KOLOSE 3:10 - Cho Bible Common Language 2016

¹⁰ ghin nak akthai awn nami ng’thoon vai. Cun cu akthai ah ghin nak la, tüisho ciah Khanpughi naw, kümbe ciah amät ah lunglang nak ning m’shum phyuk gui ne a mät ah müi bä bä ah a ning pyan ba thai gui ah kyak ci.

KOLOSE 3:10 Referans Kwoze

ROMAN 12:2

Khomdek khan ung yodäm nak ung kä nami ng’kü ng’neet tu vai, Khanpughi ung nami m’lung kyong avan ng’thawng sak u ne, m’lung ngaih ak thai awn nami om vai. Cun ung vah ni kyom nak, amät ung yeikyai nak la kümbe nak gui ah Khanpughi ah ang yak hlü cu nami hmat khai.

EPHESIAN 2:10

Bawi Khrit awn kawng ät ne, Khanpughi naw am hnüt bäi ah om k’ni nak ah mäih ah mi om ih vai ah, Khanpughi naw a na tüi sho gui ah kyak ci.

KOLOSE 3:12

Nangmi cu Khanpughi ah chang ah nami kyak ci, Khanpughi naw ning m’hni gui ne amät ah chang ah ning ghü gui ci. Cun ah kya sei nami ng’thon nak vai cu m’hteihtang nak, chimgein nak, mät hnga ngaih nak, hniphnoi nak la hniimgei nak ah kyak ci.

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

SAM 51:10

O Khanpughi, ka m’lung ang ciim na tüisho pe ne, mümcha k’thai, bekhüt nak na yuk thunthan pe ä.

EZEKIEL 11:19

Kei naw ngami am m’lung akthai, ngaih akthai ka pe gui khai. Kei naw ngami ah lung ah lin ciah ami m’lung liing nak cu la ne ghawh pe gui ne, ng’thu ngaih nak ah m’lung ka pe gui khai.

KOLOSE 3:14

Shin ah ang baan gui avan cu m’hni nak ung phung ci, cun ah m’hni nak naw avan shum ne kümbe kawng ät sak ci.

EZEKIEL 36:26

Kei naw nangmi am m’lung akthai, ngaih akthai ka ning pe gui khai. Kei naw lung ah liu ciah nami m’lung liing cu ning lak pe gui ne, beik ng’yak nak ah m’lung cu ka ning pe gui khai.

1 JOHAN 2:5

Cun ung phi ani ah thu läk ciah chang cu, Khanpughi am hni nak kümbe sak ci, Mikmi Khanpughi ung mi kawngät cu, acun naw ak cang ah dang sak ci.

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

1 JOHAN 2:3

Khanpughi ah thukhän cu mi läk ah a kyak ung ani mi hmat ciah akcang ah mi hmat khai.

ROMAN 8:29

Khanpughi naw a ghü ah chang gui cu, A hta ah mäih ah ami kyak vai ah m’cha ne m’hnüt ne om sak gui ci. A hta cu ng’phäi nau gui akda ung, ang vai pi ah a kyak vai ah hmawk ah cun ah a ciah kyak ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

EZEKIEL 18:31

Akshe name bi gui avan cu chah vä, name mät naw m’lung la ngaih akthai cu gah vä. A i ah kyasei nangmi Israel gui nami sih hlü ang?

THU PHLAAN 21:5

Cun kawn ah mangkiaang ung ngok ci naw, “Tuhbäi ung a päng avan cu akthai ah ka pyang ba ci nei” cine pyein ci. Bawipa naw, “A shin ah ng’thu cu ng’düng ne yum vai ah kyak ci kyasei gu ne nami m’hnüt vai nei” cine pyein ci.

EPHESIAN 2:15

Cun kawn ah Jew chang gui ah thukhän shaitaak gui cu nawng-en ne, Jew chang gui la chang khui hei gui cu, amät ung kawng ät sak gui ne, pakhui thai ah kyak sak gui ci. Acucha ah dimdeeih nak cu a peit gui ah kyak ci.

KALATIAN 6:15

Chang tumat vun ah vai la kä ah vai cu ak tung ah kä kyak ci, ak thai ah ang tüi vai cu ak tung ah kyak ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

KALATIAN 3:27

Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

HEBRU 6:6

Cun ung phi, ngami cu yum nak ung lam hma pyi ci gui nei! Ngahmi cu kä ng’yu ba sak gui hlawt vai nei, a i ah kyasei ci ung ngahmi cu Khanpughi ah Htapa kutlam tung ung ngawm ba mä u ne, thui ng’aa sak ciah kyak ci gui nei.

ISAIAH 59:17

Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.

JOB 29:14

Kei cu angtäi sei taga khai a, theing khai ah ka hnüntho ci.

ATÜNNAK 5:1

Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci.

ROMAN 6:4

Cun ah kya sei mikmi cu tui hnim nak awn Bawi Khrit awn a täng ah mi ng’phuh ne, ani awn a täng ah mi sik ci. Cun ah ani awn a täng ah mi sih ah mawng cu, Pa Khanpughi naw abäkhäk hlüngtai nak awn Bawi Khrit cu sih nak ungka a thawh ba sak ah mäih ah, mikmi cu ghin nak thai ung mi om vai ah hmawk ah kyak ci.

2 KORIN 4:16

Shin ah mawng ung keimi a i yah ung phi kami tha kä maih khai nei. Ka mi pumsa cu a dängphai law ung phi ka mi mümcha cu ak hnüüp tä k’thai ba pi pi ci nei.

PHILIMON 1:6

Kei ah taigü nak cu, yum ciah chang ah kya ne, nang awn mi kawngät nak naw, Bawi Khrit ung phi ghin nak awn a hrilham phung cu thuuk law pi sei mi hmat law pi vai ah kyak ci.