KALATIAN 4:3 - Cho Bible Common Language 2016

³ Acun ah mäih ah mikmi cun phi mümcha ung kämi khüighaat pha ung, khovang mümcha gui ah khlei htein ah mi kyak ci.

KALATIAN 4:3 Referans Kwoze

KOLOSE 2:20

Nangmi cu Bawi Khrit ung nami sih nak awn kho ak kaa ah om ciah mumcha ah uknak ungka nami phyawng pyi ci nei. A i ah kya sei khomdek khan cu khäm ne nami om ba hlü ang? A i ah kyasei,

KOLOSE 2:8

Geing na vä, Bawi Khrit ungka ah kä kyak ci, khophlüt sei uk ciah Mumcha gui la, chang naw dou ne am theithang nak ung lawk ciah chang läma, gui ah cüivai nak awn, a u chang naw phi kä ning khlei-htein-en nah gui sä.

KALATIAN 4:9

Tuhbäi ung nangmi naw Khanpughi nami hmat ci — Tuhbäi ung nangmi cu Khanpughi naw ning hmat gui ci — cine ka pyein khai. Cun ah kyasei nangmi naw ak tha kä om sei, m’gein vai ciah kho ng’yo cu, a i ah kyasei nami ng’hlah ba shi hlü ang? A i ah kyasei khoyo ah khlei htein ah nami kyak ba hlü ang?

KALATIAN 2:4

cun ung phi amshah gui lä naw bi sak vai ng’ya hlük ci gui. Cun ah chang amshah gui cu, keimi naw Bawipa Jesuh ung kami kawng ät nak awn kami gah ah ng’päiye nak cu na k’tä gui hlü neh keimi ah ng’bum nak ung lut law tuk ci gui ah kyak ci. Ngami naw mikmi cu na khlei htein ah gui hlük ci gui.

KALATIAN 4:31

Cun ah kyasei phäi nau gui aw, mikmi cu, khlei htein hnumi ah hta gui ah kä mi kyak ci, ng’päi om hnumi ah hta gui ah mi kyak ci nei.

LAMKTU 15:10

Cun ah kyasei nang mi naw a i ah kyasei Khanpughi nami ng’küknet püi hlü ang? Mi pupa gui naw phi bäi, mi mät naw phi bäi kämi phuih hlawt ah phuih cu a i ah kyasei ngah mi am nami phuih sak gui hlü ang?

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

JOHAN 8:31

Bawipa Jesuh naw yum ciah chang gui-am, “Nangmi cu kei ah kang thu yum ne, nami bi ung kei ah kang düihpüi ah nami kyak ci;

HEBRU 7:16

Ani taigü ah a kyak law cu, chang ah thukhän thungyo awn ah kä kiak ci, käng pyii hlawt ciah ah ghin nak ah hlüngtai nak awn ah kyak ci.

KALATIAN 4:25

Hakar cu Arabia kho ah, Sinai m’htung ah hnün ung ng’düi ci. Ani naw tuhbäi khlei htein ah kyak ciah Jerusalem la acun ung chang gui cu dang sak ci.

KALATIAN 3:19

Cun ah a kyak ung thukhän ah ng’bü nak cu a i ang? Thukhän cu shetkat nak ah mawng m’dang nak ah kyak ci. Cun ah thukhän cu shaitaak nak gah ciah Abraham ah hta ng’shon, kä a gawk law pha ah a khin bäng ung om khai ah kyak ci. Cun ah thukhän cu khanchang gui awn, ng’shä tumat ung a yuk peit law ah kyak ci.

MATTHE 11:28

‘A phuih gih sei cümbawng ciah chang gui kei ah law vä, kei naw ka ning hüiyang sak gui khai. Kei cu hnip hnoi ng’awi ng’gi ne, kamlung neim ci.

ROMAN 7:14

Thukhän cu mümcha lam ah kyak ciah mi hmat ci, cun ung phi kei cu katnak ah khlei-htein, chang ah hta ah ka kyak ci.

2 KORIN 11:20

Nangmi naw ning täk phan gui ci, ning m’yung m’ya na gui ci, ning hlawt na gui ci, a i ah kä ning sui tu gui ci, nami hmai ning k’beei gui ci, gui cu nami hniimgei ci.

KALATIAN 4:2

Ani cu apa ah k’bäi nak ah akhin kä a gawk pha ung, ani m’hteihtang ci gui la m’cum’cäi ci gui ah kaa ung om ci.

KALATIAN 4:8

Nangmi cu Khanpughi kä nami hmat pha ung, Khanpughi ah ng’hlawk ci gui ah khlei htein ah nami kya man ci.

KALATIAN 4:24

Shin cu m’tumtäng nak ah kyak ci: hnumi hnih cu thukhän hnih ah kyak ci. Hnumi tumat cu Hakar ah kya ne, ani ah hta gui cu khlei htein ah kyak ci gui, ani naw Sinai Khomhtung ah Thukhän cu dang sak ci.

HEBRU 5:12

Nangmi cu nami m’theithang thei khai ah a khin ah kya law pyi ci, cun ung phi nangmi cu Khanpughi ah thu ak tün nak ung tün ne, chang naw a ning theithang gui vai hlü ba laih laih ci nei. Nangmi cu buh nami ei vai khin law sei phi suuktui laih laih nami awk ci nei.