KALATIAN 6:8 - Cho Bible Common Language 2016

⁸ M’dek chang ah ng’yak hlü ah m’dek ung geit ci naw, sih nak ah a vuipai cu khäm ba khai; Mumcha ah ng’yak hlü ah ng’lei ung geit ci naw, angtäi ghin nak ah a vuipai cu khäm ba khai.

KALATIAN 6:8 Referans Kwoze

ROMAN 8:13

Nang mi cu hnicim chang ah ng’yak hlü ah nami om ah a kyak ung nami sik khai nei, cun ung phi nami shetkat nak cu Mumcha Theing awn nami sih sak ah a kyak ung ghin nak nami gah khai nei.

JAMES 3:18

Dimdeeih nak bik ci gui naw dimdeeih nak ung ami geit ah, geit m’shi ah am theihpai cu nikiom nak ah kyak ci.

2 PETER 2:19

Ngahmi naw chang-am ng’päiye nak shai ami taak ung phi, ami mät cu didap nak ah khleihtein ah kyak ci gui. A i ah kyasei ci ung, chang cu ani uk ciah khleihtein ah kyak ci.

JOB 4:8

Chang gui naw shekat nak ah lai thawn u ne, Cheishoh nak ah m’shi phu u sei ka hmuk ci nei; Tuhbäi ngami naw cheishoh nak la shetkat nak cu aat ba ci gui nei.

HOSEA 10:13

Cun ung phi nangmi naw shet kat nak geit u new, Acun ah m’theih pai cu nami khäm ci, Nami mät ah hleeihlak nak ah am theih pai cu nangmi naw nami ei ci. “Nami yatha gui la da aih ciah nami gakap gui cu nami ngaih u ah phäh ah

KALATIAN 6:7

Ang lih ng’lat ah kä nami om men vai, a u chang naw phi Khanpughi kä m’hleei hlawt khai. Chang cu amät ah geit bä bä amät naw khäm ba khai.

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

NG'THU K'THUUK~ 22:8

Kä taga ciah geit m’shi na phu ah a kyak ung leigai ah tho lawk khai, chang na shedam nak phi ng’pyi khai.

THU PHLAAN 22:11

Akshe bik ciah chang cu akshe bi lä sä, cheishoh ciah chang cu cheishoh lä sä, akni bik ciah chang cu akni bi lä sä, theingciim ciah chang cu theingciim lä sä” cine na kyak nak ci.

JOHAN 4:36

geit khäm ci cu, ng’cheng gah ne, angtäi ghin nak ah geit cu khäm ba ci, cun ah kyasei, geit ci la khäm ci cu angtäi ah yei kiai khai goi nei.”

JUDE 1:21

Khanpughi ah yumhni nak cu nami yii hnei vai nei, mi Bawipa Jesuh Khrit naw ak chimgein nak awn angtäi ghin nak a ning peit nak gui ah hnüüp cu nami ngäng vai nei.

JOHAN 6:27

Shekaa thei ciah ah ei awk cu käk tha nah ne, kä shekaa thei ciah, angtäi ghin nak ah ei awk cu tha na vä. Khanpughi naw hlüngtai nak a ap pyi ah kyasei, chang ah Htapa naw cun ah ei awk cu nangmi-am ning pe gui khai nei” cine m’cäi gui ci.

ROMAN 6:13

Nami pumsa cu a i yah ung phi shetkat nak ah hmawk ah kä nami mang en vai. Cun nak vaisü ung, sih nak ungka ghing ba ciah chang gui ah kya ne, nami pumsa cu Khanpughi am nami ap vai, Düng nak ah a mawng ung a ning mang gui vai ah pumsa la ghin nak avan cu, Khanpughi ung nami ng’ap vai nei.

