KALATIAN 6:4 - Cho Bible Common Language 2016

⁴ Ak chang sing naw amät ah bi cu amät naw am htei vai. Abi cu nik ciah a kyak ung, chang hei ah bi awn kä m’tumtäng-en ne, amät ah bi ung amät ang yum vai.

KALATIAN 6:4 Referans Kwoze

2 KORIN 13:5

Yum ne nami ghin nak a bä la kä cun ah, nami mät naw nami mät m’htei ne ng’thumcha shüm vä. Cun ung kä nami pyai ah a kyak ung, Bawi Khrit Jesuh nangmi ung a om cu akcang ah nami hmat khai nei.

SAM 26:2

Bawipa, na ng’shi ne, na m’nüm ä; Ka ng’yak hlü la ka ngaih-tüh gui cu yuk m’khoi m’cha law ä.

1 KORIN 11:28

Cun ah kyasei, chang päng naw amät naw amät ngaih tüh pük pük netah, m’htut cu ei ne khap cu aw sä.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

LUKA 18:11

Pharisee cu amät bäng ng’düi hnga netah, “Aw, Khanpughi aw, chang gui cu, a i baw ng’ya hlük tat ci ni, kä düng ci ni, chang ah hta kat püi ci ni ah kyak ci gui. Kei cu cun ah chang gui ah mäih ah kä ka kyak ci. Shin ah akhawnlook ciah chang ah mäih ah phi kä ka kya tuk ci, cun ah kyasei Khanpughi ka ning m’hlüngtai ci.

NG'THU K'THUUK~ 14:14

Changshe gui naw ami mat ah shetkat nak gah ci gui, Changniguio naw ami mat ah om ih awn m’cümhnah nak gah ci gui.

JOB 13:15

Ka ngaih u nak avan maih pii ci, Khanpughi naw ana ngawn ung a i ah kyak khai aw? Kei naw ka mawng cu ani am ka m’thein khai nei.

KALATIAN 6:13

Vun ah vai ah ling ciah chang gui ge naw, thukhän cu kä läk ci gui nei. Vun ah nak nami bi nak awn khähghah hlü u netah, ami ning bi sak gui ah kyak ci.

1 KORIN 3:8

M’shi geit ci la tui shawi cicu ani ng’lak mah nak kä om ci; Khanpughi naw ak chang sing cu amät ah bi phäh phäh ah ci ah m’cümhnah nak pek khai.

1 KORIN 3:14

Mei naw kä a uih m’khüt vai ah cokyang ciah chang cu m’cümhnah nak gah khai.

PHILIPPIAN 1:26

Cun ah kya sei nami om nak ah ka gawk law ba hnüüp ung, Bawi Khrit Jesuh ung nami ghin nak awn, kei ah hmawk ah nami khäghah nak pi vai kyai khai nei.