KALATIAN 6:12 - Cho Bible Common Language 2016

¹² Nang mi naw vun ah nak nami bi vai ah ning ling na gui ci gui cu, ak pung bi nak awn khähghah hlük ci gui ah kyak ci nei. Ngahmi cun ah ami ling cu, Bawi Khrit ah kutlam tung ah hmawk ah k’dudeiu nak ami aut vai ami kyih su ah kyak ci nei.

KALATIAN 6:12 Referans Kwoze

KALATIAN 5:11

Phäi nau gui aw, kei naw vun ah nak cu, bi lä vai nei cine, ng’thu ka pyein ciah a kyak ung, a i ah kyasei k’dudeiu nak ka aut vai ang? Cun gui cu akcang ah akyak ung, Bawi Khrit ah kutlam tung ah mawng ka pyein cu, thüigen nak vai kä om khai nei.

KOLOSE 2:23

Akcang ah pyein ung cun gui cu, khankho chang düt nami khawihnah nak ah cüivai nak ung ng’yung ne dang lawk ciah kyak ci. Chang ah ng’yak hlü ah thuvi nak, pumsa ah m’hni kümbe sak nak, gui ah kyak ci. Cun ung phi cun gui naw, pumsa mawngma ami kut shum nak ung akcang ah aphuma kä dang ci.

2 KORIN 11:13

Cun ah chang gui cu ang düihpüi akcang ah kä kyak ci gui, ng’hlukhlei ci gui ah kyak ci; Bawi Khrih ah ng’düihpüi akcang ah ng’hlawk u ne, hleeihlak ne bilo ci gui ah kyak ci.

LAMKTU 15:1

Chang amshah gui cu Judea kho ah kaa Antiok ah hteit u netah, “nangmi cu Moses ah thukhän na mäih ah vun aat nak kä nami bi tu ung hun nak kä nami gah tuk khai” cine m’theithang ci gui.

KALATIAN 2:3

Ka paw Titus cu Karik chang ah a kyak ung phi ling ne vun-ah nak cu kä ka bi sak ci:

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

PHILIPPIAN 3:18

Shin ah a mawng cu kei naw akda vei ka pyein pyi ci nei, tuhbäi phi leng ba ne ka ng’plitui awn ka pyein ba khai nei: Bawi Khrit Jesuh kutlam tung ung asih nak ah mawng cu hnu ng’tuk püi ne ani ah gaa ah kya ne ghing ciah chang akda om ci nei.

PHILIPPIAN 2:4

Nami mät ah hmawk bäng ah kä ng’ä ne, nami pawchang ah hmawk ah phi nami ng’ä vai nei.

PHILIPPIAN 1:15

Chang amshah gui naw m’thüikhang nak ah m’lung ng’tukvook nak hlü ah m’lung awn Bawi Khrit ah mawng cu pyeinsak ci gui, cun ung phi chang amshah naw m’lung ngaih k’ni awn pyeinsak ci gui.

KALATIAN 6:13

Vun ah vai ah ling ciah chang gui ge naw, thukhän cu kä läk ci gui nei. Vun ah nak nami bi nak awn khähghah hlü u netah, ami ning bi sak gui ah kyak ci.

KALATIAN 2:14

Cun ah ngami ah bilawh cu ng’Thu Ni ah ng’düng nak awn kä ah ng’müi law cu, kei naw hmu netah, chang gui ah ma ah, Peter-am, “Nang cu Jew chang ah na kyak ci, cun ung phi chang khui hei ah mäih ah na om ci, Jew chang ah mäih ah kä na om ci. Cun ah kya lang ne a i ah kyasei khui hei chang gui Jew chang gui ah mäih ah ami om tu vai ah na ling nak gui ang?” cine ka ng’shik ci.

2 KORIN 10:12

Ami mät naw ami mät m’hlüngtai ciah chang gui awn kä kami ng’caw hlük ci nei, m’tumtäng nak vai phi kä ka mi ng’ya hlük ci nei. Ami mät naw ami mät ak tung ah m’düih u netah, täitawk m’khoichak ciah chang gui cu, shekha aih ci gui nei.

LAMKTU 15:5

Cun ung phi Pharisee pati ungka Bawipa Jesuh yum law tuk ciah chang amshah gui cu ng’düi law u ne, “Chang pakhui hei gui cu vun aat nak bi tuk khai gui, Moses ah thukhän phi läk tuk khai gui” cine kyak ci gui.

JOHAN 7:18

Amät ah ng’yak hlü pyeinsak ci cu, amät ah mingthang nak vai ah kyak ci. Cun ung phi tüi lawk ciah mingthang vai ng’ya hlük ci naw, düng nak awn ng’thu pyein ci, ani ung hleeihlak nak kä om ci.

LUKA 20:47

Hmeinu gui ah khawhchaam phi gut ci gui. Chang naw aktung ah ang ngaih gui vai ah ang sau nu ah taigü ci gui. Ngami ah khan ah Khanpughi ah m’kat nak däm pi khai nei” cine m’thein gui ci.

MATTHE 23:28

Acun ah mäih ah nangmi cun phi, ak pung ung chang ah ma ah, chang k’ni gui ah nami ng’shei ung phi, nami m’lung kyong ah thuvi nak la shetkat nak gui awn nami be ci.

MATTHE 23:5

Ami bilawh phung chang naw a hmat vai ah bik ci gui. Ami m’cakau la ami baan ung akdäm nu gui ah cacim guh ne m’kawh ci gui. Ami sui ung phi akdäm ang sau nu gui ah cacim guh ne m’kawh ci gui. Ami sui cun phi akdäm ang sau nu gui ah chui ne sui ci gui.

MATTHE 6:16

‘Nangmi cu ei nami hlawi ah a kyak ung, mingthang hlük ci gui ah mäih ah müi ng’haam khai ah kä nami om vai. Ngami cu ei ami hlawi ah mawng ang dang vai ah ei cawi ciah müi hmai awn hteit hton ci gui. Kei naw akcang ka pyein cu, cun ah chang gui cu ami mät ah ng’yak hlü gah pyii ci gui nei.

MATTHE 6:2

‘Cun ah kyasei peit taak nak nami bi ung mingthang hlük ci gui ah bi ah mäih ah pum nak im gui la lam kyum gui ung, dang khai ah kä nami bi vai. Ngami cu chang naw am hlüngtai gui vai ng’ya hlü u ne, ami bi ah kyak ci. Kei naw akcang ka pyein cu, ngami cu ami mät ah ng’yak hlü gah pyii ci gui ah kyak ci nei.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

MATTHE 5:10

“Khanpughi ah düng nak abi nak awn, Shedam nak gah ciah chang gui yeikyai vä; Khankho cu nangmi ah kho ah kyak khai!

MATTHE 23:27

“Thuvi ciah pharisee gui la thukhän saya gui, nangmi cu bawk khai ah hluk ah guh-am awn nami täng ci nei, guh-am gui cu ak pung ah teng ung ami kyom ung phi, ak kyong ah gook ah a guh, ak thu gui awn be ci.