JEREMIAH 12:13

Ka chang gui naw htang phu ci gui, cun ung phi ng’hling khäm ba ci gui; ngami naw k’tha na ne bik ci gui, cun ung phi a i ah kä gah ci gui. Kei ah nui ciah ka m’lungshe ah phäh ah ami püm htang gui cu shum ci nei.”

THUSHÄUTU 11:6

Na geit m’shi cu kho ngawi lam ah phi phu ä, mühun lam ah phi phu ä. Na phu avan cu pyo khai, käcung na phu htük ah mä na phu ba cu ni pi khai, cicu nang naw kä na hmat ci.

MATTHE 19:29

Cun kawn ah phi kei ah hmawk ah a im, am dek, anu apa, a phäi a nau, akchu a hta, tumat mat nawng shüt ciah chang cu, a nawng shüt ah khan ah a phiaa ah däm pi sei gah ba khai, ang täi ghin nak phi gah khai.

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

TITUS 3:7

Cun ah kyasei mikmi cu am gein nak awn Khanpughi ung düng nak mi gah ne, mi ngaih u ah angtäi ghin nak cu mi gah vai ah kiak ci.

JOHAN 4:14

cun ung phi kei ah pei tah tui awk cicu a ngawi ah phi tui kä gha ba khai. Cun ah tui cu ani ah m’lung kyong ung ghin nak tui gei ah khawng ne long ne, ani-am angtäi ghin nak cu pek khai” cik ci.

LUKA 18:30

Tuhchü a ghin yah ung khawhchaam ang peeih a gah kawn ah, maa ah lawk khai ah kho ung angtäi ghin nak gah khai nei” cine m’cäi gui ci.

ISAIAH 32:20

Geitkaw nak vai ah tui da ne, ng’sela la sei gui ah phäh ah phyawng ne om nak vai khu hmun da sei yeikyai aih vai ah kyak ci nei.

2 PETER 2:12

Cun ah chang gui cu phaa vai, ngawn vai ah ng’tüi ciah k’pyamasa ah mäih ah kyak ci gui, a i kä ami hmat su ah päipih nak om ci. Ngami cu a i kä hmat ciah k’pyamasa ah mäih ah dimaih khai gui.

1 TIMOTHI 1:16

Cun ung phi Khanpughi naw kei cu nam gein ci, cun ah a nam gein ah mawng cu, ngawi ah Bawi Khrih yum ne ghin nak gah ci gui naw ami thei tu vai ah Bawi Khrih naw a hnimgei nak ah a mawng cu, shekak ciah kei awn am dang ah kyak ci.

NG'THU K'THUUK~ 11:18

Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

MATTHE 25:46

Cun na kyasei ngami cu angtäi ah shetkat nak gah khai gui. Düng ciah changnigui läi cu angtäi ghin nak kho ah gawk khai gui.

ROMAN 6:23

Shetkat nak ah a phu cu sih nak ah kyak ci; Cun ung phi Khanpughi naw a phu kä m’hnüt vai ah am gein nak cu, mi Bawipa Jesuh Khrit ung kawng ät nak awn gah ah angtäi ghin nak ah kyak ci.

ROMAN 8:6

Hnicim chang ah ng’yak hlü bäng ngaih-tüh ciah chang cu sih nak ung gawk ci, Mumcha ah ng’yak hlü ngaih-tüh ciah chang cu ghin nak la dimdeeih nak gah ci.

ROMAN 8:11

Bawi Jesuh sih nak ungka thawh ba sak ciah Khanpughi ah Mumcha cu nang mi ung akcang ah om ciah a kyak ung, Bawi Khrit sih nak ung kaa thawh ba sak ciah Bawipa naw, amät ah Mumcha awn sih thei ciah nami pumsacun phi ghin sak khai nei.

1 KORIN 15:42

Sik ci gui tho ne ami ghin ba ah mawng cu ka ning m’thein gui khai. Pumsa cu m’ciim yah ung thuka thei ciah kyak ci; a thawh law ba ung kä thuka thei ciah kyak ci.