Biblia Todo Logo
Bib sou entènèt

- Piblisite -




KOLOSE 1:29 - Cho Bible Common Language 2016

29 Shin pyi phleh nak vai ah Bawi Khrit naw anam khüt nak la ka m’lung kyong ung a hnün thawh nak awn, küikyang ciah thagui cu mang ne, k’tha na k’cang ne, ng’khüi ne ka bik ci nei.

Gade chapit la Kopi




KOLOSE 1:29
28 Referans Kwoze  

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.


Ani yum ciah chang gui ung gawklawk ciah a hlüngtai nak cu a i hlawk ah küikyang ciah nami hmat vai ah kyak ci. Nangmi ung gawklawk ciah cun ah hlüngtai nak cu,


A hlüngtai nak ah a bilawh nak awn Khanpughi naw ana peit ah ak küikyang ah m’cümhnah nak cu, Thu Ni ng’shäu ciah ak chang shäm ah ana pyan ah kyak ci.


A i ah kya sei ci ung Khanpughi naw ang yak hlü ah nami bi vai la ng’thu nami läk nak hning vai ah nang mi ung angtäi sei bi bik ci.


Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.


Nangmi ah hmawk, Laodica chang gui ah hmawk la kei ka changsing kä na hmat ciah chang gui ah hmawk ah, kei naw a i hlawk ah k’tha na ne kabi cu ka ning m’thein gui ci nei.


Kami sui-ei vai, kä kleih ne chang ah kaa kami ng’yoihthäh nak a i kä om ci. Nangmi tumat naw phi keimi ah hmawk ah kungkap nak kä a om vai ah, keimi cu amü ak hnüüp cümbawng ne bi kami bik ci nei.


Phäi nau gui aw, keimi naw a i hlawk ah cümbawng ne, kami bilawh cu nangmi naw akcang ah nami hmat ci nei. Khanpughi ah Thu Ni kami pyein nak ung nangmi ah khan ah yaica nak kä a om vai ah, amü ak hnüüp bi kami bik ci nei.


Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.


Nangmi naw angtäi ghin nak ah mawng ng’thu cu pyein u ne, cun ah chang gui ah ng’lung ah khomik ung aisi ah ng’shü ah mäih ah nami khang khai nei. Cun ah nami bi ah akyak ung kei naw k’tha na ne ka bilawh gui cu a kholä ah kä kya sei, Bawi Khrit a kyum law Hnüüp ung, nangmi ung kei ah khäghah nak vai cu om khai nei.


Cun ung phi cun gui avan pek cicu Mumchabawi tumat bäng ah kyak ci: Mumchabawi naw, a mät ah ng’yak hlü ah, chang tumat ci am, m’cümhnah nak a hnga hnga cu yuk m’kyum law gui ci.


Kei cu chang gui ah cawh nak pyi ah im hmun ung kä ka cokyang hlük ci, kei ah ng’bü nak cu, Bawi Khrit ah mawng kä ng’ya tu phak ciah khohmun ung ah, Thu Ni cu ng’shäu ne pyein vai ah kyak ci.


Nang cu hniimgei nak om ci, kei ah hmawk ah ang htei ah na yaica ci, kä nam lungksi ci,


Cun ah kyasei kei cu, Khanpughi ah a ghü ah chang gui ah hmawk ah a i phi ka buiaut ci nei. Cun cu ngami naw phi Bawi Khrit Jesuh ung hun nak ami gah tu vai la angtäi ah bäkhäk nak a gawk law vai ah hmawk ah kyak ci.


Tuhbäi nang mi cu kei awn a täng ah ng’tuk nami bi hning pyi ci nei. Ayan pui tüi ne kei naw ng’tuk ka bi cu nang mi naw nami hmuk ci. Tuhbäi phi nami ng’yak ah mäih ah kei cu ng’tuk ka bi gäkgäk ci nei.


Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.


Mikmi ah m’lung kyong ung a hlüngtai nak awn bi bik ci naw, mik mi naw mi ngaih-tüh mi ng’yoih thäh ah tah, däm pi sei na pe gui hning ci nei;


Bawi Khrit naw kei awn thu a pyein ah mawng nangmi naw nami ng’yak hlü cu, akcang ah nami gah khai nei. Nang mi awn a om nak ung, ani cu ak tha kä ken sei, a hlüngtai nak cu nangmi am ning m’dang gui ci nei.


Bawi Khrih ah changshäm ah ami kyak ung, kei cu ak gu ah mäih ah ka ng’thu ung phi, ngami ah tah bä pi ciah ak changshäm ah ka kyak ci. Kei cu ngami ah yai pi ne ka bik ci, da pi sei thawng ka cun ci da pi sei tukthah nak ka hmuk ci, da pi sei sih nak vai ka aut ci.


Keimi cu tukthah nak, thawng chum nak, m’thüiplah nak kami gah ci; kä ng’düm ah bi kami bik ci kya ne, ih khin ei khin phi kä om ci.


Keimi cu shi ah, cä ah, a hawi ah om ung phi Bawipa naw ana yei nak gui vai kami ng’ya hlük ci.


Khuut bi nak vai k’thagui a hlü hlü a om ung phi, chang a phäh phäh am, thagui a hlü hlü pek cicu Khanpughi tumat bäng ah kyak ci.


Phäi nau gui aw, Bawipa Jesuh Khrit mi yum nak la, Mumcha Theing ah na peit gui ah yumhni nak awn; kei ah hmawk ah kei awn atäng ah Khanpughi ah nami taigü tu vai ah ka ning khü gui ci nei.


“Nangmi cu ng’hteik ciah m’kawt ung nami luh vai ah k’tha na vä. Chang akda naw cun ah m’kawt ung luh vai ah k’tha nak ci gui. Cun ung phi ami luh nak hlawt vai ah k’thagui kä om ci.


Nangmi cu shet katnak ung ng’tuk nami bi nak ung, sih nak ah m’lawi ung kä nami gawk pha hnga ci nei.


Tui nami ng’hniim cu Bawi Khrit awn nami ng’ciim nak ah kyak ci. Tui nami ng’hniim nak ung Bawi Khrit awn nami tho ba ciah kiak ci. Cun cu ani sih nak ungka thawh ba sak ciah Khanpughi ah tholet ciah hlüngtai nak nami yum nak awn ah kyak ci.


Swiv nou:

Piblisite


Piblisite