KALATIAN 5:3 - Cho Bible Common Language 2016

³ Vun ah nak gah ci phung naw thukhän avan cu a läk vai nei, ciah ka ning m’cäi ba gui mä ci.

KALATIAN 5:3 Referans Kwoze

KALATIAN 3:10

Thukhän läk vai bäng ngaih u ci gui cu acun naw kyuk gui ci. Cacim theing ung, “Thukhän ca uk ung ami guk phung kä läk ciah chang cu Khanpughi naw m’kyuk ci,” ciah om ci.

ROMAN 2:25

Nang cu thukhän na läk ah a kyak ung, vun-ah nak na bi cu ak küikyang ah kyak ci, cun ung phi nang cu thukhän nam shet ciah a kyak läi ung, vun-ah nak kä na bi tu ling te ung ni pi khai sü ah kyak ci nei.

THULÄÄN NAK 27:26

“Khanpughi ah plah taam nak cu Khanpughi ah thukhän gui la m’theithang gui avan kä läk ciah chang päng ah khan ah gawk sä. “Chang avan naw ami m’shan vai cu, ‘Amen!’

EPHESIAN 4:17

Cun ah kyasei nang mi cu kä yum ci gui ah mäih ah, kä nami om ih ngaih-tüh ba lä vai ah Bawipa ming ung ka ning khän gui ci nei.

THULÄÄN NAK 31:21

Cun kawn ah kyih vai ah leigai akda ami khan ah gawk lawk khai. Cun ung phi shin ah ng’äi cu m’cu lä khai gui, a cun cu ngami hnu ng’tuk gui ne saksi ah ng’düi khai. Tuhbäi pang phi, kei naw ka pek gui vai ah ka shai tak nak ah khaw ung kä ka hteh püi gui pha ung, ngami naw a i ngaihtüh ci gui cicu kei naw ka hmat ci.”

THULÄÄN NAK 8:19

Bawipa nami Khanpughi cu kä nami m’hnih vai, ahei khanpughi gui täng ah ng’hlat ne kä nami khawihnah tu vai, acun ah bii phi kä nami bi tu vai. Cun ah nami bi ah a kyak ung kei naw tuhngawi ka ning m’cäi gui cu, nangmi cu akcang ah nami di khai.

MATTHE 23:18

Chang tumat naw mangkyang awn m’kyuk ne ang phyun ung kä bä ci, mangkyang ah khan ah kaa, peit taak awn m’kyuk ne ang phyun vah bä ci,” nami cik ci.

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

1 THESSALONIAN 4:6

Shin ah mawng ung khritha gui nami mät kä nami cheishoh-en vai, kä nami ei-hlü mang-k’phya vai. Acun ah mäih ah om ciah chang cu Bawipa naw m’kat khai nei, ciah khän ne ka ning m’thein gui ci nei.

LAMKTU 20:21

Judah chang gui am phi bäi, changpakhui hei gui am phi bäi, Khanpughi ah ma ah ami katnak ng’yu ba u ne, Bawipa Jesuh cu ami yum vai ah kheing ne ka m’thein gui ci.

LAMKTU 2:40

Peter naw cun bäng ah kä kyak ciah, ng’thu akda pyein neh am cäi gui cu, “nang mi cu, changshe gui naw ami gah vai ah kak ci m’kat nak ung, nami mät naw nami mät cu phiawn sak vä” cik ci.

LUKA 16:28

Kei ah ka nau chang sing hma om ci, ngami bawtah shin ah geinvai nak ah kä ami gawk law tu vai ah va m’thein ba gui khai ah Layarus cu yuk tüi law ba ä” cik ci.

MATTHE 23:16

“Lam shüm ciah chang mik m’dauh gui, nangmi ung thüisei nak om ci. Chang tumat naw pum im awn m’kyuk ne ang phyun ung, cun ah ng’pyun nak cu kä bä ci, cun ung phi im ung ghui awn m’kyuk ne ang phyun läi ung bä ci nei’ cine nami pyein ci.

NEHEMIAH 9:34

Kami pupa gui kami ghangpughang gui, kami taigü gui naw na thukhän cu kä k’pang ci gui. Nang ah thumkhän gui la na k’bäi nak gui ngami naw kä ngai ci gui.

LAMKTU 15:1

Chang amshah gui cu Judea kho ah kaa Antiok ah hteit u netah, “nangmi cu Moses ah thukhän na mäih ah vun aat nak kä nami bi tu ung hun nak kä nami gah tuk khai” cine m’theithang ci gui.

KALATIAN 5:2

Ngai vä! Kei Paul naw ka ning thu püi gui cu, nangmi naw vun ah nak nami lak ah a kyak ung, Bawi Khrit cu nangmi ah hmawk ah a i ah phi kä ng’khän ciah mäih lawk khai.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.