KOLOSE 1:23 - Cho Bible Common Language 2016

²³ Nangmi cu bekhüt khenggeng ne, khüi khai ah ng’leh u ne, Thu Ni nami ng’yak yah ung nami ngaih u nak cu nami mät naw kä nami thüngphyong sak-en vai. Kei Paul cu shin ah Thu Ni awn changshäm ah ka kyak ci. Shin ah Thu Ni cu m’dek ah khan ah chang päng ung gawk khai ah ng’shäu ne pyein ah kyak ci.

KOLOSE 1:23 Referans Kwoze

HEBRU 3:14

Mikmi cu ak htük ah mäih ah a khüt nak ung khüt sei, khäng ciah ngaihgep a om ah a kyak ung Bawi Khrit awn bilo ghawm ciah chang ah mi kyak ci.

HEBRU 3:6

Bawi Khrit läi cu Khanpughi ah im uk ciah A Htapa ah kya ne, bekhüt ne om ci. Mikmi cu küighaat ne, mi ngaih u nak ah khan ah m’lung üp nak a om ah a kyak ung, Khanpughi ah im ah mi kyak ci.

HEBRU 10:38

Ng’düng ciah kakchang gui cu yum ne ghing khai gui nei; Cung ung phi ng’hlat ba ciah chang läi cu, kei naw kä ka yei nak khai nei,” ciah om ci.

KALATIAN 6:9

Cun ah kyasei kä cümbawng ne ak ni ah mi om ih khai: mikmi naw kä mi hnu ng’hlah taak ah a kyak ung, akhin a gawk law hnüüp ung a vuipai cu mi khäm khai.

LAMKTU 14:22

Ngahni naw, “Khanpughi ah uknak kho ung gawk vai ah yaica nak akda mi aut khai” cine m’theithang gui ne, k’thamah m’lung üp nak pe gui ci goi.

EPHESIAN 3:17

Nami yum nak awn nami m’lung kyong ung Bawi Khrit naw im ak süm vai ah ka taigü ci nei. Nangmi cu m’hni nak ung ng’yungpyaa ne nami khän htek vai ah ka taigü ci nei,

ROMAN 10:18

Cun ung phi chang gui naw cun ah thu cu kä ng’ya u ne ang! Ka ning ng’shi gui hlük ci: Ngahmi naw akcang ah ng’yak ci gui. Cacim theing ung; “Thu Ni ng’shäu ci gui ah k’aw cu khomdek khan avan ung Thang ne gawk ci; Ngah mi ah Thu m’kha cu kho cawi kheng ah khüt ne gawk pyi ci nei” ciah om ci nei.

HEBRU 6:19

Cun ah ngaih u nak cu mikmi ah ghin nak ung lung hling ah mäih ah kya ci, cun cu ng’htei ne ng’kheing ne, khankho im kyong ah, ang cim nak pi säih ung gawk ci.

1 THESSALONIAN 3:5

Cun ah kyasei Timothi cu ka tüih law ah kyak ci. Akcang ah nangmi khoshe ah tüihtok nak ung nami gawk ah khoi ung, keimi ah bilawh nak cu akholä ah kyak khai kyak ci.

EPHESIAN 1:18

Kei naw ani ah ak dei cu nami m’lung awn nami hmuh vai ah ka ning k’thäh pe gui ci, cun ah kyasei, a i nami ngaih u vai ah a ning khü gui ah mawng, ak chang gui-am a peit ah shaitaak cu a i hlawk ah cäicat vai ah abä nak ah mawng,

2 KORIN 3:6

Kei mi naw thukhän thai ah hmawk ah kami bilawh nak vai ah k’thagui cu na pe gui ci, cun cu guk ah thukhän ah kä kyak ci, Mumcha ah kyak ci. Guk ah thukhän cu sih nak ah kyak ci, Mumcha cu ghin nak ah kyak ci.

LAMKTU 2:5

Cun yah ung khomdek ah khan, khaw nüng ah ka lawk ciah yum nak om ci guiah Judah chang gui cu Jerusalem ah om yah ci gui.

