KOLOSE 2:11 - Cho Bible Common Language 2016

¹¹ Bawi Khrit ung nami kawng ät nak awn nangmi cu kyoon hnah pyi ah nami kyak ci, cun cu chang ah kyoon ah kä kyak ci. Bawi Khrit ah kyoon ah kyak ci. Cun cu cheishoh nak ah, hlüngtai nak ung kaa phiawn nak ah phi kya tuk ci.

KOLOSE 2:11 Referans Kwoze

ROMAN 2:29

Jew chang akcang läi cu am lung kyong ah vun-ah nak bi pyi ciah chang ah kyak ci nei. Cun ah chang Jew chang ah kyak sak cicu gu ne tai ah thukhän ah kä kyak ci, Khanpughi ah Mumcha naw vah chang cu am lung kyong ung Jew chang ah kyak sak ci. Ani cu chang ah m’hlüngtai nak gah ciah kä kyak ci, Khanpughi ah m’hlüngtai nak gah ciah kyak ci.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

EPHESIAN 4:22

Cun ah kyasei ghin cu om düt ah ghin nak man, ak phyim cu lim ne nawng shüt vä. Mät ah ng’yak hlü hlimtui nak awn didap thei ciah, ghin nak phyim cu hnu nah vä.

ROMAN 6:6

Mi ghin nak k’phyim cu Bawi Khrit awn a täng ah kutlam tung ngawn pyi ah kyak ci. Cun ah kya sei katnak awn be ciah mi m’lung kyong cu dimaih pyi ci kya ne, mikmi cu katnak ah khlei-htein ah kä mi kya ba ci, cicu mi hmat pyi ci.

KALATIAN 5:24

Bawi Khrit Jesuh khäm pyi ciah chang gui phung naw hnicim chang nak la ng’yak hlü nak avan cu, kutlam tung ung sih püi pyi ci gui nei.

THULÄÄN NAK 30:6

Bawipa nami Khanpughi naw nangmi la nami htangshon gui am ang thu ngaih nak m’lung ning pe gui khai. Cun ah kyasei nangmi naw nami m’lung ngaih avan awn nami m’hni khai. Nangmi cu cun ah khaw ung k’täi ne nami om lä khai.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

2 KORIN 5:17

Chang nak cicu Bawi Khrih ung a ghin ung, ak thai ah ng’tüi ba ciah kyak ci; ak phyim avan ng’kawn yawp ne, avan ak thai ah kya yawp ci.

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.

THULÄÄN NAK 10:16

Cun ah kyasei tuhbäi ung tün ne, Bawipa cu ngai vä, nami linglai nak cu ng’düm vä.

HEBRU 9:11

Cun ung phi Bawi Khrit cu om pyii ciah nikiom nak gui ah Taigütung ah kya ne gawk law pyii ci nei. Ani ah khuut bi nak ah phung cu hlüngtai ne kümbe pi ci nei: cun cu chang ah cawh ah kä kyak ci, atüi pyan ah khomdek ungka ah kä kyak ci.

JEREMIAH 4:4

Nami Bawipa, kei awn ng’thu mi khän cu nami k’pan vai nei, nami mät naw nami mät kei ung nami ng’ap vai, nangmi Judah la Jerusalem chang gui. Cun ah kä nami bi ung nangmi naw akshe nami bi ah hmawk ah ka m’lungshe nak naw mei ah mäih ah ning ui gui khai nei. Cun ah a uih law ung cun m’sih khai a u kä om khai nei.”

2 KORIN 5:1

Mikmi ah om nak ah kyak ciah khomdek pumsa cu ang kawn ah a kyak ung, Khanpughi naw khankho ah, amät ah pyan ah, angtäi om nak ah im, na k’hman gui khai cicu mi hmat ci.

LAMKTU 17:24

Khomdek la khomdek khan ah om ci nüng tüi pyang ciah Khanpughi cu, khomdek la khankho uk ciah Khanpughi ah kya ne, chang naw kut awn a pyan ah pum im ung kä om ci.

LAMKTU 7:48

“Cun ung phi hlüng tai pi ng’bäih ciah Khanpughi cu chang ah cawk ah im ung kä om ci. A i ah kyasei ci ung profet ah ng’thu pyein ung:

LUKA 2:21

Ak hmawhta cu hnüüp chih lüng sei vun-ah nak ami bi nak ah hnüüp ung “Jesuh” ah ang ming sui ci gui. Cun cu kä ami m’gai nak pha ge ung khankho chang naw sui vai ah a pyein ah kiak ci.

MAKUH 14:58

“Chang ah kut awn cawh ah shin ah pum im cu kei naw ka plawh khai, cun kawn ak hnüüp thum hnüüp ung chang ah kut awn kä cawh ah pum im cu kei naw ka co khai” cine a pyein cu kami mät naw

ROMAN 7:24

Kei cu ang htei ah kam lung thüi aih ci nei, Kei na sih sak ciah shin ah pumsa ungka a u naw kei cu na hun tuk khai ang!

KOLOSE 3:5

Nangmi naw sihnak ung nami ap vai cu, nami m’lung kyong ung bi bik ciah khomdek khan ng’yak hlü nak gui ah kyak ciah, ng’yawng’pawm nak, om shet nak, htukhtik nak, cheishoh nak, humhlam nak (Humhlam nak cu a gup khawihnah nak ah kyak ci.)