KOLOSE 1:27 - Cho Bible Common Language 2016

²⁷ Khanpughi ah ng’bü nak cu, ng’yih cicu ak chang gui-am hmat sak gui vai ah kyak ci. Cun ah ng’yih ciah bä nak la mang nak cu, ak chang gui ah hmawk ah kyak ci. Cun ah ng’yih ci cu, Bawi Khrit nangmi ung om ci, ciah kya ne, a mawng cu nangmi naw Khanpughi ah bämang nak nami ng’pai tuk khai, ciah kyak ci.

KOLOSE 1:27 Referans Kwoze

JOHAN 14:20

Cun ah hnüüp ung, ‘kei Kapa ung ka om ci, nangmi ung kei ka om ah mäih ah, kei ung nangmi nami om ci’ ka cicu nami hmat khai.

ROMAN 8:10

Nangmi ung Bawi Khrit cu akcang ah om ciah a kyak ung, nami pumsa cu katnak awn sik khai ah a kyak tu pang ung phi. Mumcha naw ning ghin sak gui khai, a i ah kya sei ci ung nang mi cu Khanpughi ung ng’düng nak nami gah pyi ciah a kyak ah hmawk ah kyak ci.

1 JOHAN 4:4

Cun ung phi ka hta nau gui aw, nangmi cu Khanpughi ung nami khäng ci kya ne, thuvi ciah profet gui cu nami näng ci nei, a i ah kyasei ci ung nangmi ung om ciah Mumcha cu khomdek chang gui ung om ciah mümcha ah mä hlüngtai ba pi ci.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

1 KORIN 3:16

Nangmi cu Khanpughi ah pum im ah nami kyak ci, nangmi ung Khanpughi ah Mumcha om ci! cicu akcang ah nami hmat ciah kä kya ne-ang!

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

JOHAN 14:17

Khomdek chang gui naw cun ah Mumcha Theing cu kä hmuhmat man ci gui kya ne kä yum hlawt ci gui. Cun ung phi ani cu nangmi awn a täng ah om ne, nangmi ung om ci kyasei nami hmat ci.

KALATIAN 4:19

Kam hni ah ka hta nau gui aw! Bawi Khrit ah m’lung ngaih nangmi ung kä a om pha ah chuih, kei cu hta lawk khai ah nu ah mäih ah ka yaica ci nei.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

1 TIMOTHI 1:1

Mi Hunbawi Khanpughi la mi ngaih u Jesuh Khrih ah m’hnüt nak awn Bawi Khrih ah düih püi ah ka kya ciah kei Paul naw —

KOLOSE 2:3

Ani cu thup ne m’küm ah Khanpughi ah cüivai nak la lunglang nak avan k’hmawn nak ah kyak ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

2 KORIN 6:16

Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.

KOLOSE 3:11

Ak hnu ah chang khui hei la Jew chang, kyon la kä kyon, ngetngawng ci la m’ghämce ci, changshäm la ng’päiye chang ciah khoikhei nak la ng’lakmah nak kä om ba ci, Bawi Khrit cu avan ah kia ne Bawi Khrit cu avan ung om ci.

JOHAN 17:26

Nang ah na peit ah m’hni nak cu ngami ung a om vai la kei cu ngami ah m’lung kyong ung ka om vai ah, nang ah na mawng cu ngami-am ka hmat sak gui pyi ci, a ngawi ah phi ka hmat sak ba gui lä khai nei” cik ci.

EPHESIAN 2:22

Nangmi cun phi, Bawi Khrit ung kawng ät nak awn, chang khui hei gui awn a täng ah cawhkyan nak nami gah pyi ci kya ne, Mumcha awn Khanpughi ah om nak ah hmun ah nami kya lawk ci.

JOHAN 6:56

Ka sa ei ne ka si awk cicu kei ung om ci, kei phi ani ung ka om ci.

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

PHILIPPIAN 4:19

Cun ah kya sei kei ah ka Khanpughi cu bühmang nak la bäkhäk nak awn kümbe ciah kya ne, nangmi am Bawi Khrit Jesuh awn, nami ng’yak hlü avan cu ning pe gui khai nei.

ROMAN 9:23

Cun kawn ah Khanpughi cu ak chimgein gui ah chang gui naw, chünla ciah a bämang nak ami hmuh vai ah ng’ya hlük ci. Cun ah chang gui cu Khanpughi ah bämang nak ami gah tu vai ah Khanpughi naw a pyan tham gui ah kyak ci.

ROMAN 5:2

Mikmi naw Jesuh Khrit cu mi yum ci kya sei, ani naw mikmi am, Khanpughi ah m’geinsei nak cu na hmat sak gui ci. Tuk bäi cun ah m’geinsei nak cu mi gah u ne, Khanpughi ah hlüngtai nak gah vai cun-phi ngaih gep nak om sei mi yeikyai ci.

KOLOSE 1:5

Thudüng, thuni a gawk law htük yah ung ng’shut lawk ciah ngaih u nak cu nami ng’ya pyi ci nei. Cun ah kyasei nami yum nak la nami m’hni nak cu khankho ah gim ah ngaih u nak ung ng’yung ci nei.

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

LUKA 17:21

A u naw phi teng tu vä, Khanpughi ah uknak kho cu shin ung om ci, cän ung om ci, cine pyein thei vai kä kyak ci. Akcang ah pyein ung Khanpughi ah uknak kho cu na m’lung kyong ah om ci nei” cik ci.

MATTHE 13:11

Bawipa Jesuh naw, “Nangmi naw Khanpughi ah kho ah mawng thuuk ne ng’kau cicu hmuhmat nak thei vai nami gah ci. Chang hei gui cu cun kä gah tuk ci gui.

2 KORIN 2:14

Cun ung phi Khanpughi kam hlüngtai ci! A i ah kyasei ci ung Khanpughi naw mikmi cu Bawi Khrih ung na kawng ät sak gui ne, Bawi Khrih ah näng nak tung ak chang phaa ah khän ne a na ng’leen püi gui ah hmawk ah kyak ci. Bawi Khrih ah mawng hmuh hmat nak cu, tui ng’ui ah mäih ah kho ng’nü ung ang ui vai ah Khanpughi naw na mang gui ci.

ROMAN 11:33

Khanpughi ah bämang nak cu hlüngtai aih ci nei! Khanpughi ah lu ng’lang nak la hmuhmat nak cu thuuk aih ci nei! Khanpughi naw m’hnüt ne ak bäi cu a u naw a cangkha a m’dang hning khai ang! Khanpughi ah bilawh mawnglam cu a u naw shüm hmat hlawt khai ang!

ROMAN 2:4

Kä cun ung Khanpughi ah chimgein nak, m’lung sau nak la hnimgei nak gui cu a i ah kä na sui ci maa! Khanpughi naw nang cu nang yu ba vai ah lam ning m’shüm ne, a ning m’gein ah mawng cu, nang naw akcang ah na hmat ci nei.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.