THU PHLAAN 2:10

Zaica nak na awt vai ah api ah phi kä na kyih-en vai nei. Nangmi amshah gui cu khawshe naw thawng ung ning chum gui netah, ning k’cet gui khai nei, hnüüp gha ah kyong ung yaica ne na om khai nei. Na sih ung khüt sei bekhüt ne om ä, kei naw näng nak ah ng’cheng ghin nak ka ning pek khai.

KOLOSE 1:25

Khanpughi naw kei cu khrithabum ah changshäm ah na pyang pyi ci nei, cun cu nangmi ah ni kyom nak vai ah kei-am ana peit ah kyak ci. Cun cu Thu Ni kümbe khai ah ng’shäu ne pyein nak vai ah kyak ci.

JOHAN 15:6

Kei ung kä om cicu k’set ne ghawh ah ang ban chawng ah mäih ah kiak ci. Chang gui naw cun ah ang ban chawng gui cu k’bum ne mei ung m’khih u seih, mei naw ui yawp ci.

LUKA 22:32

Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

1 PETER 1:3

Mi Bawipa Jesuh Khrit ah Pa Khanpughi cu mi m’kümto khai nei! Khanpughi naw küikyang ciah ak chimgein nak awn, Bawipa Jesuh Khrit cu sih nak ungka thawh ba sak ne, mikmi am ghin nak ak thai cu na pe gui ci. Acun naw ghing ciah ngaih u nak awn na kümbe sak gui ci.

HEBRU 4:14

Cun ah kyasei mi yum nak cu m’htek ne mik pang khai nei. A i ah kyasei ci ung, mikmi ung Khanpughi ah ma ah düi ciah Khanpughi ah Htapa, hlüngtai ciah Taigü Tung, Bawipa Jesuh cu om pyi ci.

KOLOSE 2:7

Ani ung ak thuuk ah nami ng’yung vai. Ani ung nami ghin nak nami m’shün vai. Ning m’theithang gui ah mäih ah nami yum nak cu a khüighaat law pi vai. Cun kawn ah m’hlüngtai nak awn nami be vai.

KALATIAN 5:7

Ayan nangmi ah bi cu bä ci te! Düng nak kä läk vai ah a u naw ang a ning maa nak gui? A i chaa ang a ning k’tü k’phlawh gui?

2 KORIN 6:1

Cun ah kyasei Khanpughi ah khuut bi nak ghawm awn nangmi cu kami ning hui na gui ci. Nangmi cu Khanpughi ah m’gein nak nami gah ci kyasei, cun cu kä nami m’di en vai.

MAKUH 16:15

Bawipa Jesuh naw, “Khomdek khan avan ung hteit ne chang nüng nüng-am Thu Ni cu m’thein vä.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

THULÄÄN NAK 4:19

Khawmik ung nami hmuh cu khawihnah ne abii bi ne tüihtok nak kä nami bi vai — hni, cha, aisi, Bawipa nami Khanpughi naw a hei chang gui am, ami khawihnah vai ah a pek gui ah kyak ci nei.

THULÄÄN NAK 2:25

Tuhngawi ung tün ne a khaw nü ung chang gui naw ami ning kyih gui vai ah ka bik khai nei. Nangmi ah ming angdang phung ung chang nü cu kyi ne ng’thüng khai nei.

1 JOHAN 2:27

Cun ung phi nangmi läi cu Bawi Khrit naw ang Mumcha ning m’kyum gui pyi ci nei. Nangmi ung Mumcha cu ghing ne om pyi ci kyasei, nangmi cu a u naw a ning m’theithang ba gui vai kä hlü ci nei. Cun ah Mumcha naw a päng avan ning m’thei gui ci, ani ah ning m’thei gui cu düng nakcang nak ah kyak ci, thuvi hleeihlak ah kä kyak ci. Cun ah kyasei Mumcha ah m’theithang cu nami läk vai, Bawi Khrit awn kawng ät ne nami om vai.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

TITUS 3:7

Cun ah kyasei mikmi cu am gein nak awn Khanpughi ung düng nak mi gah ne, mi ngaih u ah angtäi ghin nak cu mi gah vai ah kiak ci.

