KHEI NAK 2:2 - Cho Bible Common Language 2016

² Israel chang gui naw shaum pigaw ami co law ung, chang päng naw amät ah ang pai ah catai ah ka lah amät ah pahta ah alan ah ka phäh phäh ah shaum pigaw ami co vai. Shaum pigaw cu Phung avan veing ne cawh vai.

KHEI NAK 2:2 Referans Kwoze

1 KORIN 14:40

A mawng ammaa avan cu a khüimaai ang käkhtäng ah nami bi vai nei.

1 KORIN 14:33

a i ah kya sei ci ung Khanpughi naw kä ng’khämbawi khai ah bi vai cu kä ng’ya hlük ci, ng’awi ng’gi nak la dimdeeih nak vah ng’ya hlük ci.

JOSHUA 3:4

Cun kawn ah shin ung kä nami om ba vai, ngami naw hteh nak vai lam ning m’shüm gui khai gui. Cung phi thukhän küm kä nami et vai, mäng m’cawt shawng ne nami om vai.”

KHEI NAK 10:25

Ak hnu ah Dan pakhui lam ma ciah catai ka ung ang pai gui avan hnu khüm gui ne hteit ci gui. Bum ät kawn ah bum ät hteit u ne, Ammishaddai ah hta Ahiezer naw thumkhän gui ci.

KHEI NAK 10:22

Cun kawn ah Ephraim pakhui lam ma ciah catai ka ung ang pai naw tün ci gui. Bum ät kawn ah bum ät hteit u ne, Elishama Ammihud ah hta naw thumkhän gui ci.

KHEI NAK 1:50

Cun nak vaisü ung kei ah om nak ah Phung la acun ung khawhchaam avan cu Levit gui am k’bäi ne angvaipi ah tha gui ne na ngäng sak gui vai. Ngami naw cun gui la cun ung khawh gui cu m’kawn u ne, m’htei khai gui. A cun veing ne ami shaum pigaw co khai gui.

KOLOSE 2:19

Pumsa ah lukhu ah kyak ciah Bawi Khrit akpan cu, chah ne ng’hlah tak ciah kyak ci. Bawi Khrit ah kut shum nak ah kyong ung pumsa cu ng’ghotai ne, thagui khingthang awn ng’khihkaih kawng ät yawp ci: Cun cu Khanpughi naw adäm ng’gho vai ang yak hlü ah mäih ah däm ng’gho lawk ci.

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

ZEKHARIAH 9:16

Cun ah hnüüp a gawk law ung, Bawipa naw a chang gui cu, Htoshäm naw htome gui kyihkyawk nak ung a hun gui ah mäih ah hun gui khai. Ngami cu ani ah khaw ung pyülung lukhu ah mäih ah ng’shü khai gui.

EZEKIEL 43:7

“Hnicim chang, shin cu kei ah mangkiang nei. Kei cu shin ung Israel chang gui ah ng’lung ah ka om khai, angtäi sei ka uk gui khai. Israel chang gui, käcung ami ghangpughang gui naw a hei khanpughi gui ami khawihnah nak la shin ah hmun ung ami ghangpughang gui ah gook gui ami phuh nak awn, kei ah theingcim ciah ming cu ka thui aa ba sak khai gui.

ISAIAH 18:3

Khomdek khan ung om ciah chang nü naw ngai vä! Khomhtung gui ah alai ung m’düih ah m’hnüt nak ah alan cu teng vä! Phyungpuuk tum cu ngai vä!

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

SAM 76:11

Nami Bawipa Khanpughi ah ma ah nami shaitak nak bi vä; Apei leng ah ka pakhui avan naw m’cümhnah nak law püi vä. Chang van naw a kyih vai ah Khanpughi naw bik ci nei;

KHEI NAK 10:18

Cun kawn ah Reuben pakhui lam ma ciah catai hteit u ne cun ah kaa ung ang pai gui phi, bum ät kawn ah bum ät cu Shedeur ah hta Elizur naw thumkhän gui ci.

KHEI NAK 10:14

Ngami cu ami ng’nawn päng ung a cun ah thukbäi awn ah kyak ci. Judah pakhui lam ah lawk ciah catai ah ka ung ang pai tumat cu tün ne hteit ma ci gui. Bum ät kawn ah bum ät hteit u ne, Nashon, Amminadab ah hta naw thumkhän gui ci.

KHEI NAK 2:10

A htum täng ah Reuben ah ng’pai catai ka ah om ci gui naw ami mät ng’bum ne phung ami tuk vai. Aka ung guk ah ami mät ah angvai ah ka phäh phäh ah; Pakhui Angvai Khei nak Reuben Elizur, Shedeura ah hta 46, 500 Simeon Shelumiela, Zurishadai ah hta 59, 300 Kad Eliasaph, Duela ah hta 45, 650 Angdawn 151, 450 Reuben ah ang pai cu ak hnih nak ung hteit khai.

KHEI NAK 2:3

Akiang täng ah Judah ah ng’pai catai ka ah om ci gui naw ami mät ng’bum ne shaum pigaw ami co vai. Ak ka ung guk ah ami mät ah ang vai ah ka phäh phäh ah; Pakhui Angvai Khei nak Judah Nashon, Amminadab ah hta 74, 600 Issakha Nethanel, Zuar ah hta 3 54, 400 Zebulun Eliab, Helon ah hta 57, 400 Angdawn 186, 400 Judah ah ng’pai cu ma ne hteit khai.

KHEI NAK 2:1

Bawipa naw Moses la Aaron am shin ah m’shümthein nak gui cu pe goi ci.

KHEI NAK 24:2

Israel chang gui naw pakhui phäh phäh ah shaum co ne ami om cu hmu gui ci. Khanpughi ah mümcha naw ani cu k’pang khäta,

SAM 74:4

Na ga gui naw na pum im kyong ah näng li kaap u ne, näng nak m’dang nak ah ami näng yih phi yai ci gui nei.