KOLOSE 2:5 - Cho Bible Common Language 2016

⁵ Ka pumsa awn a täng ah kä mi om pang ung phi, ka Mumcha awn atäng ah ka ning om püi gui ci nei. Bawi Khrit ung nami yum nak awn ng’düi ghawm u ne, khäng ne nami htek cu ning hmu gui ne ka yei ci nei.

KOLOSE 2:5 Referans Kwoze

1 THESSALONIAN 2:17

Phäi nau gui aw, keimi cu nangmi awn a shäng hta nei ng’shawng ne kami om. Cun ah pumsa awn mi ng’shawng pang ung phi, kä kami ning m’hnih gui phung ci nei. Nangmi cu ang htei ah ning khaih na gui ne, ning hmuh ba gui vai ah kami tha nak ci nei.

1 PETER 5:9

Nami yum nak khänhtek sak ne khüighaat ne om vä, a i ah kia sei ci ung, na mi hmat pyi ah mäih ah, m’dek ah khan ung khritha gui cu, geinvai nak ung ami yaica ah hmawk ah kiak ci.

1 KORIN 16:13

Nami cüivai vai, nami yum nak ung khäng htek sei nami ng’düih vai, nami hlui cang vai, nami k’thamah vai.

HEBRU 3:14

Mikmi cu ak htük ah mäih ah a khüt nak ung khüt sei, khäng ciah ngaihgep a om ah a kyak ung Bawi Khrit awn bilo ghawm ciah chang ah mi kyak ci.

1 KORIN 14:40

A mawng ammaa avan cu a khüimaai ang käkhtäng ah nami bi vai nei.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

1 THESSALONIAN 3:8

Nangmi ah ghin nak Bawipa ung kawng ät ne ngaih gep vai ah a kiak ung keimi cu tuhbäi akcang ah kami ghing ciah kyak ci nei.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

SAM 78:37

Ngami cu ani ah khan ah kä chang m’sui ci gui, ani awn ami shaitak ung kä bekhüt ci gui.

SAM 78:8

Ngami cu ami pupa gui ah mäih ah kä kyak ci gui, ami pupa gui cu hnu ng’tuk u ne, ng’thu kä ngai u ne, Khanpughi ami yum nak kä ng’shing ci, kä bekhüt ci gui ah kyak ci.

2 SHONTÄP NAK 29:35

A pumsa van m’khih ne khawihnah nak douthak nak phi om ba ci, chang gui naw ami ci vai ah khawihnah nak douthak nak ah a thau m’khih nak cu taigü gui ah bi ah kyak ci, m’khih ne douthak nak ung ami bi ah sapyit tui phyuh theh nak phi ngami naw bik ci gui. Acu cha ah Taigüim ung khawihnah nak cu tün ba ci gui.

KOLOSE 2:1

Nangmi ah hmawk, Laodica chang gui ah hmawk la kei ka changsing kä na hmat ciah chang gui ah hmawk ah, kei naw a i hlawk ah k’tha na ne kabi cu ka ning m’thein gui ci nei.

1 KORIN 11:34

Cun ah nami ng’cut law ung, Khanpughi ah m’khoichaa nak kä nami gah vai ah, ei cawi ci naw a im ah a ei shüt ge vai. A hei a mawng gui cu ka mät ka law kawn ah ka ning m’thein gui khai.

LAMKTU 2:42

Ngah mi cu ang düihpüi gui ah ng’thei thang tu u neh a täng ah ip om u neh, a täng ah ei awh u neh, a täng ah k’tai gü u neh, mü pyang ci gui.

RUT 1:18

Ruth naw a täng ah a hteh tu vai ah ling ne a pyen cu Naomi naw hmu net a, a i phi kä pyen ba ci.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

KHEI NAK 7:11

Bawipa naw Moses am a pyen nak cu, “Nam thein gui vai nei, a hnüüp tä sei a khin päng ung hnü ät ci, hnüüp gha lei goi ung, angvai hta tumat naw hnü ät ci, am cümhnah nak cu sonkiang ap nak ah a peik vai.”