KALATIAN 5:17 - Cho Bible Common Language 2016

¹⁷ A i ah kya sei ciung Hnicim chang ah ng’yak hlü cu Mumcha ah ng’yak hlü awn hnu ng’tuk ci, Mumcha ah ng’yak hlü cun phi hnicim chang ah ng’yak hlü awn hnu ng’tuk ci. Shin ah hnih goi cu ng’gaa na tuk ci goi. Cun ah kyasei nangmi cu nami mät ah ng’yak hlü ah kä nami bi hlawt ci.

KALATIAN 5:17 Referans Kwoze

ROMAN 8:13

Nang mi cu hnicim chang ah ng’yak hlü ah nami om ah a kyak ung nami sik khai nei, cun ung phi nami shetkat nak cu Mumcha Theing awn nami sih sak ah a kyak ung ghin nak nami gah khai nei.

JOHAN 3:6

Chang ah sisa ung ng’tüi cicu chang ah kya ba ci, Mumcha theing ung ng’tüi cicu Mumcha Theing ah kya ba ci.

MATTHE 26:41

Tüihtok nak nami khütnäng nak vai ah taigü ne nami na ngäng vai nei. Mumcha naw ang yak hlü ung phi pumsa thagui kä om ci nei,” cine pyen nak ci.

SAM 119:20

Ka ngäng nak ka m’lung na pyi ci nei, Na m’khoi m’cha nak cu ak phlüt ah ka hmat hlük ci nei.

THUSHÄUTU 7:20

Angtäi sei a hman bi ne, a hma kä bi phung ciah chang khomdek khan ung a u kä om ci.

SAM 119:32

Na thumkhän cu kei naw akcang ah ka läk khai nei, A i ah kyasei ci ung nang naw hmuh hmat nak pi cu na na pek khai.

JAMES 3:2

Mikmi cu ashäng shäng mi sheka thei ci nei. A i yah ung phi hmakat nak kä om khai ah thu thei ciah chang cu, kümbe ciah kiak ci, apumsa avan shum ne htingling ciah chang ah phi kyak ci.

MATTHE 16:23

Bawipa Jesuh naw Peter lam ah vang hlat netah, “Nang khoshe a hei ah hteit ä, nang cu vawntam nak vai ah na kyak ci, nang ah ngaih tüh gui cu Khanpughi lam ah kä kyak ci, chang lam ah kiak ci,” cine pyen nak ci.

LUKA 22:46

Bawipa Jesuh naw, “A i ah kyasei nami ih ang? Tho law ba ne, tüihtok nak ung kä nami gawk vai ah taigü vä” ci na gui ci.

MATTHE 12:30

‘Kei täng ah kä om ciah chang cu na hnu ng’tuk püi ciah kyak ci. Kei awn a täng ah kä ng’bum tuk cicu ng’yaih-yam düt ciah kyak ci.

KALATIAN 3:21

Cun ung thukhän la Khanpughi ah shaitaak cu hnu ng’tuk ni ne ang? Kä hnu ng’tuk ci goi nei! Chang ah hta naw ghin nak ah thukhän ami gah vai sü ung, acun läk nak awn chang phung cu Khanpughi ung düng nak gah khai sü te.

LUKA 22:33

Peter naw, “Bawipa, kei cu nang awn, thawng na kium ung phi atäng ah ka kium vai, m’htei na hteh ung a täng ah ka hteh vai ah ka yum ci nei” cik ci.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

MATTHE 5:6

“Khanpughi ah ng’yak hlü ah bilo hlük ciah chang gui yeikyai vä; Nangmi cu Khanpughi naw nami ng’yak hlü ning k’be sak gui khai!

ISAIAH 6:5

Kei naw, “Kei ung ngaih u vai kä om ci nei! Ka khaw mü ci nei, a i ah kyasei ci ung, ka m’nei sun lawk ciah ng’thu nü cu katnak ah kyak ci nei, ang thu phung katnak ah kyak ciah chang gui ah ng’lung ah ka om ci nei. Cun ung phi ka mät ah mik awn, Ghangpughang, m’gäi ciah Bawipa cu ka hmu pyi ci nei!”

SAM 130:3

Kami katnak gui na na m’hnüt pek gui ah akyak ung, a u naw m’kyuk nak ung nak phyawn gui hlawt khai aw?

SAM 119:176

Maih ciah htome ah mäih ah ka ng’vaak shüi ci nei; Na changshäm cu law ne na teng law ä, Kei naw na thukhän gui cu kä ka nawng düt ci nei.

SAM 119:159

Bawipa, na shümthein nak a i hlawk ah ka m’hni cu teng ä, Na m’hni nak cu kä thawng phung ci, cun ah kyasei, kei cu na hun ä!

SAM 119:133

Na shaitak ah mäih ah zu ng’kiak nak ung ka, na k’pang ä; akshe gui naw kä na näng en u sä.

SAM 119:40

Na thumkhän gui cu ka läk hlük ci nei; Ghin nak akthai na pe ä, nang cu na ng’düng ci nei.

SAM 119:35

Na thumkhän ngaih nak vai ah na shum ä, a cun ung yeikyai nak ka hmuk ci nei.

SAM 65:3

Kami cheishoh nak naw na hnim gui ci, cun ung phi nang naw na nam geinsei gui ci.

ATÜNNAK 6:3

Cun ah kya khäta Bawipa naw, “Chang gui am angtäi ghin nak kä ka pe ba gui khai; chang cu pumsa ah kyak ci. Tuhbäi ung tün ne chang gui cu khawkum phia la m’ku ah däm sei kä ghing khai gui” cine pyen ci.