KALATIAN 4:25 - Cho Bible Common Language 2016

²⁵ Hakar cu Arabia kho ah, Sinai m’htung ah hnün ung ng’düi ci. Ani naw tuhbäi khlei htein ah kyak ciah Jerusalem la acun ung chang gui cu dang sak ci.

KALATIAN 4:25 Referans Kwoze

HEBRU 12:18

Nangmi cu Israel chang gui ah mäih ah tawnyap thei ah Sinai kho m’htung ung nami gawk ciah kä kyak ci. Cun ah m’htung cu mei m’lei tawt ne, kho m’than ne, puikho khi ne,

KALATIAN 1:17

Ang düihpüi ah kya law ma ci gui, ka ng’shi gui khai ah Jerusalem ah phi kä ka hteit man ci. Ak htük bäih ah Arabia kho ah hteit netah Damaskas ah ka law ba ci.

LAMKTU 1:11

“Kalile chang gui, a i ah kyak seih khankho ng’düi ne nami dan ang? Nang mi ung ka, nami hmuh ge ah khankhaw ah kai ciah Bawipa Jesuh cuh, acun ah mäih ah kyum law ba khai nei” cine pyein ci gawi.

LUKA 19:44

Cun ah gaa gui naw, nang la gaw kyong ah om ciah chang gui cu, avan ngawn ne m’dimdap yawp khai gui. Lung tumat ah khan ah tumat phi ng’taih ne kä om ba khai. A i ah kyasei ci ung nang cu ning hun khai ah Khanpughi a kyum law nak ah khin cu, kä na hmat ah hmawk ah kyak ci” cine pyein ci.

LUKA 13:34

“Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

MATTHE 23:37

“Aw Jerusalem! nang naw profet gui cu ngawn ne Khanpughi ah ng’shä tüih gui cu lung awn na vawi ci nei, ainu naw ang phiaa awn aihta gui ak boop gui ah mäih ah nak chang gui kei naw ka kut ng’hnim ung ka koi nak gui cu sho law aih ci nei, cun ung phi nang naw kei cu kä na na dou ci.

SAM 68:17

Tämkäp ah däm ciah m’gäi ng’se gui awn Bawipa cu Sinai ah ka theing ciim ciah hmun ah lawk ci nei.

SAM 68:8

Shihpi thüng ne, khomik ung ka tui kya lawk ci. A i ah kyasei ci ung Sinai Khanpughi, Israel Khanpughi a law ah hmawk ah kyak ci.

SUKI GUI 5:5

Khomhtung gui cu Sinai ah Bawipa, Israel gui ah Khanpughi, Bawipa ah ma ah thüng ci gui.

THULÄÄN NAK 33:2

Bawipa cu Sinai m’htung ungka kyum lawk ci. Ani cu Edom khaw ah khan ah khohni ng’shü ah mäih ah lut lawk ci, paran m’htung ungka naw chang gui ah khan ah ng’shü ci. Khanchang phia phia naw a täng ah om püi ci.

KALATIAN 4:24

Shin cu m’tumtäng nak ah kyak ci: hnumi hnih cu thukhän hnih ah kyak ci. Hnumi tumat cu Hakar ah kya ne, ani ah hta gui cu khlei htein ah kyak ci gui, ani naw Sinai Khomhtung ah Thukhän cu dang sak ci.

KALATIAN 4:26

Cun ung phi Khanmawpi ah Jerusalem cu, ng’päiye nak ah kya ne, mi nu ah kyak ci.