KALATIAN 4:26 - Cho Bible Common Language 2016

²⁶ Cun ung phi Khanmawpi ah Jerusalem cu, ng’päiye nak ah kya ne, mi nu ah kyak ci.

KALATIAN 4:26 Referans Kwoze

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

PHILIPPIAN 3:20

Mikmi cu khan im gaw chang ah mi kya u ne, khankho ah kaa mi Hunbawi Jesuh Khrit a kyum law vai cu mi ngäng ci.

THU PHLAAN 21:2

Khanpughi ah khanmawpi ungka theingcim ciah Jerusalem mang gaw thai cu a cei awn ng’hmu lawk khai goi ah ng’laamihta ah ng’bilaw ah mäih ah kyum law sei ka hmuk ci.

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

ISAIAH 66:10

Jerusalem ung lünlawi vä; ani ah hmawk ah yeikyai vä, cun ah mang gaw m’hni ci gui nami van! Ani ah hmawk ah thüi sei ci gui nami van, Tuhbäi ani awn yeikyai vä!

KALATIAN 4:22

Cun ah thukhän naw, Abraham ung a htapa hnih om ci, tumat cu khlei htein hnumi ah hta ah kyak ci, tumat cu ng’päi om hnumi ah hta ah kyak ci.

ROMAN 6:18

Nang mi cu katnak ah khlei-htein nami phiawn nak kawn ah, ng’düng nak ah khlei-htein ah nami kya lawk ci.

ROMAN 6:14

Kat nak cu nami bawimang ah kä kya en sä; nang mi cu thukhän ah kaa ah kä nami om ci, Khanpughi ah m’gein nak ah kaa ah nami om ci nei.

JOHAN 8:36

Htapa naw a ning m’hlawt gui ah a kyak ung nangmi cu akcang ah nami phyawng khai.

JOEL 3:17

“Israel gui, nangmi naw nami hmat khai, Kei cu Bawipa nami Khanpughi nei. Kei cu ka khomhtung theing Zion ah khan ah ka om ci. Jerusalem cu mang gaw theing ah kyak khai; Akho hei chang gui naw kä näng ba phung khai gui.

ISAIAH 65:18

Kei naw ka tüisho ah mawng ung angtäi sei yeikyai vä. Kei naw ka tüisho ah Jerusalem k’thai cu zeikiak nak awn be khai, ani ah chang gui cu yei kiai khai gui.

HOSEA 4:5

A mü a hnüüp nami cheishoh ci, prophet gui phi a cun ah kyak ci gui, Kei naw ami nu Israel cu ka m’di lawk khai nei.

HOSEA 2:2

Ka hta nau gui, nami nu cu pyen ah vä — ani cu kei ah chu ah kä kya ba ci, kei cu ani ah cei ah kä ka kya ba ci. Pletbeng nak la pawmyau nak cu kä a bi ba vai ah pyen ah vä.

ISAIAH 50:1

Bawipa naw pyen ci, “Pami tumat naw akchu ang chaa püi ah mäih ah, kei naw ka chang gui a hei ah ka tüi gui ciah nami ngai ne ma? Cun ung ng’chaa nak ah ca a hawi ang? Chang tumat naw a hta gui khlei htei ah a yoih gui ah mäih ah, nangmi cu chang pha ah ka ning yoi gui ciah nami ngai ne ma? Nangmi nami katnak ah phäh ah pha ne ami ning hteh püi gui ah kyak ci; Nami cawi m’sa ah phäh ah ami ning k’täm gui ah kyak ci.

1 PETER 2:16

Ng’pääi om chang ah kya ne nami om vai, nami ng’pääiyee nak cu akshe thuh nak vai ah kä nami mang-en vai, Khanpughi ah changshäm ah kya ne nami om vai.

KALATIAN 5:1

Mikmi cu Bawi Khrit naw na k’phiawn gui pyi ci kyasei ng’päiyee nak mi gah pyi ci! Cun ah kyasei ng’päiyee chang ah kya ne ng’düi vä! Cän kawn ah khlei htein ah kyak ba vai ah kä nami om men vai nei.

ISAIAH 52:9

Zei ne m’lau vä, dishum ciah Jerusalem! Bawipa naw a mang gaw cu ngäng ne, a chang gui cu shungvong khai nei.

THU PHLAAN 17:5

Ani ah amcalai ung, “Khaw ah kaa ung shemshai ne pletbeng ci gui ah nu, Babilon gawnu” cine thuuk ciah ng’thu awn ami guk ah kiak ci.

KALATIAN 4:25

Hakar cu Arabia kho ah, Sinai m’htung ah hnün ung ng’düi ci. Ani naw tuhbäi khlei htein ah kyak ciah Jerusalem la acun ung chang gui cu dang sak ci.

THU PHLAAN 12:1

Cun kawn ah khankho mik ung küikyang ciah ng’cängbang nak dang law sei ka hmuk ci. Acun ung om ciah hnuminu cu hni liing sui ne, chaa ung ng’leh ne, aisi ghalei-goi kawp ciah lukhu ng’büng ci.