KOLOSE 1:28 - Cho Bible Common Language 2016

²⁸ Cun ah kyak sei Bawi Khrit ah mawng cu chang nüng-am kami m’thein ci. Bä ciah cüivai nak awn kami m’cäi nak la kami m’thei nak cu, Bawi Khrit ung kawng ät nak awn ak chang sing theek-hai ne, Khanpughi ah ma ah ami gawk law vai ah kyak ci.

KOLOSE 1:28 Referans Kwoze

JEREMIAH 3:15

Kei naw, kei ah thu ngai ciah uktu ka ning pe gui khai, ngami naw cüivai nak la hmuhmat nak awn uk khai gui.

EPHESIAN 5:27

Krihtabum naw ani ung ang ap law ba ung, ak kyom yüm yüm ah, alelawi, ak shekha kä om sei akümbe athangpai vai ah hmawk ah kiak ci.

MATTHE 5:48

Khankho ah nami Pa akümbe ah mäih ah nangmi phi nami kümbe vai nei.

KOLOSE 3:16

Apäng ah bämang pi k’bäih ciah Bawi Khrit ah ng’thu cu nami m’lung kyong ung khäng ne om sä. Cüivai lunglang nak avan nawn tumat naw tumat cu m’theithang m’cäi ä sei om vä. Nik ciah ng’äi gui, hlim ciah ng’äi gui, theing ciah ng’äi gui m’cu ne, nami m’lung kyong kui ne, Khanpughi cu m’hlüngtai vä.

1 KORIN 2:6

Cun ung phi kei naw cüivai nak ah ng’thu cu mümcha ng’bühbei pyi ci gui ah maa ah ka pyein ci. Cun ah cüivai nak cu khodek khan awn kä ng’phaa ci, khodek khan bawi gui ah hlüngtai nak awn phi kä ng’phaa ci, khodek khan bawi gui ah hlüngtai nak cu ken law pipi ci nei.

KOLOSE 1:22

Cun ung phi A Htapa pumsa awn asih nak awn Khanpughi naw a teihpüi ah ning pyang gui ci, amät ma ah theingciim nak la kümbe nak awn ning hteh püi gui ci.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

2 KORIN 4:5

Keimi naw ka mi mät ah mawng kami pyeinsak ah kä kyak ci; Jesuh Khrih cu Bawi ah a kyak ah mawng la keimi cu Bawi Jesuh ah hmawk ah nangmi ah changshäm ah kami kyak ah mawng kami pyein ci.

LAMKTU 20:31

Cun ah kyasei kei naw nang mi am kho kum thum pum ung amü ak hnüüp, ka ng’phli tui kya law sei, ka ning m’theithang gui cu nami shüm ba khenggeng vai nei.

LAMKTU 8:35

Philip naw acun ah cangcim awn tün neh, Bawipa Jesuh ah mawng Thu k’Ni cu m’thein tuk ci.

HEBRU 10:14

Hnü ät ang bäng ah a küikyan nak awn, theingcim nak gah ci gui cu, angtäi sei kümbe sak gui ci.

1 TIMOTHI 3:2

Krithabum ung tahnga ciah chang cu, m’kat vai ah kä om khai, tumat bäng chu nak khai, ciimvai lunglang khai, htingling khai, a om ih ni kyom khai, khin chang m’htei khai; m’theithang thei khai;

KOLOSE 2:10

Mumcha uknak la huhamah nak avan cu uk ciah acun ah Bawi ung nami om nak awn nangmi cu kümbe nak nami gah ci.

1 KORIN 12:8

Mumcha Bawi naw chang tumat am kümbe ciah cüivai nak awn pyeinsak nak cu pek ci, acun ah Mumchabawi bä naw, a hei chang tumat am kümbe ci hmuhmat nak awn thuuk ne ng’kau ci pyeinsak nak thei cu pek ci.

EPHESIAN 3:8

Kei cu Khanpughi ah chang gui ung ak chui pi bäih ah ka kyak ci. Cun ung phi Khanpughi naw, Bawi Khrit ah kä khei tai vai ah bühmang nak ah mawng Thu Ni cu chang khuihei gui am m’thein gui vai ah,

2 KORIN 10:14

Nangmi cu Khanpughi ah m’hnüt nak ah kyong ung nami om ci kyasei, kei mi naw Bawi Khrih ah mawng Thu Ni kami law püi nak ung kho kami kaan ciah kä kyak ci.

1 KORIN 15:12

Tuhbäi keimi naw Bawi Khrih sih nak ungka a thawh ba ah mawng thu cu kami pyein ci, a i ah kyasei nangmi ungka amshah naw ‘Sih nak ungka thawh ba nak kä om ci’ cine nami pyein ang?

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

1 KORIN 2:15

Mumcha gah ciah chang naw a päng avan na a phu cu ng’thumcha hlawt ci, cun ung phi ani cu a u naw käm khoichaa hlawt.

1 KORIN 1:23

Keimi läi cu kutlam tung ung ami ngawn ah Bawi Khrih ah mawng ng’shäu ne kami pyein ci. Cun cu Jew chang gui ah kä ng’ak hlü, clang khum hei gum ah hmawk ah akholä ah kyak ci.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

LAMKTU 17:3

Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci.

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

LAMKTU 8:5

Philip cu Samaria khaw pigaw ak däm pi ung hteit neh Messiah ah mawng cu pyein ci.

LAMKTU 5:42

Ak hnüüp tä sei Taigüim gui lah chang gui ah im gui ung, Bawipa Jesuh cu Messiah ah a kyak ah mawng ng’thu ni cu pyän u ne, m’thei thang ba gäk gäk ci gui.

