KOLOSE 1:18 - Cho Bible Common Language 2016

¹⁸ Ani cu apumsa ah kyak ciah Khrithabum ah lukhu ah kyak ci. Ani cu pumsa ah ghin nak ah ang yung ah kyak ci. Ani cu sih nak ung kaa tho ba ciah ng’tüi htük ciah Htapa ah kyak ci, ani bäng cu avan ung a om nak htük vai hmun om ci.

KOLOSE 1:18 Referans Kwoze

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

LAMKTU 26:23

Messiah cu sih nak a aut kawn ah, sih nak ungka tho ba htük ne, Israel chang gui la changpakhui hei gui am, hun nak ah ak dei ah mawng cu ng’shäu ne m’thein gui khai nei” cine m’hlan ne pyein tu ba ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

SAM 89:27

Ani cu ka hta htük ah m’düih ne, ghangpughang gui avan ung akdäm pi k’bäih ah ka hmoh khai.

1 KORIN 11:3

Kei naw ka ning hmat sak gui hlü cu, pami avan cu Bawi Khrih naw uk ci, ak chu cu a cei naw uk ci, Bawi Khrih cu Khanpughi naw uk ci, ciah kyak ci.

THU PHLAAN 22:13

Kei cu Alpha la Omeka, akhtük bäih la akhnu bäih, tün ka la khüm nak ah ka kyak ci” cine pyein ci.

EPHESIAN 5:23

Krihtabum ah khan ah Bawi Khrit ah huham a om ah mäih ah ak chu ah khan ah a cei ah huham om ci nei. Bawi Khrit cu amät ah pumsa ah kyak ciah Krihtabum ah Hunbawipa ah kyak ci.

THU PHLAAN 21:6

Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.

1 KORIN 15:25

Khanpughi naw gaa gui avan tu ne m’shiu ne, a kho kaa ah a gawk sak ung khüt sei Bawi Khrih naw a van uk khai.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

EPHESIAN 1:10

Cun ah Khanpughi naw akümbe sak vai ah ang bü nak cu, akhin aküm law hnüüp ung khankho la khomdek ung a tüisho gui avan cu Bawi Khrit ah lam ma nak awn ang cut sak gui vai ah hmawk ah kyak ci.

JOHAN 1:27

Cun ung phi kei cu ani ah phahnat gui k’phian khai ah phi kä ka khin ci” cik ci.

JOHAN 1:16

Ani cu m’geinsei nak awn kümbe ne, chang van tumat täi-am m’shumphyuk nak na pe gui ci.

JOHAN 1:1

Khomdek kä a ng’tüi pha ung Thu cu om ci. Thu cu Khanpughi awn a täng ah om ci. Thu cu Khanpughi ah phi kya ci.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

1 JOHAN 1:1

Ghin nak ah Thu ah mawng ca kami ning guk lawk ci, cun ah Thu cu ak htük ge ung om ciah kyak ci. Cun ah Thu cu mi ng’yak ci, mi mik awn mi hmuk ci, mi kut awn mi tawn ci.

ROMAN 8:29

Khanpughi naw a ghü ah chang gui cu, A hta ah mäih ah ami kyak vai ah m’cha ne m’hnüt ne om sak gui ci. A hta cu ng’phäi nau gui akda ung, ang vai pi ah a kyak vai ah hmawk ah cun ah a ciah kyak ci.

MATTHE 23:8

Cun ung phi nangmi nami van cu ng’phäi nau gui ah nami kyak ci kia ne nangmi ung sayapa tumat bäng om ci kyasei, ‘Sayapa’ ciah khü vai kä nami ng’yak hlü vai.

ISAIAH 52:13

Bawipa naw pyen ci, “Ka changshäm cu a bilawh nak ung näng nak om khai; Ani cu a hlüngtai ah m’tam khah khai gui.

SOLOMON NG’Ä~ 5:10

Kei ah ka m’hni cu kyom ne gaigawng ci; ani cu phia gha ung akbäpi ah kyak ci.

1 KORIN 12:27

Nangmi nami van cu Bawi Khrih ah pumsa ah nami kyak ci, nangmi ak chang sing cu, apumsa ah ng’phyeekpai ah nami kyak ci.

KOLOSE 2:19

Pumsa ah lukhu ah kyak ciah Bawi Khrit akpan cu, chah ne ng’hlah tak ciah kyak ci. Bawi Khrit ah kut shum nak ah kyong ung pumsa cu ng’ghotai ne, thagui khingthang awn ng’khihkaih kawng ät yawp ci: Cun cu Khanpughi naw adäm ng’gho vai ang yak hlü ah mäih ah däm ng’gho lawk ci.