KALATIAN 5:25 - Cho Bible Common Language 2016

²⁵ Mumcha naw ghin nak na pe gui pyi ci, ani naw mi ghin nak cu na kut shum gui khai nei.

KALATIAN 5:25 Referans Kwoze

KALATIAN 5:16

Kei naw ka pyein hlü cu: Mumcha ah m’shüm thein ah mäih ah nami om vai nei, hnicim chang ah ng’yak hlü cu kä nami läk-en vai nei.

JOHAN 6:63

Khanpughi ah Mumcha Theing naw hnun gui cu ghin sak ci, chang ah hlüngtai nak naw a i käm khüt ci. Kei naw tuhbäi ka ning m’thein gui ah ng’thu cu, Khanpughi ah ghin nak Mumcha ah kyak ci.

ROMAN 8:2

Cun ah kya sei Jesuh Khrit ung na kawng ät sak ciah Mumcha ah thukhän naw, katnak la sih nak ah thukhän ung, kei cu na phiawn sak pyi ci nei.

2 KORIN 3:6

Kei mi naw thukhän thai ah hmawk ah kami bilawh nak vai ah k’thagui cu na pe gui ci, cun cu guk ah thukhän ah kä kyak ci, Mumcha ah kyak ci. Guk ah thukhän cu sih nak ah kyak ci, Mumcha cu ghin nak ah kyak ci.

1 PETER 4:6

Cun ah kyasei Thu Ni cu aksi gui ah om nak ah phi pyein ah kiak ci, cun ah aksi gui cu chang van ah mäih ah pumsa awn m’khoichaa nak gah pyi ci gui ah kyak ci; Thu Ni m’thein gui cu Khanpughi ah mäih ah mümcha awn ami ghin vai ah hmawk ah kyak ci.

ROMAN 8:10

Nangmi ung Bawi Khrit cu akcang ah om ciah a kyak ung, nami pumsa cu katnak awn sik khai ah a kyak tu pang ung phi. Mumcha naw ning ghin sak gui khai, a i ah kya sei ci ung nang mi cu Khanpughi ung ng’düng nak nami gah pyi ciah a kyak ah hmawk ah kyak ci.

1 KORIN 15:45

Cacim ung, “Ak htük ah chang Adam cu, a hnun ghing ah a tüi ah kyak ci, ak hnu bäih ah Adam cu Mumcha ghin sak ciah kyak ci.

THU PHLAAN 11:11

Hnüüp thum la am cawt lüng khätah, Khanpughi ungka hnun ghin nak cu kyum law ne, ngani ung lut khätah, ngani cu tho law ne ng’düi ci goi. Cun hmuk ciah chang gui cu ang htei ah cäicat ci gui.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.