KOLOSE 2:21 - Cho Bible Common Language 2016

²¹ “Shin kä pan vai, cän kä nüm vai, shin kä tawn vai” ciah thukhän gui cu nami läk ba hlü ang?

KOLOSE 2:21 Referans Kwoze

1 TIMOTHI 4:3

Cun ah chang gui naw, käng chung la vai, ei amshah cu hlawi vai, ciah m’theithang ci gui. Cun ung phi yum ne Thu düng hmat ciah chang gui naw, m’hlüngtai ne taigü u netah, cun ah ei cu ami ei vai ah Khanpughi naw a tüi pyan ah kyak ci.

ATÜNNAK 3:3

Cun ung phi Khanpughi naw, “Ang lung ung ghing ciah am theih cu kä nami ei vai, tawn ah phi kä nami tawn vai, nami ei ah a kyak ung nami sik khai cine pyen ci” cik ci.

ISAIAH 52:11

Taigüim ung ka, khawh gui kawt chang ci gui nami van, Babilon ung ka ang ghit ah hteit vä! Hlawi zeeih phungcu kä nami tawn en vai nei; Nami mät theing cim sak neta hteit vä!

2 KORIN 6:17

Cun ah kyasei Bawipa naw; “Ngami cu nawng shüt gui ne, ngami awn ng’cha ne nami om vai. Kä theingcim cicu kut awn phi kä nami tawk en vai, cun ung ka ning dou gui khai.

KOLOSE 2:20

Nangmi cu Bawi Khrit ung nami sih nak awn kho ak kaa ah om ciah mumcha ah uknak ungka nami phyawng pyi ci nei. A i ah kya sei khomdek khan cu khäm ne nami om ba hlü ang? A i ah kyasei,

KOLOSE 2:22

Ayan nami mang man te gui cu tuhbäi mang ba vai ah kä kya ba ci nei. Cun gui cu chang ah pyan ah thukhän la m’theithang nak gui ah kyak ci.