KOLOSE 2:15 - Cho Bible Common Language 2016

¹⁵ Acun ah kutlamtung khan ah Bawi Khrit naw amät cu, Mumcha uknak ah hlüngtai nak la huham nak gui ungka phiawn sak ci.

KOLOSE 2:15 Referans Kwoze

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

EPHESIAN 4:8

Cacim theing ung lawk ci cu; “Bawipa cu a hlüng nakpi ah hang kai ne, Thawng kyum chang khli cu kai püi gui ci; Hnicim chang van am m’cümhnah nak, pek ci.”

MATTHE 12:29

A u chang naw phi k’thagui mah ciah chang cu khit ne kä ak pawng cang ung, a im kyong ah lut ne a khawhcham kä lak pe hlawt khai, khit ne ak pawng kawn ah vah lak pe hlawt khai.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

EPHESIAN 6:12

Mikmi cu hnicim cang awn ng’tuk mi bik ciah kä kyak ci, khankho ah om ciah mümcha she gui la shin ah kho hmüp nak kho ung, uk ci gui, huham mah gui, la hlüngtai nak om ci gui awn ng’küükneet ne ng’tuk mi bik ciah kyak ci.

JOHAN 16:11

M’dek khan uk ciah bawi cu m’khoichaa nak gah pyi ci kya sei, m’khoichaa nak ah mawng dang khai.

LUKA 10:18

Bawipa Jesuh naw, “Khankho ah kho alai-läp ah mäih ah Satan cu kya law sei ka hmuk ci.

THU PHLAAN 20:10

Chang gui cheishoh sak gui ciah khoshe cun phi yam meidäi ung yuk shum ci gui. Acun ah mei ung khiküi la purofet she phi ami yuk shum pyi ah kyak ci. Ngami cu amü ak hnüüp hta ng’shon ung dukdeiu nak gah khai gui.

SAM 68:18

Ani cu ak hlüng nak pi ah hteit ne, akda pha ne hteh püi ci; Ani ng’küknet püi ci gui naw m’cümhnah pek ci gui. Bawipa Khanpughi cu a cu ah om khai nei.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

KOLOSE 1:16

Ani awn Khanpughi naw, khankho la khomdek ung om ciah ang tüi avan, hmuh thei la kä hmuh thei, mümcha hlüngtai nak gui, bawi gui, uknak gui la huhamah gui cu, tüisho ci. Khanpughi naw, khophlüt avan cu ani awn, ani ah hmawk ah tüisho ci.

LUKA 11:22

Cun ung phi ani ah mä k’thagui däm tu ba ciah chang law ne ani cu am khüt näng ah a kyak ung ani ah ngaih u ah likhim gui phi gut yawp ne akhawh cham gui phi gut yawp ne, amät ah chang gui am k’pai gui khai.

2 KORIN 4:4

Khodek khan ah khoshe naw ami m’lung cu shung sei, ngami naw kä yum hlawt ci gui. Satan naw shung gui sei, Khanpughi ah müi ak cang ah kyak ciah, Bawi Khrih ah bämang nak ah mawng, ngami ah khan ah ng’shü lawk ciah: Thu Ni ah akdei cu kä hmu hlawt ci gui.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

JOHAN 19:30

Bawipa Jesuh-am tu ci gui. Bawipa Jesuh cu cun ah sapyit tui aw netah, “Bi ng’pyi ci nei” cine ak hngü bat ne kät lawk ci.

1 KORIN 15:24

Cun kawn ah kho ah ng’pyi nak gawk lawk khai; Cun kawn ah Bawi Khrih naw, mümcha uk ci gui a van, huham nak gui avan, hlüngtai nak gui a van cu näng ne khäm netah, Uknak kho cu Pa Khanpughi ah kut ung ap khai.

2 KORIN 2:14

Cun ung phi Khanpughi kam hlüngtai ci! A i ah kyasei ci ung Khanpughi naw mikmi cu Bawi Khrih ung na kawng ät sak gui ne, Bawi Khrih ah näng nak tung ak chang phaa ah khän ne a na ng’leen püi gui ah hmawk ah kyak ci. Bawi Khrih ah mawng hmuh hmat nak cu, tui ng’ui ah mäih ah kho ng’nü ung ang ui vai ah Khanpughi naw na mang gui ci.

EPHESIAN 3:10

Cun ah abi ah mawng cu Khan uk ci gui la hlüngtai ci gui naw Bawipa ah cüivai nak a hlü hlü cu, tuhchü Krihtabum awn ami hmat sak nak vai ah kyak ci.

KOLOSE 2:10

Mumcha uknak la huhamah nak avan cu uk ciah acun ah Bawi ung nami om nak awn nangmi cu kümbe nak nami gah ci.