KALATIAN 6:17 - Cho Bible Common Language 2016

¹⁷ Khüm nak ah: cän kawn ah a u naw phi kä na k’shedam men ah ba sä, a i ah kyasei ci ung ka pumsa ung om ciah kang’gaai gui naw, kei cu Bawi Jesuh ah khlei htein ah ka kyak cu m’dang ci nei.

KALATIAN 6:17 Referans Kwoze

2 KORIN 1:5

Mikmi naw Bawi Khrih ah aut ah, da aih ciah geinvai nak cu mi aut tu ah mäih ah Bawi Khrih ung Khanpughi ah na peit gui ah m’htei nak cun phi mi gah ci.

KOLOSE 1:24

Tuhbäi nangmi ah hmawk ah ka yaica ah hmawk ah ka yei ci nei. Bawi Khrit naw apumsa ah kyak ciah Khrithabum ah hmawk ah ayaica ah mäih ah a gawk güt ung ka pumsa yaica nak awn ka ning m’htei gui khai nei.

2 KORIN 4:10

Bawi Jesuh cu mikmi ah pumsa ung ang dang vai ah, thuka thei ciah mi pumsa naw Bawi Jesuh ah autah sih nak cu angtäi sei mi aut ci.

HEBRU 12:15

Khanpughi ah chimgein nak cu a u naw Kä noi maa-en sä. Khak ciah sing naw am äm tui awn chang akda cu yaica sak ci, acun ah mäih ah a u phi kä ah kiak-en vai nei.

LAMKTU 15:24

Keimi ungka chang amshah cu, u ah kä m’cäi ä ah, nangmi ah om nak ah law ne, m’lung ah cüngvawn nak vai ah ng’thu pyein ne, nangmi a mi ning yaica sak gui ah mawng cu kami ng’yak ci nei.

JOSHUA 7:25

Cun kawn ah Joshua naw, “A i ah kyasei shin ah khükha nak keimi ah khan ah na law püi ang? Tuhbäi Bawipa naw na khan ah khüikha nak law püi ci nei” cik ci. Chang avan naw Achan cu sik khai ah lung awn vawi ci gui. Akyong chang gui la a khawh gui cun phi lung awn vawi ne mei awn m’khih ci gui.

KALATIAN 1:7

Akcang ah pyein ung Bawi Khrit ah mawng “Thu Ni ahei,” kä om ci, cun ung phi chang amshah gui naw, Bawi Khrit ah ng’Thu Ni cu m’hlat shüi shüi u ne, ning awng-aa sak gui ci gui.

ISAIAH 44:5

“Chang gui tumat ci tumat ci naw, kei cu Bawipa ah na chang nei” cik khai gui. Ngami cu Israel chang gui ung law ne ng’dawn tuk khai gui. A chang sing naw ami ban ung Bawipa ah ming awn m’hnüt khai gui, ami mät naw ami mät khanpughi ah chang tumat ah ng’khü khai gui.”

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

PHILIPPIAN 3:10

Kei naw ka ng’yak hlü cu Bawi Khrit hmat vai, sih nak ungka a thawh nak ba ah hlüngtai nak gah vai la ani awn a täng ah yaica nak gah ne, ani ah sih ah mäih ah sih tu vai bäng ah kyak ci.

THU PHLAAN 13:16

Cun ah khiküi naw, yaw däm ci, pyam mang ci, khleihtein la khuimah chang avan cu ami k’pat lam kut ung, kä cun ung ami m’calai ung m’hnüt nak awn liing ne m’hnüt gui ci.

THU PHLAAN 13:17

Cun ah m’hnüt nak ah kyak ciah khiküi ah ming, kä cun ung ang ming dang sak ciah khei nak, awn kä ami m’hnüt tu ah chang phung cu sumlei ng’dong’pe ne kä gah tuk ci.