka ning bi sak khai nei. K’pawih ba ciah Israel chang gui ah tholet ne ami dämduh nak bäng vai ah kä kyak ciah, kei naw nangmi cu chang pakhui avan ah akdei ah ka ning pyang gi khai Cun ung khomdek khan avan naw hun nak gah khai.”

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

AMOS 9:12

Israel chang gui naw Edom khaw ah pawih ba ci gui la kei ah chang ah kya man ciah pakhui avan cu tuh ne khäm ba khai gui nei” cine shin gui kyak sak ciah Bawipa naw pyen ci.

MIKHAH 4:2

ami chang gui naw, “Bawipa ah khomhtung ah mi hteit khai nei, Israel gui ah Khanpughi ah Taigü im ah. Ani naw mi bi vai angyak hlü cu na m’thei gui khai nei. Mikmi cu ani naw a ghü ah lam ung mi hteit khai nei. Bawipa ah m’thei nak cu Jerusalem ungka lawk ci, Zion ungka naw a chang gui cu ng’thu püi gui ci.”

KOLOSE 2:10

Mumcha uknak la huhamah nak avan cu uk ciah acun ah Bawi ung nami om nak awn nangmi cu kümbe nak nami gah ci.

ROMAN 1:14

Ng’awigi ci la ghaatghum ci, hmuhmat ci la kä hmuhmat ci, chang avan ah hmawk ah kei naw ka mawng nak ci kiasei;

JOHAN 15:5

Kei cu sapyit phung ah ka kyak ci, nangmi cu ang ban ah nami kyak ci. Nangmi cu kei ung kä nami ng’yung ung a i kä nami m’khüt khai. Chang tumat cu kei ung om sei, kei phi ani ung ka om ah a kiak ung ani cu akda ah m’theih tak khai.

LAMKTU 28:4

Cun ah htui ne ang bah nak cu, cun ung om ciah chang gui naw hmu u netah, “Shin ah chang cu chang ngawn ciah kyak khai, tuinu ung kä si ne a phiawn ung phi, ng’düng nak naw ani kä ghin sak ci” cine ami mät ng’htau ci gui.

LAMKTU 28:2

Acun ung om ciah chang gui naw keimi cu ang htei ah nam gein gui ci gui. Kho aa ne kho m’yu law khä tah, mei cik ne nam awm gui u ne, na khin nah gui ci gui.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

HOSEA 2:23

Kei naw kho ung ka chang gui cu om sak gui ne ka bühmang sak gui khai. Kä m’hni ah ami khü gui am m’hni nak ka m’dang gui khai, “Nangmi cu ka ning chang gui nei,” cine ka pyen na gui khai. Ngami naw, “Nang cu kami Khanpughi nei” cine na m’shang khai gui.

SAM 117:2

Mikmi ana m’hni nak gui cu khüighat ne, abekhüt nak cu kho nü ung ng’län ci nei. Haleluyah.

2 JOHAN 1:9

Bawi Khrit ah m’theithang nak ah kyong ah kä om ne, ak pung ah om ciah chang ung Khanpughi kä om ci. Bawi Khrit ah m’theithang nak kyong ung om ciah chang cu Apa la A Htapa ani nik hnih ah om nak ah kyak ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

EPHESIAN 6:8

Nami shüm vai cu, changshäm ah a kyak ung phi, ng’päi om chang ah a kyak ung phi, ak ni bik ciah chang phung cu Bawipa naw m’cümhnah nak pek khai nei.

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

1 KORIN 14:11

Kei ah kä hmat ah ng’thu ciah chang cu, kei ah hmawk ah, a kho hei chang ah kyak ci, ani ah hmawk ah kei phi a kho hei chang ah ka kyak ci.

JEREMIAH 16:19

Bawipa, nang cu kei na shungvong ne k’thagui na pek ciah na kyak ci; ka khüikha sangung nang naw na na m’htei ci. Chang pakhui gui cu khocawi ah ka nang ah law u ne tap yen khai gui, kami pupa gui ung a i kä om ci, khanpughi she gui bäng om ci, ahei a i kä om ci, kä ei mang vai ah agup gui bäng om ci.

EZEKIEL 47:22

Shin cu ngawi yä nami kaa nak vai nei. Nami ng’lung ah om tuk ciah a khohei chang gui la ashi ah ami hta nak gui naw phi, khaw nami ng’pai law ung gah tu u sä. Ngami cu Israel pakhui chang gui ah mäih ah nami om püi gui vai, Israel pakhui gui ah ng’lung ah khaw ami gah tu vai ah m’shüih ami tawk tu vai nei.

ROMAN 3:22

Khanpughi naw chang gui cu ami yum nak awn, Jesuh Khrit ung düng sak gui ci. Cun cu Khanpughi naw Bawi Khrit yum ciah chang phung ung abi ah kyak ci, a i ah kya sei ci ung, chang gui ung ng’lakmah nak a i kä om ci:

EPHESIAN 2:14

Bawi Khrit amät naw Jew chang gui la chang khui hei gui cu, chang pakhui ät ah na pyang gui ne, dimdeeih nak na pe gui ci. A pumsa a peit nak awn changpakhui goi ah ng’tukgen khoikhei nak phi gäi ne m’shet pyi ci nei.

EPHESIAN 2:15

Cun kawn ah Jew chang gui ah thukhän shaitaak gui cu nawng-en ne, Jew chang gui la chang khui hei gui cu, amät ung kawng ät sak gui ne, pakhui thai ah kyak sak gui ci. Acucha ah dimdeeih nak cu a peit gui ah kyak ci.