KALATIAN 5:16 - Cho Bible Common Language 2016

¹⁶ Kei naw ka pyein hlü cu: Mumcha ah m’shüm thein ah mäih ah nami om vai nei, hnicim chang ah ng’yak hlü cu kä nami läk-en vai nei.

KALATIAN 5:16 Referans Kwoze

KALATIAN 6:8

M’dek chang ah ng’yak hlü ah m’dek ung geit ci naw, sih nak ah a vuipai cu khäm ba khai; Mumcha ah ng’yak hlü ah ng’lei ung geit ci naw, angtäi ghin nak ah a vuipai cu khäm ba khai.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

ROMAN 6:12

Cun ah kya sei nami pumsa ah ng’yak hlü ah kä nami läk en hlawt vai ah, katnak naw nami pumsa cu käm khüt ten hlawt sä.

EPHESIAN 2:3

Zanä mikmi phi ngami ah mäih ah mi kya man ci. Pumsa ah ng’yak hlü ah mi om ne, pumsa la m’lungngaih ah ni vai düt ah mi bilo man ci. Mikmi cun phi pumsa lam ung, a hei chang gui ah mäih ah Khanpughi ah m’lungshe nak gah khin ciah mi kyak ci.

1 PETER 1:14

Khanpughi ah thu ngai u ne, kä nami hmuhmat pha ung nami om ih ng’yak hlü man ah mäih ah kä nami ghin om ba vai nei.

1 PETER 4:6

Cun ah kyasei Thu Ni cu aksi gui ah om nak ah phi pyein ah kiak ci, cun ah aksi gui cu chang van ah mäih ah pumsa awn m’khoichaa nak gah pyi ci gui ah kyak ci; Thu Ni m’thein gui cu Khanpughi ah mäih ah mümcha awn ami ghin vai ah hmawk ah kyak ci.

1 PETER 1:22

Nangmi cu thucim nami läk nak awn, nami m’lung kyong cu theing sak u ne, yum ciah nami chang paw phi akcang ah nami m’hni pyi ci nei. Cun na kyasei tumat la tumat nami m’lung kyong avan nawn nami ng’yum hni tu vai nei.

KOLOSE 2:11

Bawi Khrit ung nami kawng ät nak awn nangmi cu kyoon hnah pyi ah nami kyak ci, cun cu chang ah kyoon ah kä kyak ci. Bawi Khrit ah kyoon ah kyak ci. Cun cu cheishoh nak ah, hlüngtai nak ung kaa phiawn nak ah phi kya tuk ci.

KALATIAN 3:17

Ka pyein hlü cu Khanpughi naw Abraham awn Thukhän bi netah, a cun läk vai ah shaitaak nak a peit ah kyak ci. Khokum phya phli la thum-kip kawn ah ng’dang lawk ciah thukhän naw, cun ah thukhän la Khanpughi ah shaitaak cu kä m’shet hlawt ci.

ROMAN 8:1

Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.

1 KORIN 7:29

Phäinau gui aw, kei naw ka pyein hlü cu; akhin kä om ba ci, Tuhbäi ung tün ne chumah ciah pami gui cu kä chumah ciah mäih ah om u sä.

ATÜNNAK 6:3

Cun ah kya khäta Bawipa naw, “Chang gui am angtäi ghin nak kä ka pe ba gui khai; chang cu pumsa ah kyak ci. Tuhbäi ung tün ne chang gui cu khawkum phia la m’ku ah däm sei kä ghing khai gui” cine pyen ci.