LAMKTU 3:20

Cun ung vah Khanpughi ah ka mümcha tha mah nak agawk law nak ah khin küm law seih, nangmi ah hmawk ah ghü ne am düih pyi ah Jesuh Messiah cu nami om nak ah tüi lawk khai.

MAKUH 6:34

Bawipa Jesuh cu hleiko ung hang kai netah, chang khli cu hmu gui ci. Chang gui cu htoshäm kä om ciah hto gui ah mäih ah kia u sei m’gein gui netah, ng’Thu Ni akda cu pyein ne m’theithang gui ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

MATTHE 3:7

Pharisee gui la Sadducee gui cu tui ng’hnim tuk khai gui ah ami law hmu gui netah Johan naw, “K’Phyu m’äm ah gui aw! Gawk lawk khai ah Khanpughi ah m’lungshe nak phiawn nak vai ah mawng cu a u naw ang a ning m’thein gui?

JEREMIAH 6:10

Kei naw ka m’shang ci, “Kei naw ngami ng’thu püi gui ne, ka m’cäi gui ah a kyak ung a u naw kei na ngai khai ang? Ngami cu m’lung liing u ne nang ah thu ngaih vai ha mak cu gui nei; kei naw ka pyen vai ah na na m’thein cu ngami naw gaih tuk ci gui nei.

THUSHÄUTU 12:9

Cun ung phi Thushätu cu cüivai ci kya ne, ani naw a hmat cu chang gui am m’thei htang gui lä ci. Ani naw thu thuuk gui cu ng’thei ne a hman nak cu m’nüm ci.

NG'THU K'THUUK~ 8:5

Kä nami ng’langkha ne ma? Nami ng’langkha vai ah ng’thei vä. Nami gu-ang ne ma? Nami ng’lang vai ah ng’thei vä.

THULÄÄN NAK 4:5

“Bawipa ka Khanpughi naw ka bi vai ana m’thein ah mäih ah thukhän avan ka ning m’thein gui ci. Nangmi naw tu ne khäm ne nami om law nak vai ah khaw ung cun gui cu nami läk vai.

2 PETER 3:15

Kami nau Paul naw Khanpughi ah peit ah cüivai nak awn ca a ning guk law gui ah mäih ah Bawipa ah hnimgei nak cu, hun nak nami gah vai ah lam a ning m’awng peit gui ah mawng cu, nami hmat vai nei.

HEBRU 13:21

Nangmi naw dimdeeih nak ah Bawi, Khanpughi ah ang yak hlü nami läk nak hning vai ah, nik ci phung avan ning m’shumphyuk gui sä. Bawipa naw a mät ah ng’yak hlü ah mäih ah mikmi cu, Bawipa Jesuh Khrit awn na piangtham gui sä. Bawi Khrit cu Ngawiyä ang’täi sei Bawi mang ne om sä, Amen.

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

1 KORIN 4:14

Shin ah ka guk cu nangmi ka ning lü ng’aa nak sak gui ah kä kyak ci, ka ning m’hni ah ka ning hta gui ka ning m’shüm thein nak gui ah kyak ci.

LAMKTU 13:38

Phäi nau gui aw, nang mi am ning hmat sak gui hlü cu; Bawipa Jesuh awn katnak m’gein nak ah mawng ning m’thein nak gui la Ani yum ciah chang phung cu Moses ah thukhän naw kä ak phiawn hlawt ah hmakat nak nüng ung phiawn nak gah ci, ciah kyak ci.

LAMKTU 11:20

Cun ung phi Sairin la Saipras ah kaa yum ciah chang gui cu Antiok ah hteit u ne, Bawipa Jesuh Khrit ah mawng thuni cu chang pakhui hei gui am phi m’thein gui ci gui.

EZEKIEL 7:10

Israel ah phäh ah leigai a gawk law nak ah hnüüp cu gawk lawk ci nei. Kiawi m’saa nak cu däm ng’ghaw ci nei. Chang ah ng’shei nak cu hlüng pikbäih ci nei.

LAMKTU 17:18

Epicurean la Stoik Greek hmuhmat chang gui awn phi ng’kükneet ne pyeinsak ci gui. Cun ah chang amshah gui naw, “i baw hmuhmat ciah ng’hlawk ciah shin ah chang cu a i a pyein tu khan ang?” cine kyak ci gui. A hei chang gui naw, “Shin ah chang naw, a kho hei chang gui ah khanpughi gui a pyein ah kyak khai nei” cik ci gui. Cun ah ami pyein cu Paul naw Bawi Jesuh a mawng la sih nak ungka thawh ba ah mawng a pyein ah hmawk ah kya ci.

EZRA 7:25

“Nang, Ezra naw Khanpughi naw aning pek ah cüvai nak cu mang ne Khanpughi ah ang thukhän awn ghing u ne, Euphratis ah akhei täng ung om ci gui ah chang avan uk gui khai ah uktu gui la suki gui cu na m’düih gui vai nei. Cun ah thukhän cu kä hmat tu phak ci päng am m’thein gui vai nei.

KOLOSE 2:3

Ani cu thup ne m’küm ah Khanpughi ah cüivai nak la lunglang nak avan k’hmawn nak ah kyak ci.

KOLOSE 4:12

Bawi Khrit Jesuh ah akchang shäm, nami chang ah kyak ciah Epaphras naw phi ning yavaih na gui ci nei. Khäng sei nami ng’düih vai, kä nami püngheiu vai, be ciah khritha ah nami kiak vai, Khanpughi ah ng’yak hlü küm khai ah ang thu nami ngaih vai ah, ani naw akni ah ning taigü pe gui ci nei.