KOLOSE 2:8 - Cho Bible Common Language 2016

⁸ Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.

KOLOSE 2:8 Referans Kwoze

1 TIMOTHI 6:20

Timothi, kei naw ka ning ap gui cu ngaih na ne nam htei vai nei, ak she ah thu nak la chang amshah naw cheishoh nak lam ami “Hmuhmat nak,” ah ami ngaih ah, ng’cuhcan küükneet nak cu na hlawi vai nei.

EPHESIAN 5:6

Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

MATTHE 7:15

‘Htome ah vun awn ng’hlawp ciah hngei ah mäih ah hleeihlak ne lawk ciah profet gui cu nami geing nak vai.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

KOLOSE 2:20

Nangmi cu Bawi Khrit ung nami sih nak awn kho ak kaa ah om ciah mumcha ah uknak ungka nami phyawng pyi ci nei. A i ah kya sei khomdek khan cu khäm ne nami om ba hlü ang? A i ah kyasei,

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

JEREMIAH 29:8

Kei, Bawipa Israel Khanpughi naw ng’thu ka ning k’bäi gui ci, nami ng’lung ah om ciah prophet gui naw kä ning m’hleei en gui sä, ngawi ah ka vai ng’cängbang thei ciah pyen ci naw phi kä ning m’hleei en gui sä. Ngami ah ng’mang guiphi kä nami yum men vai nei.

2 PETER 3:17

Cun ung phi teihpüi gui aw, shin ah mawng cu nami hmat pyi ah kiak ci. Chang shekha gui ah lam k’she ung kä nami läk en tu vai ah, khäng sei nami ng’düih nak ungka kä nami yung kyak en vai ah geing nah ne nami om vai nei.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

2 JOHAN 1:8

Geing na ne nami om vai nei, cun ung nangmi ah hmawk ah keimi ah bi cu akholä ah kä kyak khai, nangmi phi m’cümhnah nak ak be nami gah khai.

KALATIAN 4:3

Acun ah mäih ah mikmi cun phi mümcha ung kämi khüighaat pha ung, khovang mümcha gui ah khlei htein ah mi kyak ci.

2 KORIN 10:5

Keimi naw kä nik ciah ng’cuhcan nak gui; Khanpughi ah mawng hmuhmat nak gui shungshet ciah om she nak gui kami m’shet yawp ci nei. Chang ah ngaihtüh gui phung cu pha ne k’pang ne, Bawi Khrih cu kami läk sak ci nei.

KOLOSE 2:18

Khankho chang khawihnah u ne, chang k’ni ah ng’hlawk u ne, ami mik hmuh ah phäh ah aktung ah hlüngtai ciah ng’shei ci gui ah, m’kat nak cu kä nami yuun en vai nei. Amawng hei kä om ci, chang tumat cu khomdek chang ah mawng lam ang ngaih-tüh nak awn, am lung kyong cu mei ah khu yawp ci.

1 PETER 1:18

Nami pupa gui ah pakhui nami m’düng ah kä shichah ciah ghin nak ung kaa, a i naw a ning phiawn sak gui cu nami hmat ci. Cun cu ghui ngui ah mäih ah dimaih thei ciah kä kyak ci.

ROMAN 16:17

Phäi nau gui aw, nang mi naw nami gah ah m’theithang nak gui cu hnu ng’tuk püi ne, chang gui ah m’lung ngaih ng’pai sak ne, chang gui ah yum nak lam hma sak ciah chang gui cu, nami geing nak gui vai nei, ngami cu nami hlawi gui vai nei!

EPHESIAN 4:20

Nangmi naw nami ng’theithang ah Bawi Khrit ah mawng cu cun ah kä kyak ci nei.

KALATIAN 1:14

Kei cu Jew gui ah yum nak akcang ah bi nak ung, kami thawn lawk ciah Jew chang gui ung, pupa gui ah thung law yoman cu k’tha na pi k’bäih ne ka läk ciah kyak ci.

PHILIPPIAN 3:2

Chang shekha gui, ui ah mäih gui, pumsa-ah vai cik ci gui cu nami geing nak gui vai nei.

THULÄÄN NAK 6:12

Egypt khaw ah changshäm ah nami kiakyah ung ning gung gui ciah Bawipa cu kä nami m’hnih vai ah nami ngaih nak vai.

MATTHE 16:6

Bawipa Jesuh naw, “Nangmi cu pharisee gui la Sadducee gui ah k’caw cu ngaih na ne nami hlawi vai,” cine m’cäi gui ci.

MATTHE 10:17

Geing nah ne nami om vai, chang gui naw ning pha gui ne yung ah m’kawt ung ning hteh püi gui khai gui.

KOLOSE 2:22

Ayan nami mang man te gui cu tuhbäi mang ba vai ah kä kya ba ci nei. Cun gui cu chang ah pyan ah thukhän la m’theithang nak gui ah kyak ci.

EPHESIAN 2:2

Khomdek khan ah cheishoh nak lam cu nami läk ci, kho k’häüung ka, mumchashe ah hlüngtai nak ah uknak cu nami läk ci, acun naw tuhbäi Khanpughi kä ngai ciah chang gui cu shum gui ci.

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

LAMKTU 17:32

Paul naw, sih nak ungka thawh ba nak ah mawng a pyein cu ng’ya u netah chang amshah naw päipih ci gui. Cun ung phi amshah gui naw, “Shin ah mawng na pyein cu kami ng’ya ba hlü mä ci nei” cik ci gui.

SOLOMON NG’Ä~ 2:15

Pai lawk ciah mi sapyit cu ng’theih sak ä. Kä ami m’di pha ung, Sa ui gui, sa ui hta gui cu pha gui vä.

1 KORIN 8:9

Cun ung phi nangmi naw ng’päiye ne nami ei awk nak tu awn, ayum nak ken ci gui ah cheishoh nak vai ah kä kya-en khai ah nami geing nak vai.

1 KORIN 10:12

Kei khüi ne kang düi ci cik ciah chang naw kä a kyuktäät vai ah ak tha nak pi vai nei.

KALATIAN 5:15

Cun ung phi kawng, khawm gui ami ng’tohpah ah mäih ah nami kyak ung, tumat la tumat nami dishum nak ah kyak khai nei.

KOLOSE 2:23

Akcang ah pyein ung cun gui cu, khankho chang düt nami khawihnah nak ah cüivai nak ung ng’yung ne dang lawk ciah kyak ci. Chang ah ng’yak hlü ah thuvi nak, pumsa ah m’hni kümbe sak nak, gui ah kyak ci. Cun ung phi cun gui naw, pumsa mawngma ami kut shum nak ung akcang ah aphuma kä dang ci.

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.