KALATIAN 6:7 - Cho Bible Common Language 2016

⁷ Ang lih ng’lat ah kä nami om men vai, a u chang naw phi Khanpughi kä m’hleei hlawt khai. Chang cu amät ah geit bä bä amät naw khäm ba khai.

KALATIAN 6:7 Referans Kwoze

2 KORIN 9:6

M’shi api geit ci naw geit api khäm ba khai, m’shi akdäm geit ci naw, geit akdäm khäm ba khai! cicu nami hmat vai nei.

HOSEA 10:12

Kei naw ka pyen ci, ‘Nami mät ah phäh ah m’dek ak thai thawn vä. Düng nak cu geit u ne kei ah nami ng’ap nak ung m’theih pai lawk ciah hrilham cu khäm vä, Shin cu nangmi kei nami na Bawipa ah nami ng’hlah law nak ba vai ah akhin ah kyak ci nei. Kei cu law ne nami khan ah hrilham ka yuk lawn lawk khai nei.’

JOB 4:8

Chang gui naw shekat nak ah lai thawn u ne, Cheishoh nak ah m’shi phu u sei ka hmuk ci nei; Tuhbäi ngami naw cheishoh nak la shetkat nak cu aat ba ci gui nei.

1 KORIN 15:33

Ang lih lat ah kä ngai en vä. “Ang khawt püi a shet ung chang k’ni shek ci.”

NG'THU K'THUUK~ 11:18

Chang shekha naw akcang ah a i kä gah ci, Cun ung phi düng ciah bi na bi ah a kyak ung, nang cu m’cümhnah nak na gah khai.

NG'THU K'THUUK~ 1:31

Cun ah kyasei nami mät ah geit ah am theih cu nami ei ba khai. Nami mät ah bi naw ning gaw pyam sak gui khai.

EPHESIAN 5:6

Kä ng’laang ciah ng’thu awn a u naw nang mi cu kä ning k’phiui hnawk-en gui sä, cun ah mäih gui ah hmawk ah, thu kä läk ci gui ah khan ah Khanpughi ah m’lungshe nak om khai nei.

HOSEA 8:7

Ngami cu khokhi phu u ne kuiphak khäm ba khai gui nei. Lai ung htang kä a hmin ung ai m’htut phi kä pyan hlawt vai. Cun ung a hmin ung phi akhohei chang gui naw ei yawp khai gui.

1 KORIN 6:9

Khanpughi ah uknak kho cu chang shekha naw kä khäm khai cicu akcang ah nami hmat ci nei. Ang lat ah kä nami ngaih en vai nei; Pletbeng ci gui, a gup khawihnah ci gui, chang ah chu hta kat püi ci gui, pami goi ng’yawpawm ci gui;

NG'THU K'THUUK~ 6:14

Kä ng’düng ciah m’lung awn akshe avan pawng püi ci gui. Khaw hmun päng ung ng’tuk nak thawh let sak ci gui.

JOB 15:31

Ani cuakshekha ngaih u ne a guktak ah a kyak ung ani m’cümhnah nak cu akshekha ah kyak khai nei.

LUKA 16:25

Cun ung phi Abraham naw, “Ka hta aw, khomdek khan ah nang bühmang gui man la Layarus ah ghawipyam yaica man gui cu, ngai ba ne shüm ba ä. Tuhbäi ani cu bämang nak ung gawk sei, nang cu geinvai nak ung na gawk pyi ci.

JAMES 1:22

Thucim nami ngaihyak nak tu düt awn kä nami hleeihlak-en vai nei; cun ah thu cu akcang ah nami mang thei vai nei.

1 JOHAN 3:7

Ka htanau gui aw, a u naw kä ning yoshe-en ah gui sä! Bawi Khrit ang düngdau ah mäih ah düng nak bik ciah chang cu düngdau ci.

OBADIAH 1:3

Na khähghah naw ning m’hleei ci, Na mang gaw cu kheng lung ah m’liu ci; Na im cu khomhtung pha ne hlüng ci, cun ah kyasei na mät ng’htau ne, ‘A u naw kä na buh tawn hlawt khai ang?’ na cik ci.

KALATIAN 6:3

Amät bä ciah ngai ci cu, amät kä bä ciah a kyak law ung, amät naw amät m’hleei ciah kyak ci.

JAMES 1:26

Chang tumat cu amät naw amät ayum nak om ciah a pyein ung phi, am gawng kä ah khäm ah a kyak ung, ayum nak cu akholä ah kya ne, amät naw amät m’hleei ciah kyak ci.

1 KORIN 3:18

A u naw phi amät naw amät käm hleei en sä. Khomdek khan ah mawng ung kei ka hmuhmat ci, cik ciah chang cu, akcang ah hmuhmat ciah a kyak nak vai ah, chang k’she ah kya sä.

1 JOHAN 1:8

Kei ung shetkat nak kä om ci mi ciah kyak ung, mi mät naw mi mät mi m’hleei ciah kyak ci, mikmi ung düng nak la cang nak cu kä om ci.

LUKA 21:8

Bawipa Jesuh naw, “Chang naw kä a ning m’hleei-en gui vai ah geing na ne om vä. Chang akda cu kei ah mäih ah ng’hlawk ne ‘Kei cu Messiah nei’ cik ci om lawk khai nei, acun ah khin cu gawk law pyi ci nei, cine ning m’hleei gui ci phi om lawk khai nei.

JUDE 1:18

Ngahmi naw, “Ak hnu k’bäih ah khaw hnüüp gui ung ning päipih ciah chang gui, Khanpughi kä shüm hmat ne ami mät ah ng’yak hlü ah om ih ciah chang gui dang lawk khai gui nei” ci ne pyein ci gui.

2 THESSALONIAN 2:3

A i ah kyasei phi chang gui naw hleeihlak ne ami pyein cu kä nami yum-en vai nei. Ak hnubäih ah Khanpughi hnu ng’tuk kütnet püi nak la m’htei ah hteit khai ah akshekha säih kä gawk law pha ah chuih, Bawipa ah hnüüp cu kä gawk lawk khai nei.

JEREMIAH 37:9

Kei, Bawipa naw ka ning thukbäigui cu, Babilonian gui kä law ba khai gui cine ngai ne, nami mät naw nami mät kä nami m’hleei en vai nei, a i ah kyasei ci ung ngami cu law ba khai gui nei.

HOSEA 10:13

Cun ung phi nangmi naw shet kat nak geit u new, Acun ah m’theih pai cu nami khäm ci, Nami mät ah hleeihlak nak ah am theih pai cu nangmi naw nami ei ci. “Nami yatha gui la da aih ciah nami gakap gui cu nami ngaih u ah phäh ah

EZEKIEL 14:5

Cun ah agup gui ami van naw Israel Chang gui cu kei na ng’hlah taak sak ci gui nei, Cun ung phi kei ah m’hlan nak awn ngami ah bekhüt nak cu ng’hlat law ba khai ah ka ngaih u ci nei.