KOLOSE 1:20 - Cho Bible Common Language 2016

²⁰ Ahtapa awn khophlüt avan cu amät ung gawk law ba sak yawp khai ah Khanpughi naw k’bäi ci. Khanpughi naw A Htapa kutlamtung ung ap ne asih nak awn dimdeeih nak bi ne khomdek la khankho ung om ci avan cu amät ah ng’khäm ba sak ci.

KOLOSE 1:20 Referans Kwoze

EPHESIAN 1:10

Cun ah Khanpughi naw akümbe sak vai ah ang bü nak cu, akhin aküm law hnüüp ung khankho la khomdek ung a tüisho gui avan cu Bawi Khrit ah lam ma nak awn ang cut sak gui vai ah hmawk ah kyak ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

ROMAN 5:1

Tuk bäi mikmi cu mi yum nak awn Khanpughi ung mi ng’düng pyi ci kya ne, mi Bawipa Jesuh Khrit awn Khanpughi ah ma ah dimdeeih nak cu mi gah ci.

PHILIPPIAN 2:10

Cun ah kiasei khankho la khomdek ung om ci nüng ni, khomdek ah ka ah om ci nüng ni naw, Bawi Zesuh ah ming cu m’tamkhah u ne,

LAMKTU 10:30

Konelius naw, “hnüüp thum lüng lawk ciah kho hnüüp ät, kho k’awi nayi thum ung kei cu im kyong ah taigü ne ka om ci. Cun yah ung pyü ne ng’shü sei suisak ciah chang tumat cu ka ma ah ng’düi law ne,

LUKA 2:14

“A hlüngtai säih Khanpughi ah bämang nak cu, khankho ah be sä, khomdek khan ung phi ding gei nak om sä, am hni ah chang gui ah khan ah m’gein nak om sä” cine Khanpughi m’hlüngtai ne ng’äi m’cu ci gui.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

TAIGÜTHUM 6:30

Avaisü ah asi api cu Phung ah kyong ah law püi ne, katnak nawt heng nak ah mang ah a kyak ung, cun ah seime cu kä ei vai, mei awn m’khih vai.

MIKHAH 5:5

Ani naw dimdeeih nak law püi khai. Assirian gui naw khaw ami tuk law ung, mi ng’vong chaam ami m’shet law ung, keimi naw gai pi ciah kami ng’vai gui tüi ne kami tuk sak khai.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

KOLOSE 1:16

Ani awn Khanpughi naw, khankho la khomdek ung om ciah ang tüi avan, hmuh thei la kä hmuh thei, mümcha hlüngtai nak gui, bawi gui, uknak gui la huhamah gui cu, tüisho ci. Khanpughi naw, khophlüt avan cu ani awn, ani ah hmawk ah tüisho ci.