KALATIAN 6:2 - Cho Bible Common Language 2016

² Nami phuih kawh nami ng’phuih kawh tu püi vai, acun ah bi ne Bawi Khrit ah thukhän cu nami läk vai.

KALATIAN 6:2 Referans Kwoze

ROMAN 15:1

Mi yum nak khäng htek ciah chang gui naw, ayum nak ken ciah chang gui cu m’hteihtang gui vai kyak ci. Mi mät ah yeikyai nak bäng vai ah mi bi khai ah kä kyak ci.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

JOHAN 13:34

Tuhbäi Thukhän thai ka ning pe gui ci, “tumat la tumat nami ng’hni tu vai nei, kei naw ka ning m’hni gui ah mäih ah nami mät nami ng’hni tu vai nei.

1 JOHAN 4:21

Bawi Khrit ah na peit gui ah thukhän cu: Khanpughi m’hni ci naw, a phäi nau phi am hni vai nei, ciah kyak ci.

JAMES 2:8

Khanpughi ah uknak ah thukhän cu nami läk ciah a kyak ung düng cicu nami bi vai nei: Cun ah thukhän cacim ung om ci cu; “Na chang paw cu na mät awn m’täng ne nam hni vai nei,” ciah kiak ci.

JOHAN 15:12

Kei ah thukhän cu; kei naw ka ning m’hni gui ah mäih ah tumat la tumat nami yumhni tu vai nei.

PHYAWN NAK 23:5

Ani ah laa cu a phuih gih aih sei a kiuk ah a kyak ung, a khaw awn ng’düi ba khai ah na m’htei tui vai, kä na hteh taak düt vai.

1 PETER 2:24

Bawi Khrit amät naw mi cheishoh nak cu apumsa awn phui ne kutlam tung ung kai püi ci. Cun ah kyasei mikmi cu cheishoh nak awn mi sik khai süte, düng nak ung mi ghing ci. Mikmi cu Bawipa ah ak hmaleim awn gai nak mi hmuk ci.

MATTHE 8:17

Cun ah abi gui cu profet Isaiah ah ng’thu ung, “Kami gaw nak gui näng ne, kami nat nak gui hteh püi yawp ci nei” cicu a khüm nak ah kyak ci.

KALATIAN 6:5

A i ah kyasei ci ung ak changsing naw amät ah phuih phäh phäh a phuih vai ah kyak ci.

1 KORIN 9:21

Acun ah mäih ah chang khui hei gui ung bi ka bi ung, ngahmi k’phiawn nak gui vai ah, thukhän ah k’pung ah chang khui hei gui ah mäih ah ka om tuk ci. Cun cu kei naw Khanpughi ah thukhän kä ka läk ah kä kyak ci, kei cu akcang ah Bawi Khrih ah thukhän kaa ah ka om ci.

ROMAN 8:2

Cun ah kya sei Jesuh Khrit ung na kawng ät sak ciah Mumcha ah thukhän naw, katnak la sih nak ah thukhän ung, kei cu na phiawn sak pyi ci nei.

LUKA 11:46

Bawipa Jesuh naw, “Thukhän saya gui aw, nangmi ung phi shetkat nak om ci nei, Phuih khit vai ah phuih gih chang-am k’phuih u netah, nami mät läi naw nami kut m’dawng awn phi kä nami tawn hlük ci.

ISAIAH 58:6

“Kei naw ka ng’yak hlü ah ei hlawi cu shin ah kyak ci: khih pawn nak gui nami hen vai, kä taga ciah puih gih nami nawt hen vai, nami yawshe nak gui nami luat sak vai.

THULÄÄN NAK 1:12

Cun ung phi kei ka mät bäng naw a i hawkcha ah gihgou aih ciah nami cuhcan gui pyi phleh nak vai cu ka m’khüt hning khai aw?

JAMES 1:25

Cun ung phi chang gui phiawn sak gui ne, kümbe ciah thukhän cu tengkhen ne ngaiyak ciah chang cu, ngai tu netah m’hnih ba düt ciah kä kya ne, akcang ah mang thei ciah kiasei; cun ah chang cu a bilawh nak päng ung Khanpughi naw m’shumphyuk khai nei.

JAMES 2:12

Cun ah kyasei phiawn nak ah thukhän awn, m’khoichaa nak gah khai gui ah, chang gui ah mäih ah, nami om ih vai nei.

2 PETER 2:21

Ng’düng ciah lam hmat ve ve ne Bawipa ah thu theing ng’hlah tak ciah dam ah ta, cun ah lam ng’düng kä hmat tu ling cu bä tu ba ci.

2 PETER 3:2

cau pui profet theing gui ah ng’thu pyein la Hunbawipa naw ang düihpüi gui awn a ning peit gui ah thu khän cu nami shum vai ah ka ng’ya hlük ci nei.

1 SHONTÄP NAK 19:12

Cun kawn ah Joab naw ani am, “Sirian gui naw ami na hnim law na hmuh ah a kyak ung law ne na na bawm law vai, Ammonit gui naw ami ning hnim law ah a kyak ung law ne ka ning bawm lawk khai.