KOLOSE 1:7 - Cho Bible Common Language 2016

⁷ Nangmi naw Khanpughi ah am gein nak cu Epaphras ah nami ng’thei ci. Ani cu mi changshäm, mikmi ah hmawk ah bekhüt ciah Bawi Khrit ah khuut bik ciah kyak ci.

KOLOSE 1:7 Referans Kwoze

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.

PHILIMON 1:23

Bawi Khrit Jesuh ah hmawk ah kei awn a täng ah thawng ung kium ciah Epaphras naw, yeikyai ne yavaih nak ning m’shäk law gui ci nei.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

KOLOSE 4:7

Mi nau Tichikus, bekhüt ciah khuut bi, khüghaat ciah Bawipa ah changshäm naw, kei ah mawng avan cu ning m’thein gui khai nei.

HEBRU 3:2

Moses cu Khanpughi ah im ung a bi lawh nak ung abekhüt ah mäih ah, Bawipacun phi shin ah bi bik khai ah ghü ne m’düih ciah Khanpughi ah ma ah bekhüt ci.

2 TIMOTHI 2:2

Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.

PHILIPPIAN 2:25

Kei awn a täng ah kani bik ci, kei awn a täng ah ng’düi ne ng’khüi ci, kei nam hteihtang khai ah nami tüih law ah, mi nau Epaphroditus cun phi nang mi ah ka tüih law vai ah hlü ciah ka ngai ci nei.

2 KORIN 11:23

Bawi Khrih ah changshäm ah ami kyak ung, kei cu ak gu ah mäih ah ka ng’thu ung phi, ngami ah tah bä pi ciah ak changshäm ah ka kyak ci. Kei cu ngami ah yai pi ne ka bik ci, da pi sei thawng ka cun ci da pi sei tukthah nak ka hmuk ci, da pi sei sih nak vai ka aut ci.

1 KORIN 4:2

Cun ah changshäm ung om khai ah k’thamah nak tumat cu amät ah bawi ung ang bekhüt nak ah kyak ci.

1 TIMOTHI 4:6

Nang naw shin ah m’cäi nak cu na phäi nau gui-am na peit law vai yung, na mät ah yum nak thu la na mät ah läk ah düng ciah m’theithang nak cu, läk ne Khrit Jesuh ah changshäm k’ni ah na kyak vai nei.

EPHESIAN 5:21

Bawi Khrit nami chang m’sui nak ah tumat la tumat nami ng’nei ng’aan vai nei.

1 KORIN 7:25

Ca guh ne nami na ng’shi nak ah kä chucei mah ci gui ah mawng ung; Kei naw ka pyein vai cu Bawipa ah thukhän ah kä kyak ci, cun ung phi Bawipa ah nam gein nak awn, ng’ap ne khin ciah chang tumat ah ka kyak nak awn, ka mät ah ngaih cu ka ning m’thein gui nei.

1 KORIN 4:17

Acun ah mawng ung Timohti cu nangmi ah ka tüi lawk khai nei. Ani cu khritha ghin nak ung ngaih gep vai la bekhüt ciah ka hta ah kyak ci nei. Kei kamät naw läk netah akho päng Khrithabum gui ung kam theithang ah, Bawi Khrih Jesuh ung kawng ät nak ah ghin nak thai ah a mawng tung gui cu ani naw ngami am ning shüm hmat ba sak gui khai nei.

MATTHE 25:21

A bawi naw, ‘Na bä ci, nang cu düng ciah changniah na kyak ci. Bi api ung nang düng ciah kyasei, bi ak däm cu ka ning ap khai, kei ah law ne kei awn a täng ah yeikyai ne na om khai nei,’ cine pyen nak ci.

MATTHE 24:45

“Düng ciah changshäm cu a u ang? Cun ah chang cu a hei chang shäm gui uk khai la a khin päng ung ei awk vai tei gui khai ah a bawi naw am düih ah kyak ci.

KHEI NAK 12:7

Cun ung phi ka changshäm Moses ka ng’thu püi cu ak küi ah kyak ci. Israel chang avan ung tängpang khai ah kei naw ani cu ka tha ah kyak ci.

MATTHE 18:29

Cun ah chang cu m’khuukdong netah, ‘Kei ah khan ah na ngaih peä,’ ka pu avan ka ning thung khai nei,” cine ng’hui paa nak ci.

KOLOSE 4:9

Ani awn a täng ah bä ne bekhüt ciah mi nau nami chang Onesimus phi law tuk ci nei. Ngami naw, shi ah a i i ah a kyak ah mawng gui cu ning m’thein gui khai gui nei.