1 TIMOTHI 2:7

Cun ah kyasei, kei cu ang düih püi ah nam düih ne chang khui hei gui ah saya ah kya ne, yum nak thu düng cu ka ng’shäu khai ah na tüi ci. Kei ka hleei ah kä kya ci, thu düng ka pyein na kiak ci.

1 TIMOTHI 1:12

Shin ah bi ka bi nak vai ah thamah nak na pek ciah mi Bawipa Khrih Jesuh cu kam hlüngtai ci nei. Kei naw yanä Bawipa cu ak she ah pyein ne, dukdeiu na ne, yoshe na ne, ka kyak man pang ung phi, Bawipa naw kei cu na khinkha sak ne, abi ka bi vai ah nam hnüt sei Bawipa cu kam hlüngtai ci nei. Cun sang ung kei cu yum nak kä om sei, akni akshe phi kä ka hmat ci, cun ah kyasei Bawipa naw kei cu na chimgein ci.

2 THESSALONIAN 2:16

Mi Bawipa Jesuh Khrit amät la nam hni gui ne am gein nak awn khüi ghaat nak la khäng ciah ngaih u nak na pe gui ciah mi Pa Khanpughi naw,

1 THESSALONIAN 5:8

Cun ung phi mikmi cu akdei ah chang ah mi kyak ci, cim’gang ne mi om khai nei. Mikmi cu yum nak yih sui ne, m’hni nak ah shawi kawt ne, mi ngaih u ah kyak ciah hun nak m’si lukhu cu mi ng’büng khai nei.

1 THESSALONIAN 3:3

Cun ah kyasei shin ah dukdeiu nak gui awn nangmi ungka a u chang phi a hnu täng ah kä ng’hlat ba khai nei. Cun ah dukdeiu nak gui amshah cu mikmi ah hmawk ah Khanpughi ah ang yak hlü ah kyak ci, cicu nangmi nami mät naw nami hmat ci.

EPHESIAN 4:16

Bawipa ah kut shum nak ah kaa ung a phäh phäh ah om ci gui ah pumsa ung ming bäng bäng ci gui cu a mi van kyumsawm yawp ci gui, pumsa tumat ung ng’gui ng’phaa yawp ci gui. Cun ah kyasei pumsa ung ming phäh phäh ci gui naw ami mät ah bi phäh phäh ami bi law ung, pumsa avan cu, m’hni nak awn däm ng’ghaw sak ci gui.

EPHESIAN 2:21

Ani naw cun ah imlo cu shum ne han chang sei, cun cu Bawipa-am ap ah bum im theing ah kya lawk ci.

KALATIAN 5:5

Keimi läi cu, kami yum nak ung hlüngtai ciah Khanpughi ah Mumcha ah bi nak awn, Khanpughi ung düng nak cu gah vai ah kami ngaih u ci.

KALATIAN 4:11

Nangmi ah hmawk ah ka ng’ä ci nei! Nangmi ah hmawk ah ka bi gui shi a kholä düt ah kä kyai lawk khai aw?

2 KORIN 11:23

Bawi Khrih ah changshäm ah ami kyak ung, kei cu ak gu ah mäih ah ka ng’thu ung phi, ngami ah tah bä pi ciah ak changshäm ah ka kyak ci. Kei cu ngami ah yai pi ne ka bik ci, da pi sei thawng ka cun ci da pi sei tukthah nak ka hmuk ci, da pi sei sih nak vai ka aut ci.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

1 KORIN 3:5

Apollos cu a u-ang? Paul cu a u-ang? Keimi cu Khanpughi ah changshäm ah kya u ne, nangmi naw Khanpughi nami yum tu vai ah kami ning m’shüm tu gui ciah kyak ci. Keimi tumat ci naw Bawipa naw anam hnüt peit gui phäh phäh ah khuut cu kami bik ci.

