KOLOSE 2:1 - Cho Bible Common Language 2016

¹ Nangmi ah hmawk, Laodica chang gui ah hmawk la kei ka changsing kä na hmat ciah chang gui ah hmawk ah, kei naw a i hlawk ah k’tha na ne kabi cu ka ning m’thein gui ci nei.

KOLOSE 2:1 Referans Kwoze

KOLOSE 1:29

Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

PHILIPPIAN 1:30

Tuhbäi nang mi cu kei awn a täng ah ng’tuk nami bi hning pyi ci nei. Ayan pui tüi ne kei naw ng’tuk ka bi cu nang mi naw nami hmuk ci. Tuhbäi phi nami ng’yak ah mäih ah kei cu ng’tuk ka bi gäkgäk ci nei.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

LAMKTU 20:38

Paul naw, “Kei cu cän kawn ah kä nami na hmu ba khai” a ciah hmawk ah ang htei ah thüi sei yaica ci gui. Cun kawn ah ngami naw htinpaw ah khüt ne tha tuk ci gui.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

KOLOSE 2:5

Ka pumsa awn a täng ah kä mi om pang ung phi, ka Mumcha awn atäng ah ka ning om püi gui ci nei. Bawi Khrit ung nami yum nak awn ng’düi ghawm u ne, khäng ne nami htek cu ning hmu gui ne ka yei ci nei.

KALATIAN 4:19

Kam hni ah ka hta nau gui aw! Bawi Khrit ah m’lung ngaih nangmi ung kä a om pha ah chuih, kei cu hta lawk khai ah nu ah mäih ah ka yaica ci nei.

LAMKTU 20:25

Kei naw hteit shüi shüi ne nami ng’lung ah, Khanpughi ah uk nak kho ah mawng cu ka pyein pyi ci. Cun ung phi nangmi ungka a u phi kei na hmu law ba khai kä om ciah ka hmat ci.

LUKA 22:44

Bawipa Jesuh cu ang htei ah yaica ne aktung ah taigü ci; am hutui gui cu si ah mäih ah lut law ne m’dek ung kya lawk ci gui.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

1 THESSALONIAN 2:2

Nangmi ah om nak Thessalonika ah kä kami law pha ung, Philippi ah a i hawkcha ah shedam dukdeiu nak kami gah cu nami hmat ci nei. Cun hlawk ah hnu ng’tuk püi nak a om tu pang ung phi, Khanpughi naw amät ungka lawk ciah Thu Ni cu, ning m’thein gui vai ah thamah nak na pe gui ci nei.

ATÜNNAK 30:8

Rachelah naw, “Kei cu ka pai awn hnungtuk ni ne, kei ka näng ci” ci nak ah a ming cu Naphtali ah sui ci.