KALATIAN 5:18 - Cho Bible Common Language 2016

¹⁸ Mumcha naw lam a ning m’shüm gui ah a kyak ung nangmi cu thukhän ah kaa ah kä nami om ba ci.

KALATIAN 5:18 Referans Kwoze

ROMAN 8:14

Khanpughi ah Mumcha ah lam shüm nak läk ciah chang cu Khanpughi ah Hta ah kyak ci.

KALATIAN 5:25

Mumcha naw ghin nak na pe gui pyi ci, ani naw mi ghin nak cu na kut shum gui khai nei.

NG'THU K'THUUK~ 8:20

Kei cu düng ciah lam ung ka hteit ci; taga ciah lam ka läk ci.

EZEKIEL 36:27

Kei naw ka mümcha cu nangmi ung ka tha khai, kei naw ka ning pek gui ah thumkhän avan cu k’paang ne, thukhän gui cu nami läk ah kei naw ka ning teng gui khai.

KALATIAN 5:16

Kei naw ka pyein hlü cu: Mumcha ah m’shüm thein ah mäih ah nami om vai nei, hnicim chang ah ng’yak hlü cu kä nami läk-en vai nei.

ROMAN 7:4

Phäi nau gui aw, shin ah mawng cu nang mi awn phi ng’lüng ci nei. Nang mi cu Bawi Khrit ah pumsa ah nami kya pyi ci kya ne, thukhän ung nami ghin nak cu si pyi ci nei. Khanpughi ah khuut bi nak ung hnüntho ciah mi kyak nak vai ah sih nak ung ka tho ba ciah Bawi Khrit ah chang ah nami kya pyi ci nei.

JOHAN 16:13

Cun ung phi Khanpughi ah mawng cacim awn dang sak ciah Mumcha Theing cu a kyum law ung ani naw cacim avan cu ning m’thein gui khai, ngawi ah gawk lawk khai ah a mawng gui phi ning m’thein gui khai.

2 TIMOTHI 1:7

Khanpughi ah nam shumphyuk gui ah Mumcha naw mikmi cu kä na ng’yawm sak gui ne; cun ah Mumcha naw hlüngtai nak, m’hni nak la htingling nak cu na pe gui ci.

1 TIMOTHI 1:9

Mikmi naw mi shüm hmat vai cu, thukhän m’hnüt cu chang k’ni gui ah hmawk ah kä kya ci, thukhän m’shet ci gui, om shet ci gui, Khanpughi kä hmat ci gui la cheishoh ci gui, yum nak kä om ne mümcha lam kä shing ci gui, ami nupa ngawn ci gui, chang nagawn ci gui,

ROMAN 8:12

Cun ah kya sei phäi nau gui aw, mikmi cu hnicim chang ah ng’yak hlü ah kä mi om ne, Khanpughi ah Mumcha ah m’cäi ah mi om khai nei.

KALATIAN 5:23

Hniphnoi nak, la küikyang htingling nak gui ah kyak ci. Shin gui hnu ng’tuk püi khai ah a i ng’thukhän phi kä om ci nei.