KOLOSE 2:12 - Cho Bible Common Language 2016

¹² Tui nami ng’hniim cu Bawi Khrit awn nami ng’ciim nak ah kyak ci. Tui nami ng’hniim nak ung Bawi Khrit awn nami tho ba ciah kiak ci. Cun cu ani sih nak ungka thawh ba sak ciah Khanpughi ah tholet ciah hlüngtai nak nami yum nak awn ah kyak ci.

KOLOSE 2:12 Referans Kwoze

1 PETER 3:21

Tui cicu tuhbäi nangmi ning hun gui ciah tuihniim nak ah kiak ci. Tuiniim nak cicu pumsa alelawi m’sipyou ah kä kyak ci, m’lung ngaih ni awn Khanpughi ah shaitaak nak bi ah kyak ci. Bawipa Jesuh Khrit sih nak ungka a thawh nak ba awn, tuiniim nak awn hun nak nami gah ci.

KALATIAN 3:27

Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

LAMKTU 2:24

Cung ung phi ani cu sih nak naw shung neh kä m’khüt ci, Khanpughi naw sih nak ah hlüng tai nak ung ka’ phiawn neh thawh ba sak pyi ci.

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

ROMAN 4:24

Mikmi ah hmawk ah phi kyak ci, a i ah kya sei ci ung, Jesuh mi Bawipa sih nak ungka thawh ba sak ciah Khanpughi cu, mi yum nak awn Khanpughi naw chang düng ah na k’bäi gui ne a na dou gui ah hmawk ah kyak ci.

EPHESIAN 4:5

Bawipa tumat, yumnak tumat, tui hnim nak tumat;

EPHESIAN 2:8

Khanpughi ah m’gein nak ung yum nak awn hun nak nami gah ci. Nami mät ah ni kyom nak la k’tha nak awn ah kä kyak ci, Khanpughi ah m’gein nak ah kyak ci. Cun ah kyasei a u naw a khäh ghah nak vai kä kyak ci.

1 KORIN 15:20

Cun ung phi akcang cu Bawi Khrih cu sih nak ungka tho ba pyi ci, cun cu sih nak ung ip ciah chang gui ami thawh ba vai ah mawng ang kyän nak ah kyak ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

HEBRU 6:2

Tui hnim nak ah mawng, kut taih ah mawng, sih nak ungka thawh ba ah mawng la ak hnu bäih ah m’khoichaa nak ah mawng gui cu ning m’thei gui pyi ah kyak ci.

PHILIPPIAN 1:29

Nang mi cu ani nami yum nak bäng awn ah kä kyak ciah ani ah hmawk ah yaica nak nami gah nak awn Bawi Khrit ah khuut bi nak vai ah a khin k’ni cu nami gah ci.

EPHESIAN 5:14

Cun ah dang law ci phung phung cu akdei ah kya lawk ci nei. Cun ah kyasei cacim theing ung; “Ip ci gui let law vä, Sih nak ungka tho law vä, Nami khan ah Bawi Khrit ng’shü lawk khai nei” ciah om ci.

EPHESIAN 3:7

A hlüngtai nak ah a bilawh nak awn Khanpughi naw ana peit ah ak küikyang ah m’cümhnah nak cu, Thu Ni ng’shäu ciah ak chang shäm ah ana pyan ah kyak ci.

1 KORIN 12:13

Acun ah mäih ah, Jew chang, khui hei chang, chang khleihtein, chang ng’päi om, chang mi van cu Mumchabawi tumat ung tui mi ng’hniim u ne, pumsa tumat ah mi kya lawk ci. Acun ah Mumcha cu chang mi van naw mi gah ah kyak ci.

ROMAN 7:4

Phäi nau gui aw, shin ah mawng cu nang mi awn phi ng’lüng ci nei. Nang mi cu Bawi Khrit ah pumsa ah nami kya pyi ci kya ne, thukhän ung nami ghin nak cu si pyi ci nei. Khanpughi ah khuut bi nak ung hnüntho ciah mi kyak nak vai ah sih nak ung ka tho ba ciah Bawi Khrit ah chang ah nami kya pyi ci nei.

LAMKTU 14:27

Antiok gawnu ah ami gawk law ba ung ngah ni naw khrithabum gui m’cut gui netah, ngami awn Khanpughi naw bi abi nak gui la a pakhui hei gui naw ami yum law tu vai ah lam a hmawn peit gui ah mawng cu m’thein tu ba gui ci goi.

LUKA 17:5

Ang düihpüi gui naw, Bawipa-am, “Kami yum nak na hlüngtai sak gui ä” cik ci gui.

LAMKTU 2:32

Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci.

KOLOSE 1:29

Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.