KOLOSE 1:14 - Cho Bible Common Language 2016

¹⁴ Ani ung phiawn nak mi gah ci, cun cu mi cheishoh nak ana m’gein gui ah kyak ci.

KOLOSE 1:14 Referans Kwoze

EPHESIAN 1:7

Bawi Khrit naw ng’ap ne a sih nak awn mikmi cu mi k’phiawn pyi ci, cun cu küikyang ciah Khanpughi ah m’gein nak ah kyak ci.

HEBRU 9:22

Akcang ah thukhän ah pyein ah, a päng avan cu si awn vah theingcim ci. Si huk nak awn cheishoh nak cu phyawng hlawt ci.

HEBRU 9:12

Bawi Khrit cu Hmun Theing Säih ah hnü ät ge ang bäng ah aluh sang ung, vawihpeh vai ah me ah si, sei ah si cu kä hteh püi ci; Amät ah si hlui cu hteh püi ne, mikmi ah angtäi hun nak cu na pe gui ci.

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

THU PHLAAN 1:5

bekhüt ne saksi ne, sih nak ungka tho ba htük ne, mdek la khan ghangpughang nüng nüng uk ciah Bawipa Jesuh Khrit ah m’geinsei nak la dimdeeih nak cu nangmi ung om sä. Mikmi na m’hni gui ne, asi huk ne asih nak awn, mi katnak ung nak phiawn gui netah;

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

1 JOHAN 2:2

Mi cheishoh nak nam geinsei gui cicu Bawi Khrit amät ah kyak ci, mikmi bäng ah kä kyak ci, hnicim chang avan cu m’gein ne ana k’phiawn gui ah kyak ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

1 JOHAN 2:12

Ka hta nau gui aw, nangmi cu Bawi Khrit ah mawng ung shetkat m’gein sei nak nami gah pyi ci kyasei, ca ka ning guk law gui ci nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 TIMOTHI 2:6

Cun ah Bawi naw hnicim chang gui phiawn khai ah a pumsa ap ci. Cun cu chang nüng hun vai ah, a khin ni ah a kyak ah mawng, Khanpughi ah ang yak hlü cu am dang nak ah kyak ci.

KOLOSE 2:13

Nangmi cu ayan, thukhän kä om ciah chang khui hei la cheishoh ciah chang ah nami kyak nak awn nami mümcha cu si te ci. Cun ung phi tuhbäi Khanpughi naw nangmi cu Bawi Khrit awn nami ghing khai ah ning khü ba gui ci nei. Khanpughi naw mi kat nak gui avan cu, nam gein gui pyi ci nei.

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

LAMKTU 10:43

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.

KOLOSE 3:13

Tumat mat awn nami ng’cuh vai a om law ah a kyak ung phi tumat la tumat nami ng’cang nak tu vai, tumat la tumat nami ng’gein tu vai, Bawipa naw a ning m’gein gui ah mäih ah tumat la tumat nami ng’gein tu vai.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

1 JOHAN 1:9

Khanpughi cu a shaitaak küm sak ne, düng nak bäng bik ci, mik mi cu mi katnak ng’kiaa ne, mi ng’paa ah a kyak ung, mi kat nak nam gein gui ne, mi cheishoh nak nüng phi theingcim sak ci.

LAMKTU 26:18

Nang naw changpakhui hei gui ah mik nam dei sak gui khai, ak hmüp ungka naw ak dei ah na ng’lat sak gui khai, khogam ah hlüng tai nak ungka naw Khanpughi ah hlüngtai nak ung na gawk sak gui khai. Cun ah kyasei ngami cu kei ami na yum nak awn, ami katnak phyawn nak gah ah u ne, Khanpughi ah ghü ah chang gui ah ng’lung ah ami hmun kho gah tuk khai gui.

THU PHLAAN 14:4

Ngami cu hnumi awn kä ng’etsheng man ciah ng’piangmi hta gui ah kya ne, htomehta ah hteh nak päng ah läk tuk ci gui. Ngami cu chang ah hta avan ungka a ghü gui ah kyasei, Khanpughi la Htomehta ung ng’ap ma ci gui ah kyak ci.

LUKA 5:20

Bawipa Jesuh naw ami yum nak adäm aih cu hmu netah, shum ciah chang-am,” “Teihpüi awi, na katnak ning k’phiawn pyi nei” ci ne pyen nak ci.

1 KORIN 1:30

Khanpughi naw nang cu Bawi Khrih Jesuh ung ning kawng ät sak gui ci, Khanpughi naw Bawi Khrih cu mik ah Lulang nak ah kyak sak ci. Bawipa awn mikmi cu Khanpughi ung mi ng’düng ci; mikmi cu Khanpughi ah chang theing ah mi kya law ne, phiawn nak mi gah ci.