KOLOSE 2:16 - Cho Bible Common Language 2016

¹⁶ Cun ah kyasei, ei awk nak ah mawng, hnüüp theing ah mawng, chaa lum la kyin nak ah mawng gui pyein ne, a u am phi thukhän kä bi-en sak vä.

KOLOSE 2:16 Referans Kwoze

ROMAN 14:10

Cun ah kya sei, thui am bäng ei hning ciah chang gui, a i ah kya sei nami phäi nau nami m’khoichaa ang! A i ei phi ei thei ciah chang gui, a i ah kya sei nami phäi nau na mi yokshe nak ang! Mikmi mi van cu a nam khoichaa gui vai ah Khanpughi ah maa ah mi ng’düi yawp khai nei.

KALATIAN 4:10

Nangmi naw hnüüp, chaa, kum, akhin amshah gui cu, aküikyang ah nami m’hnüt ci.

HEBRU 13:9

Lam ng’düng ungka lam hma vai ah a hlü hlü ah ami m’theithang nak cu kä nami läk-en vai nei. Ei ei vai ah mawng läk nak vai ah thukhän ah kä kyak ciah, Khanpughi ah m’gein nak awn gah ah thamah nak cu bä ci; acun ah thukhän läk ciah chang gui cu a i sang ung phi kä bä hlawt ci gui.

EZEKIEL 45:17

Ani naw shin gui a pek gui vai cu ani ah bii ah kyak ci, apum avan m’khih vai seime gui, Israel pakhui avan ah phäh ah htang-douthak nak la sapyit tui-douthak nak gui, cun gui cha lum thai pawi, kyin hnüüp gui la ahei pawi gui ung a pek gui ah kyak ci. Ani naw katnak ah phäh ah douthak, htang-douthak, apum avan m’khih ne douthak la khawtsheng-douthak nak gui cu, Israel chang gui ah katnak gui k’täm nak ah kyak ci.

NEHEMIAH 10:33

Taigüim khawihnah nak ung mang vai ah shin gui cu kami pek khai: m’htut theing, a hnüüp tä htang-douthak nak, a hnüüp tä seime gui m’khih ne khawihnah nak, kyin hnüüp ah phäh ah theing ciah douthak nak, cha theei pawi, ahei pawi gui a hei theingcim ciah douthak nak, Israel gui ah katnak nawt heng nak ah douthak nak, gui la a hei Taigüim ung hlü ci phung ah kyak ci.

1 SHONTÄP NAK 23:31

A i yah ung phi kyin hnüüp ung Bawipa am douthak ami m’khih nak, Cha Thai Luum Pawi la a hei pawi gui. Amät ah a khin päng ung Levit chang a u chü naw bik khai ciah ami k’bäi om ci. Levit gui cu Bawipa khawihnah nak ah akhin avan ung bii bik khai gui ah awi k’bäi gui ah kyak ci.

MATTHE 15:11

Chang shetkat sak cicu m’gawnglei ung yulut vük ciah kä kiakci, m’gawnglei ungka lut lawk ciah kya ci,” cine kyak na gui ci.

HEBRU 9:10

Cun gui cu ei awk la theingcim nak a hlü hlü bilawh nak gui ung phung ci. Shin gui cu ak pung lam m’hnütbäi nak gui ah kya ne, Khanpughi naw khokthai a pyan nak kä phaa sei ng’pyi khai gui.

JAMES 4:11

Phäinau gui aw, tumat la tumat kä ng’täitawk tu vä. A khritha phäinau täitawk ne m’khoichak ciah chang cu, thukhän täitawk ne m’khoichak ciah kyak ci nei. Thukhän nami m’khoichaa ah a kyak ung nangmi cu thukhän läk ciah kä kya ne, m’khoichak ciah nami kyak khai.

MAKUH 7:19

Ak pung lam ah kaa chang ah akyong ah lut ci phung cu chang ah m’lung kyong ung kä gawk hlawt ci, chi-khawn ung gawk netah pumsa ah ak pung ah lut law ba yawp ci. Cun ah kyasei chang ah pumsa kyong ah yulut vük ci naw chang kä shetkat sak hlawt ci, ci cu kä nami hmat ci ma?” cine pyen na gui ci. (Shin ah a pyein nak ung ei man gui phung cu avan ei vai ciah am dang nak ah kiak ci.)

LAMKTU 15:20

Cun ung phi khongyo vawihpeh ng’ghutha nak kä ei vai ah mawng; kä ng’yo khoh dütdüt vai ah mawng; a gawn ung kheik ne ngawn la si phung phung kä ei vai ah mawng gui cu ami hmat hlawi vai ah ca gu ne mi pe gui khai ah ka ngai ci.

