KALATIAN 5:10 - Cho Bible Common Language 2016

¹⁰ Cun nung phi nang mi cu ka ning ngaih gep gui ci. Mikmi cu Bawipa ung mi kawng ät pyi ciah kyasei, nangmi cu a hei ah kä nami ng’phyeek pai khai ah ka ngaih gep ci. Cun nung phi nangmi ning awng aa, ngaih pai sak gui ciah chang cu, Khanpughi naw m’shetkat khai.

KALATIAN 5:10 Referans Kwoze

KALATIAN 5:12

Nangmi ning cüngvawn sak gui ci gui cu, vun ah bäng ah kä kyasei, ami mät naw ami mät ah k’ci ami k’phyet ung phi bä khai nei.

PHILIPPIAN 3:15

Mikmi mi van ung Mumcha lam ah k’thamah lawk ci phung naw a shikchaa a ngaih vai nei. Cun ung phi amshah ung a hei ah ngaih nak a om ah a kyak ung, cun cu Khanpughi naw ng’tei khai ah m’dang khai nei.

KALATIAN 1:7

Akcang ah pyein ung Bawi Khrit ah mawng “Thu Ni ahei,” kä om ci, cun ung phi chang amshah gui naw, Bawi Khrit ah ng’Thu Ni cu m’hlat shüi shüi u ne, ning awng-aa sak gui ci gui.

2 KORIN 2:3

Nangmi naw kei cu nami na yei sak khai süte, cun ung phi, kei ka law ung nangmi ah hmawk ah kam lung a thüi vai kyi netah, ca ka guk law te ah kyak ci nei. Kei ka yei ung nangmi nami van nami yei khai ah ka yum ci nei.

1 TIMOTHI 1:20

Acun gui ung Himenaeus la Alexander phi om tuk ci goi. Shin ah mawng naw m’theithang gui sei, nangmi naw Khanpughi ami shetkat nak ami nawng vai ah, kei naw ngami cu Satan ah kut ung ka ap gui ci.

KALATIAN 6:17

Khüm nak ah: cän kawn ah a u naw phi kä na k’shedam men ah ba sä, a i ah kyasei ci ung ka pumsa ung om ciah kang’gaai gui naw, kei cu Bawi Jesuh ah khlei htein ah ka kyak cu m’dang ci nei.

KALATIAN 4:17

Chang a hei gui naw nangmi cu ang htei ah ning cungngai gui ci gui, cun cu akni su ah kä kyak ci. Ngami ah ng’yak hlü cu, nangmi kei awn nami ng’chaa vai ah kyak ci, cun ung vah nangmi naw ngami cu nami cungngai tu ba gui khai kyak ci.

KALATIAN 3:1

Kalatia chang k’ang gui! A u naw ang a ning pluh gui ve? Kutlam tung ung Bawi Jesuh Khrit asih cu, nami mik awn nami hmuh awn täng khai ah, ka ning m’dang gui pyi ci nei!

KALATIAN 2:6

Ang vai ah ng’shei ci gui, a u naw phi kei-am ak thai kä na m’shüm thein tuk ci gui. Ngami ang vai ah ami kyak la kä ami kyak cu kei ah hmawk ah kä küikyang ci, a i ah kyasei ci ung Khanpughi naw ak pung a teng nak awn a i kä m’khoichak ci.

KALATIAN 2:4

cun ung phi amshah gui lä naw bi sak vai ng’ya hlük ci gui. Cun ah chang amshah gui cu, keimi naw Bawipa Jesuh ung kami kawng ät nak awn kami gah ah ng’päiye nak cu na k’tä gui hlü neh keimi ah ng’bum nak ung lut law tuk ci gui ah kyak ci. Ngami naw mikmi cu na khlei htein ah gui hlük ci gui.

2 KORIN 10:6

Nangmi naw keimi ah ng’thu avan nami ngaih cu kami hmat kawn ah thu kä ngai ci gui cu m’kat ge vai ah keimi om ci nei.

1 KORIN 5:5

Bawipa a law hnüüp ung cun ah chang ah mümcha cu hun nak a gah tu vai ah hmawk ah, a pumsa cu, am di vai ah Satan nam nami ap vai nei.

LAMKTU 15:24

Keimi ungka chang amshah cu, u ah kä m’cäi ä ah, nangmi ah om nak ah law ne, m’lung ah cüngvawn nak vai ah ng’thu pyein ne, nangmi a mi ning yaica sak gui ah mawng cu kami ng’yak ci nei.

PHILIMON 1:21

Shin ah ca ung ka guk ah mäih ah nang naw na bik khai ci lacun ah däm pi püi sei na bik khai ci cu, kei naw akcang ah ka hmat ci nei.

2 THESSALONIAN 3:4

Bawipa naw keimi naw nangmi kami ning ngaih gep nak gui vai cu na pe gui ci. Keimi naw kami ning m’cäi gui ah mäih ah tuhbäi nami hnün om ci, ngawi ah phi acun ah nami hnün om khai ah kami ning ngaih gep gui ci nei.

KALATIAN 4:20

Kei naw nangmi cu a hei ah m’hleen ne ka ning m’cäi gui hlü ah phäh ah, tuhbäi ge nangmi awn a täng ah ka om hlük ci nei. Kei cu nangmi ah phäh ah ka ng’ä aih ci nei!

KALATIAN 4:11

Nangmi ah hmawk ah ka ng’ä ci nei! Nangmi ah hmawk ah ka bi gui shi a kholä düt ah kä kyai lawk khai aw?

2 KORIN 13:10

Kei naw shin ah ng’daut ne ca ka ning pet law gui ah mawng cu; kei ka gawk law ung Bawipa ah na pet ah huham cu ak ghaat ah kä ka mang vai ah phäh ah kyak ci. Cun ah huham cu nangmi ning m’küi m’khän nak gui vai ah kyak ci, ning m’shukchaak nak gui vai ah kä kyak ci.

2 KORIN 10:2

Keimi cu khodek khan ah mawng ung kami hnüntho ciah na pyein gui ciah chang gui ah ma ah lingtha nak cu m’dang vai kyak ci nei, nangmi om nak ah ka law ung cun ah mäih lingtha nak m’dang nak vai kä om men sä.

2 KORIN 8:22

Cun ah kya sei ngah ni awn a täng ah kami nau tumat phi kami tüi lawk ci nei: ani cu akda vei teng kheng u ngä sei, chang m’hteihtang ciah chang ah kyak ci nei. Ani cu nangmi ning ngaih gep gui ciah kya ne, ning m’hteihtang gui hlü pi ci nei.

2 KORIN 7:16

Kei cu nangmi ah khan ah m’lung üp ngaih gep nak om khätah ang htei ah ka yeikyai ci nei!

2 KORIN 5:16

Cun ah kyasei keimi naw chang ah m’hnüt nak awn, a u kä kami m’khoi cha ba ci. Yanä keimi naw, Bawi Khrih cu chang ah m’hnüt nak awn kami m’khoichaa man ung phi, tuhbäi cun ah kä kami kya ba ci.

2 KORIN 2:6

Nang mi akda pi naw nami m’kat nak a gah ani naw a kyä vai ah m’kat nak ah kyak ci nei.

2 KORIN 1:15

Kei naw shin ah a mawng gui cu ngaih gep ne, nangmi naw hrilham hnih vei nami gah vai ah,

KALATIAN 5:7

Ayan nangmi ah bi cu bä ci te! Düng nak kä läk vai ah a u naw ang a ning maa nak gui? A i chaa ang a ning k’tü k’phlawh gui?