KALATIAN 6:3 - Cho Bible Common Language 2016

³ Amät bä ciah ngai ci cu, amät kä bä ciah a kyak law ung, amät naw amät m’hleei ciah kyak ci.

KALATIAN 6:3 Referans Kwoze

NG'THU K'THUUK~ 26:12

Sheka pikbäih ciah ak gu aang pang cu, amät kä cüivai mui neta, cüivai ciah ngai ciah ta bä tuba ci.

1 KORIN 3:18

A u naw phi amät naw amät käm hleei en sä. Khomdek khan ah mawng ung kei ka hmuhmat ci, cik ciah chang cu, akcang ah hmuhmat ciah a kyak nak vai ah, chang k’she ah kya sä.

1 KORIN 8:2

Kei ka hmuhmat ci cik ciah chang cu akcang ah a i kä hmuhmat ciah kyak ci.

ROMAN 12:3

Khanpughi ah na peit ah bä mang nak awn, ak chang sing ka ning m’cäi gui hlü cu; na mi mät ung ng’müi ciah tha ah hlüng pi khai ah m’lung kä nami m’däm vai. Khanpughi naw a ning peit gui ah yum nak ah ayun ak bawng ah ciah, nami mät awn khinkhaa khai ah, nami mät naw nami mät nami m’khoichaa vai nei.

2 KORIN 3:5

Shin ah khuut kami bi hning ciah pyein nak vai ah keimi ung a i k’thagui phi kä om ci, Khanpughi ah na peit gui ah k’thagui bäng vah om ci.

1 KORIN 13:2

Kei cu kümbe ciah thu ka pyein hning ung phi; thuuk ne ng’kau ci hmuhmat nak la langkha nak a om ung phi; khom’htung ng’nawn sak hning ciah yum nak a om ung phi-kei ung m’hni nak kä a om ung, kei cu a kholä ah kyak ci.

1 JOHAN 1:8

Kei ung shetkat nak kä om ci mi ciah kyak ung, mi mät naw mi mät mi m’hleei ciah kyak ci, mikmi ung düng nak la cang nak cu kä om ci.

ROMAN 12:16

Tumat la tumat nami ng’hteinghtang tu vai, kä nami m’ghäm’ce vai, yawken ciah bi phi nami bi vai, nami mät naw nami mät, nami hmuhmat aih ciah kä nami ngaih vai.

LUKA 18:11

Pharisee cu amät bäng ng’düi hnga netah, “Aw, Khanpughi aw, chang gui cu, a i baw ng’ya hlük tat ci ni, kä düng ci ni, chang ah hta kat püi ci ni ah kyak ci gui. Kei cu cun ah chang gui ah mäih ah kä ka kyak ci. Shin ah akhawnlook ciah chang ah mäih ah phi kä ka kya tuk ci, cun ah kyasei Khanpughi ka ning m’hlüngtai ci.

JAMES 1:22

Thucim nami ngaihyak nak tu düt awn kä nami hleeihlak-en vai nei; cun ah thu cu akcang ah nami mang thei vai nei.

NG'THU K'THUUK~ 25:14

Shaitak bi neta kä pe phung ciah chang cu, kho kä aa sak phung ciah khongmei la khokhi ah mäih ah kyak ci.

JAMES 1:26

Chang tumat cu amät naw amät ayum nak om ciah a pyein ung phi, am gawng kä ah khäm ah a kyak ung, ayum nak cu akholä ah kya ne, amät naw amät m’hleei ciah kyak ci.

2 TIMOTHI 3:13

Chang shekha chang thuvi gui cu, shekha m’thüikhang law pi k’täi khai gui, chang naw phi phiui hnawk gui khai, chang phi phiui hnawk khai gui.

2 KORIN 12:11

Kei cu ak gu ah mäih ah ka kya lawk ci, cun cu nang mi ah na kyak sak ah kyak ci. Nangmi cu kei nak püi ciah nami kya khin te ci. Kei cu a i ah kä ka mawng pang ung phi, ang düihpüi ah nami k’bäi gui ah kä ka ng’neim pi khai.

KALATIAN 2:6

Ang vai ah ng’shei ci gui, a u naw phi kei-am ak thai kä na m’shüm thein tuk ci gui. Ngami ang vai ah ami kyak la kä ami kyak cu kei ah hmawk ah kä küikyang ci, a i ah kyasei ci ung Khanpughi naw ak pung a teng nak awn a i kä m’khoichak ci.

LAMKTU 5:36

Ayan hta Shängung Theudas ming nak ciah chang tumat cu amät naw amät chang k’tung khak ah m’hlüng m’tai ne om ci, a hnu ah läk ciah chang phia’phli vai lawk ci. Cun ung phi ani ami ngawn kawn ah ak chang gui püi yawp u sei abi mawng phi maih yawp ci.

KALATIAN 2:9

Ang vai gui ah kyak ciah James, Peter la Johan ni naw, kei-am Khanpughi naw aküikyang ah ana peit cu na yum pek ci gui. Cun ah kyasei a täng ah bilaw ghawm ah ami k’bäi nak ah, kei la Banabas cu kut ung k’pang ne na yavaih goi ci gui. Kei la Banabas naw khui hei chang gui ng’lung ah ani bi vai la ngami naw Jew chang gui ah ng’lung ah ani bi vai ah kami van naw yum ne kami k’bäi ci.