KALATIAN 5:20 - Cho Bible Common Language 2016

²⁰ a gup khawihnah nak, ng’pluh nak, kawng gaa nak, ng’tuk ah nak, vamneng nak, m’lung she nak, ei hlü-mang k’phya nak; ng’khoikhei nak, ng’phyek ng’pai nak;

KALATIAN 5:20 Referans Kwoze

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

1 KORIN 11:19

(Nami m’lung ngaih ang pai nak cu om khai, cun ung vah ng’düng nak cu dang lawk khai.)

TITUS 3:10

Ng’phyeek ng’pai nak bik ciah chang cu, hnih vei nami m’cä kawn ah, api ah phi kä nami ng’gui ng’phaa püi ba vai nei.

2 KORIN 11:19

Nangmi cu nami hmuhmat ciah chang gui ah kya ne, ak gu cu yei ne nami m’gein khai.

THULÄÄN NAK 18:10

Nami sonkiang ah khan ah mei ung nami hta nau gui kä nami khawihnah en vai, nami chang gui am kä nami bi en sak gui vai cu, cäbang nak, cecai nak, taigü m’cu nak,

2 PETER 2:1

Thuvi ciah profet gui caü ami dang man ah mäih ah, thuvi ne m’theithang ci gui cu nangmi ah ng’lung ah dang lawk khai nei. Ngahmi naw dimaih nak vai la käng düng ciah yum nak cu law püi u ne, na hun gui ciah Bawipa phi mak khai gui nei, Cun gui cu a shänghta dimaih nak ung gawk khai gui nei.

EZEKIEL 22:18

“Hnicim chang, Israel gui cu kei ah phäh ah mang vai ah kä kyak ci gui. Ngami cu ngui shon ung ang eek-kyei ai, m’si bawk, m’si la khee awn täng ci gui — cun cu meibum ung ngui shon ung ang eek ah kyak ci.

2 SHONTÄP NAK 33:6

Ani naw Hinnom khongnawi ung a hta gui awn m’khih ne douthak ne khawihnah ci. Ani naw kho cuun la khokce ah bi cu bi ne, ng’cängbang ci gui la khogam ah kai gui cu ng’shi k’thäh gui ci. Ani naw akdämduh ah Bawipa hnungtuk püi ne katnak bi ne, ak tung ah m’lungshe sak ci.

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

ROMAN 2:8

Amät ah bä nak vai bäng teng ne, ng’düng nak cu hnu na ne, shet nak lam ah läk ciah chang gui cu Khanpughi ah m’lung k’she nak hmuk khai gui.

2 KORIN 12:20

Nangmi ah kei ka gawk law ung, ka ning hmuh gui hlü ah mäih ah kä ka ning hmuh gui vai la, nangmi naw phi kei cu nami na hmuh hlü ah mäih ah kä nami na hmuh vai ah kang ä ci nei. Ng’tukvook nak, m’thüikhang nak, m’lungshe nak, ng’küükneet nak, ghingshe nak, khleei nak, m’ghäm’ce nak, ng’go ng’gan nak gui ka hmuh vai ah ang htei ah ka ng’ä ci nei.

KALATIAN 5:15

Cun ung phi kawng, khawm gui ami ng’tohpah ah mäih ah nami kyak ung, tumat la tumat nami dishum nak ah kyak khai nei.

JAMES 3:14

Cun ung phi nami m’lung kyong ah m’thüikhang nak, khaa nak, m’yawmhau nak gui om khätah nami cüivai nak awn nami khähghah ah a kyak ung, thudüng cu nami hnu ng’tuk püi ciah kyak ci nei.

1 JOHAN 3:15

A phäi nau thüi nak ciah chang cu chang ngawn ciah kyak ci, Chang ngawn ciah chang naw angtäi ghin nak kä gah hlawt khai cicu nami hmat ci.