KHEI NAK 17:3 - Cho Bible Common Language 2016

³ Levit gui ah hmawk ah shopawng ung Aaron ah ming nami guk vai. Pakhui tumat ah ng’vaihta tumat ung ng’shopawng tumat ciah kyak khai.

KHEI NAK 17:3 Referans Kwoze

KHEI NAK 18:7

Cun ung phi nang la na hta gui bäng naw vah sonkiang la Atheing Pikbäih Hmun ung taigü bawi ah bi vai avan cu nami kümbe sak khai. Shin gui cu nangmi ah bi vai kyak ci. A i ah kyasei ci ung kei naw taigü bawi ah kyak nak cu m’cümhnah nak ah ka ning pe gui pyi ci. Kä bi tu hning ciah chang atheingcim gui ah pei ah ang et law tu ung ngawn vai.”

KHEI NAK 18:1

Bawipa naw Aaron cu pyen nak ci, “Nang, na hta gui la Levit chang gui naw, kei ah om nak ah Phung ung bilawh nak ung cheishoh ci phung cu nami maa nak khai nei. Cun ung phi taigü bawi ah bii bi nak ung cheishoh ci phung cu nang la na hta gui bäng naw nami maa nak khai nei.

PHYAWN NAK 6:20

Amram naw apa ah be Jochebed chu nak ci. Ani cu Aaron la Moses ah hta ci. Amram cu kum 137 ghing ci.

PHYAWN NAK 6:16

Levi cu thum ah hta ci, cun gui cu; Kershon, Kohath, la Merari, ngami cu ami ming sui gui ciah pahta ah kyak ci gui. Levi cu kum 137 ghing ci.

KHEI NAK 17:2

“Israel chang gui na pyen nak gui vai, pakhui päng ungka ng’vaihta tumat naw shopawng tumat ciah gha lei goi ami ning pek vai. Ami ng’shopawng ung ami ming ami guk phäh phäh vai.

KHEI NAK 17:4

Cun gui cu kei ah om nak ah Phung ung law püi neta, kei naw ka ning hmuh sak gui khai. Thukhän M’küm ah ma ung nami tha vai.

EZEKIEL 37:16

Ani naw pyen ci, “Hnicim chang, sing tawn tumat la neta, acun ah khan ah shin ah ng’thu cu gu ä, ‘Judah uknak khaw.’ Sing tawn ahei tumat la ba ne shin ah ng’thu cu gu ä, ‘Israel uknak khaw.’

KHEI NAK 26:10

Khomdek aang ne m’yaw gui sei, ngami cu Korah la a chang gui awn a täng ah chang 250 mei naw a uih yah ung si tuk ci gui. Cun cu chang gui khän ne m’shüm thein nak ah kya lawk ci.

JEREMIAH 42:20

nangmi cu aktung ah nami hma ci, nangmi ah hmawk ah Bawipa mi khanpughi ah tiagü vai ah nami na K’thäh ci, ani naw ang thumkhan phung nami bik kai ah phi shai nami tak ci.