EZEKIEL 4:14

Cun ung phi kei naw m’shang ne “ka nei, uktu Bawipa aw! Kei naw ka mät ai yah ung phi kä ka le lawi sak man ci ne! Kei ka hmaw yah ge ung amät sik ciah khisa la sah nget naw a lawh ah sa cu kä ka ei man ci nei. Kä theing ciah ngaih phung cu kä ka ei man ci nei” ka cik ci.

ISAIAH 1:13

Deuthak nak nami law püi cu a khaw lä nei. Nangmi naw nami m’khih ah ang ui aha khu cu kei naw ka m’shem shai ci nei. Nami chathai pawi, kyinnak hnüüp la yum nak nami ng’bum nak ung kei kä ka om hning kahi; cun gui avan ca nami katuak naw m’di yawp ci.

SAM 81:3

Cha theei yah la cha lum yah ung, lungnu ah hmawk ah k’phyung lawi tum vä.

SAM 42:4

Yan ä ka gui ka shüm ba ung ka m’lung so ci nei, Kei cu chang hli awn atäng ah Khanpughi ah im ah ka hteh yah ung, ami m’hni ah hteh sak gui yeikyai ciah chang hli naw ng’äi m’cu ne, m’lau ne, Khanpughi m’tam ci gui nei.

NEHEMIAH 10:31

Khawhei chang gui naw htang phi kä cung a i phi, law püi ne, kyin nak hnüüp kä cung a i hnüüp phi theingcim ciah hnüüp ung keimi naw ngami ah kä kami hleih khai. Kum chih abe päng ung keimi naw khaw lo phi kä kami bik khai, ng’pu hnih avan phi kami nawng pek khai.

NEHEMIAH 8:9

Chang gui naw thukhän ah akthäh cu ng’ya u neta, hnün aih u neta kyap ci gui. Cun ah kyasei Nehemiah uktubawi, Ezra taigü la thukhän hmuhmat ci, thukhän phlan ciah Levit gui naw chang avan am m’thein ci gui, “Tuhngawi cu Bawipa nami Khanpughi ah theingcim ciah hnüüp ah kyak ci, cun ah kyasei kä nami thüi vai, kä nami kyah vai.

2 GHANGPUGHANG GUI 4:23

A cei naw, “A i ah kyasei tuhngawi na hteh vai ang? Tuhngawi cu kyin hnüüp käcung cha thei pawi hnüüp ah kä kyak ci nei” cik ci. Hnumi naw, “Bäi khai nei” cik ci.

1 SAMUEL 20:18

Cun kawn ah Jonathan naw ani am, “Ngawi ung cu cha thai pawi ah kyak ci, nang cu ei ei nak ung kä na om tu ah a kyak ung, nang kä na om cu hmat lawk khai.

1 SAMUEL 20:5

David naw, “Ngawi ung cu cha thai pawi ah kyak ci, kei cu ghangpughang awn a täng ah ka ni ei khai kyak ci. Cun gui cu nang ung hman ciah a kyak ung, kei cu hteit ne, cituh hnüüp mühun güt bung ah ka ng’thup khai.

TAIGÜTHUM 16:31

Cun ah hnüüp cu ang htei ah theingcim ciah hnüüp ah kyak ci. Ei ami hlawi nak la a i kä ami bi nak ah khaw hnüüp ät ah kyak ci. Shin ah thungyo gui cu lawk ciah a khin avan ung ngaih nak vai ah kyak ci.

AMOS 8:5

Nangmi nami mät ng’thu u ne, “Theingciim ciah hnüüp ang pyi vai cu, keimi naw aktung ah kami ngäng ci nei, cun ung keimi naw kami htang cu kami yoi hlawt khai. Kyiin nak hnüüp cu a i yah ung ng’pyi khai ang? Cun ung kami yoihtuk vai kami tün ba khai nei. Cun kawn ah keimi naw kami shum khai, kä hman ciah nän nak gui, kä düng ciah khin nak gui.

KHEI NAK 10:10

A cun ah mäih ah yeikyai nak ah akhin gui ung nami cha thai pawi gui la a hei yum nak pawi gui ung M’khih ne douthak nak la hmuhchum douthak nak pak law ung phyungheng gui cu nami tum vai. Cun ung kei naw ka ning m’htei gui khai. Kei cu Bawipa nami Khanpughi nei.”

2 SHONTÄP NAK 31:3

Bawipa ah thukhän ung lawk ciah mäih ah a khawngawi päng a mühun päng ung m’khih ne douthak vai la, Kyin hnüüp douthak vai la Cha Thai lum hnüüp douthak vai la a hei pawi gui la Bawipa ah thukhän naw ak thäh ah kya ci.

KOLOSE 2:20

Nangmi cu Bawi Khrit ung nami sih nak awn kho ak kaa ah om ciah mumcha ah uknak ungka nami phyawng pyi ci nei. A i ah kya sei khomdek khan cu khäm ne nami om ba hlü ang? A i ah kyasei,