ROMAN 15:16

Cun ah m’gäi nak cu chang khui hei gui ah hmawk ah a khuut bi vai ah Bawi Khrit Jesuh ah changshäm ah kyak nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ci. Chang pakhui hei gui cu Khanpughi ah dou hlü ah khawihnah nak ah kyak ciah, Mumcha Theing naw Khanpughi am a ap ah ami kyak law vai ah, keinaw k’taigü ah bi bi ne, Khanpughi ah kaa lawk ciah Thu Ni cu ng’shäu ne ka pyein ci nei.

ROMAN 5:5

Mikmi cu cun ah m’lung üp ngaih u nak a om ung a i yah ung phi mi m’lung kä häu vang khai. A i yah kya sei ci ung Khanpughi naw ana peit gui ah Mumcha Theing awn, anam hni nak gui cu, mi m’lung kyong ah anglih pyou sak pyi ah kyak ci.

ROMAN 2:7

Ak ni ah om ne, bämang nak, m’kümtou nak la sih nak kä om ciah ghin nak shui ciah chang gui am, Khanpughi naw angtäi ghin nak cu pek khai.

LAMKTU 26:16

Nang cu kei ah bi na bik khai, ka ning m’düih khai ah, tuk bäi ka lawk ci. Tuk ngawi na hmuh gui ah a mawng ama gui la, ngawi ah ka ning m’hnuh law vai ah a mawng ama gui cu, nang naw chang hei gui ah ma ah saksi ne na pyein khai.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

LAMKTU 11:23

Ani cu cunah gawnu ah gawk ne, Khanpughi naw chang gui am hriham a peit gui cu hmu ne yeikyai netah, ami m’lung kyong avan awn Khanpughi yum ne ng’düng nak awn ami om vai ah m’cäi gui ci.

LAMKTU 4:12

Ani bäng cun vah Hun Bawi ah kyak ci, khomdek ah khan ung ani ah kawn ah, mikmi na hun gui khai, Khanpughi ah ghü u kä om ci” ci neh m’hlan ba gui ci.

LAMKTU 1:25

Ani ah hnün ung bik khai ah shin ah chang hnih ung ka, a u na ghü ah nam thein gui ä” ci gui.

LAMKTU 1:17

Judas cu ang düihpüi tumat ah a ghü tu ah kiah seih mik mi ung ka ah kyak ci.

LUKA 6:48

Kho khi ne aa sei tuinu ang güüt law ung phi cun ah im cu khäng khai ah cawh ah kya ne, kä ng’gäi hlawt ci.

EZEKIEL 18:26

Düng ciah chang naw ak ni a bi cu nawng ne, akshe tün ne abi ah a kyak ung, ani cu sik ci, ani cu akshe a bi ah phäh ah sik ci.

NG’ÄI KYAH 3:66

Shui yap gui ne khomdek ungka ghut hlit gui ä!”

SAM 125:5

Cun ung phi changshe gui na m’kyuk gui yah ung, na lam ng’pleng tak ci gui cu, yuk m’kyuk gui ä. Israel gui ah khan ah dimdeeih nak om sä!

2 KORIN 4:1

Khanpughi naw chimgein nak awn a khuut bi vai ah na pe gui sei, k’tha dam nak vai a i kä om ci.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

2 KORIN 10:1

Kei Paul Naw Ka ning m’cäi gui hlü cu, — Kei cu nangmi ah ma ah hnawhdeh ne, kä nami hmuh nak ung ka lingtha ciah nami ngai khai. Bawi Khrih ah m’Lung neim nak la ng’awi ng’gi nak awn ka ning hui na gui ci nei,

1 TIMOTHI 3:16

Mikmi ah yum nak ah küikyang nak cu a u naw kä hüüngtaa hlawt khai nei, cun ah mawng cu: Bawipa cu chang ah müi ah ng’tüi ne kyum lawk ci nei, Ani ah theingciim nak cu Mumcha naw m’dang pyi ci nei, Khan chang gui naw phi hmu pyi ci gui nei, Ani ah mawng cu kho nüng ung shäu pyi ci gui nei, M’dek ah khan ung chang gui naw phi Ani cu yum pyi ci gui nei, Ani cu khankho ah hang kai ba pyi ci nei.