KOLOSE 2:22 - Cho Bible Common Language 2016

²² Ayan nami mang man te gui cu tuhbäi mang ba vai ah kä kya ba ci nei. Cun gui cu chang ah pyan ah thukhän la m’theithang nak gui ah kyak ci.

KOLOSE 2:22 Referans Kwoze

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

TITUS 1:14

Cun kawn ah Jew chang gui ah puma la düng nak hnu ng’tuk püi ciah chang gui ah thukhän cu kä ami kutshum men ba vai nei.

1 KORIN 6:13

Chang atumat naw, “Ei cu chi ah phäh ah kyak ci, chi cun phi ei ah phäh ah kyak ci” cine pyein ci om khai. Acun ah kyak ci, cun ung phi Khanpughi naw acun goi ani nik hnih cu dimaih sak khai. Pumsa cu ng’yawpawm pletbeng nak düt vai ah kä kyak ci, Khanpughi ah bi bi nak vai ah kyak ci; Khanpughi naw phi pumsa ung hlü ci gui cu yuk m’kyum lawk ci.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

DANIEL 11:37

Ghangpughang naw apupa gui ah khawihnah man ah Khanpughi la hnumi gui ah m’hni ah Khanpughi cu a i ah kä sui khai. A i ah kyasei ci ung ani naw cun gui avan ah dämduh pi ciah ngai khai.

ISAIAH 29:18

Cun ah hnüüp a gawk law ung a paang naw ca uk akdäm ah ami phat cu ng’yak khai, amik m’dauk hmüp khui ung om cicu amik m’dei sei hmu lawk khai.

THU PHLAAN 17:18

“Nang ah na hmuh ah hnumi nu cu khomdek khan ah ghangpughang gui uk gui ciah mang gawnu ah kyak ci,” cine pyein ci.

KOLOSE 2:21

“Shin kä pan vai, cän kä nüm vai, shin kä tawn vai” ciah thukhän gui cu nami läk ba hlü ang?

2 PETER 2:12

Cun ah chang gui cu phaa vai, ngawn vai ah ng’tüi ciah k’pyamasa ah mäih ah kyak ci gui, a i kä ami hmat su ah päipih nak om ci. Ngami cu a i kä hmat ciah k’pyamasa ah mäih ah dimaih khai gui.