KHEI NAK 1:4 - Cho Bible Common Language 2016

⁴ Ning bawm goi khai ah pakhui ät ungka, pahta ung angvaipi tumat ci nani k’thäh vai.”

KHEI NAK 1:4 Referans Kwoze

PHYAWN NAK 18:25

Israel chang gui avan ungka changni gui cu ghü gui ci. Ani naw phia gha uk, phia uk, hmakip uk la gha uk ah m’düih gui ci.

JOSHUA 22:14

Phinehas awn a täng ah ng’vaihta gha hteit tuk ci gui. Akhei täng pakhui gui ungka, khui ät ung tumat ciah kyak ci, cun gui cu pahta kyong chang ungka, ami ng’vai tumat ciah kyak ci.

THULÄÄN NAK 1:15

Kei naw cüivai ci la hmuhmat ciah ng’vaihta gui kam düih khai, nangmi naw nami pakhui ungka nami ghü vai, cun gui naw ning khawngmang gui khai ah ka tha gui khai. Amshah naw phia gha, amshah naw phia, amshah naw hmakip, amshah naw gha ci khawngmang khai. Kei naw pakhui gui ung bawi gui phi kam düih gui khai.

KHEI NAK 25:14

Midianit hnumi awn a ngawn ah Israel chang ah a ming cu Salu ah hta Zimri ah kyak ci, ani cu Simeon pakhui, kyong khui tumat ung ang vai ah kyak ci.

KHEI NAK 25:4

Moses a pyen nak cu, “Israel ah ami ng’vai gui ami van la gui neta, kei kä na ngai ci gui cu hnüüp ng’lung yah ung nami m’kat gui vai, cun kawn ah cun ah chang gui ah khan ah kei kä ka m’lung she ba khai” cik ci.

KHEI NAK 17:3

Levit gui ah hmawk ah shopawng ung Aaron ah ming nami guk vai. Pakhui tumat ah ng’vaihta tumat ung ng’shopawng tumat ciah kyak khai.

PHYAWN NAK 18:21

Cun kawn ah bä ciah chang gui cu ghü gui ne, chang gui ah ng’vai ah na hmoh gui vai; phia gha uk, phia uk, hmakip uk, gha uk: ngami cu Khanpughi kyih aa u ne, ngaih gep vai ah chang, kä ei hlü mang phya ciah kyak khai gui.

KHEI NAK 30:1

Moses naw shin ah m’shüm thein nak gui cu Israel pakhui gui ung ami ng’vaihta gui am m’thein gui ci.

1 GHANGPUGHANG GUI 8:1

Ghangpughang Solomon naw Israel pakhui gui pahta gui ung tängpang ci gui ami van cu ani ah Jerusalem ah ami law vai ah k’thäh gui ci, cun cu David ah mang gaw Zion ungka naw Taigüim ah Bawipa ah Thukhän M’küm hteh püi vai ah kyak ci.

KHEI NAK 4:34

Bawipa ah thukhän ah mäih ah Moses, Aaron la chang bum ng’vai gui naw Levit pahta thum ah kyak ciah Kohath, Kershon, la Marari gui cu khei gui ci gui. Ngami naw pa ng’pai la kyongkhui aläk ah bik ci gui. A khokum thumkip la hmakip ah ng’lak ungka pami avan, Bawipa ah om nak ah Phung ung bi bi hning ci phung aming guk ci gui. 22750 22630 Pahta Khei nak Kohat 2750 Kershon 2630 Marari 3200 Ang’dawn: 8580

KHEI NAK 7:2

Cun kawn ah pahta bawi gui, Israel pakhui ung ami ng’vaihta gui, acun gui ng’khei nak ung tängpang ci gui naw,