KOLOSE 1:24 - Cho Bible Common Language 2016

²⁴ Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

KOLOSE 1:24 Referans Kwoze

ROMAN 5:3

Mikmi cu yaica yah ung phi mi yeikyai ci, a i ah kya sei ci ung yaica nak naw hnimgei nak;

2 TIMOTHI 1:8

Cun ah kyasei mi Bawipa mawng saksi vai ah kä na lü ng’aa vai. Bawi Khrit ah chaw ah thawng ka kium ciah kei phi kä na na ng’aa nak vai. Khanpughi ah ning peit ah k’thagui awn geinvai nak cu na dou tu vai nei.

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

2 KORIN 7:4

Nangmi ka ning ngaih gep gui ci, nang mi ah phäh ah ka längtang ci! Zaica nak a i chü a om ung phi, kei cu k’thamah ne ang htei ah ka yeikyai ci.

EPHESIAN 3:13

Cun ah kyasei kä nami ng’yochaw vai, nangmi ah hmawk ah kei cu geinvai nak ka gah ci, cun cu nangmi ah ng’läh nak vai ah kiak ci, cun ah kyasei kä nami ng’yochaw vai nei.

JAMES 1:2

Ka phäi nau gui aw, nami lam ung tüihtok nak a hlü hlü a gawk law ung, yeikyai nak vai nei, ciah nami yum vai.

KOLOSE 1:18

Ani cu apumsa ah kyak ciah Khrithabum ah lukhu ah kyak ci. Ani cu pumsa ah ghin nak ah ang yung ah kyak ci. Ani cu sih nak ung kaa tho ba ciah ng’tüi htük ciah Htapa ah kyak ci, ani bäng cu avan ung a om nak htük vai hmun om ci.

LAMKTU 5:41

Ang düihpüi gui cu Khanpughi naw Bawipa Jesuh ah hmawk ah hmai m’sheit nak aut khin ci gui ah ak bäi gui ah phäh ah yeikyai u ne kawngsi yungah ka hteit ba ci gui.

EPHESIAN 3:1

Shin ah a mawng ung Bawi Khrit ah thawng kyum ah ka kyak ciah kei Paul naw, nangmi chang khuihei gui ah hmawk ah Khanpughi ah ka taigü ci nei.

EPHESIAN 1:23

Khrithabum cu Bawi Khrit ah pumsa ah kya ci kyasei a päng avan cu amät ah kümbe nak awn kümbe sak ci.

ROMAN 8:17

Mikmi cu Khanpughi ah hta gui ah mi kyak ci kyasei, ak chang gui ah hmawk ah Khanpughi naw am hnüt ah hrilham cu mi khäm khai. Bawi Khrit ah hmawk ah Khanpughi naw am hnüt ah bäkhäk nak cun phi mi khäm tuk khai. Mikmi cu Bawi Khrit awn a täng ah gein vai nak mi gah ah a kyak ung, ani awn a täng ah bämang nak phi mi gah khai.

1 KORIN 12:27

Nangmi nami van cu Bawi Khrih ah pumsa ah nami kyak ci, nangmi ak chang sing cu, apumsa ah ng’phyeekpai ah nami kyak ci.

2 KORIN 6:10

Thüisei nak a om ung phi angtäi sei kami yei ci; chang k’pyaam ah kami kyak ung phi chang akda kami maang sak ci; khawh a i kä kami taak ung phi a päng avan kami khäm ci.

2 KORIN 12:15

Nangmi ah hmawk ah a kyak ah khoi ung ka khawh la ka mät cu yeikyai ne ka ng’pyi sak khai nei. Kei naw ang htei ah ka ning m’hni gui ung nangmi naw a pi ah nami nam hni khai maa?

MAKUH 10:39

Ngani naw, “Kani m’khüt khai nei” cine pyein ci goi. Bawipa Jesuh naw, “Nangni cu akcang ah kei ah awk vai ah khap cu nani aw tuk khai, Kei ah tui hnim ah mäih tui nani ng’hnim tuk khai,