KALATIAN 6:6 - Cho Bible Common Language 2016

⁶ Khritha thuni ng’theithang tuk ciah chang naw, m’thei tuk ci-am ngui ghui khawh chaam cu a peit taak vai nei.

KALATIAN 6:6 Referans Kwoze

ROMAN 15:27

Cun ah ami k’bäi cu, chang ah bi sak gui ah kä kyak ci, ami mät ah ngaih ah, ami mät ah m’gein nak awn ami bi ah kyak ci, pyamthaam ci m’gein tu vai cu ngami ah bi ah kyak ci. Jew chang gui naw, khui hei chang gui am, ami mümcha hrilham cu ami teipai tu gui ah kya sei, khui hei chang gui naw phi, Jew chang gui am ami pumsa hrilham cu, ami teipai gui vai ah kyak ci.

THULÄÄN NAK 12:19

Nami cimgang vai, nami khaw ung nami om ah chuih Levit gui cu kä nami nawng gui vai.

MATTHE 10:10

Ng’yoih nak ah ng’ip, k’htu ang yung akda, phahnak la ng’shopawng gui phi kä nami hteh püi vai. A i ah kyasei ci ung bi bik ciah chang ah ang yak hlü cu peit taak vai ah kyak ci.

LUKA 1:4

Shin cu nang naw na hmuh ng’yak man phung akcang ah küm khai ah na shüm hmat vai ah ka guk ah kyak ci nei.

2 TIMOTHI 4:2

Cun ah kyasei akhin a om ung phi, kä a om ung phi Thu Ni cu na pyein vai nei. Na thu ngai yak ci gui cu ami katnak dang sak gui ä, m’cäi gui ä, thagui pe gui ä, hnimgein nak awn m’theithang gui ä.

KHEI NAK 18:31

Nang la na kyong chang naw pawih ba cicu a hawi phi nami ei vai, a i ah kyasei ci ung cun cu Phung bi nami bi ah a phu ah kyak ci.

NEHEMIAH 10:36

Keimi achang sing naw kami hta htük cu Taigüim ah taigü ah kami hteh püi khai, thukhän naw akthäh ah mäih ah Khanpughi am kami ap khai. Kami seipat gui ah a hta htük gui, kami htome gui la me gui ah a hta htük gui phi kami ap khai.