KALATIAN 4:18 - Cho Bible Common Language 2016

¹⁸ Ak ni su lam ah ngaih peit tu cu nik ci, kei naw ka ning om püi gui yah bäng ah kä kyak ciah, ngami cu angtäi sei acun ah ngaih tüh ei u sä!

KALATIAN 4:18 Referans Kwoze

PHILIPPIAN 2:12

Cun ah kya sei teihpüi gui aw, kei ka om yah ung ka ng’thu nakmi ngaih ah mäih ah, tuhbäi kei kä ka om yah ung ka ng’thu nami ngaih vai cu ak küikyang pi ah kyak ci. Nangmi naw hun nak ak be ah nami gah nak vai ah kyih aa nak awn nami bilawh vai,

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

PHILIPPIAN 1:27

Tuk bäi ak küikyang pi cu Bawi Khrit ah Thu Ni awn ng’müi khai ah nami ghin om vai ah kyak ci. Cun ah kya sei kei ka law ba hlawt ung phi, kä ka law ba hlawt ung phi, Thu Ni yum nak ung, tumat ah khäng khai ah m’lung ngai u ne, ng’bü nak ung tumat ah htek khai ah ng’düi u ne, khüighaat ne nami kyak ah mawng cu ka ng’ya hlük ci nei.

KALATIAN 4:13

Ak htük bäih ah Thu Ni ka ning m’thein law gui cu kei ka gawpyam su ah kyak ci, cicu nami shüm ba khai.

1 KORIN 15:58

Cun ah kyasei phäinau gui aw, khüi ne ng’düi ne ghaat ne ng’bi vä. Khanpughi ah khuut bi cu a i yah ung phi a kholä ah kä kyak ci, cicu hmuhmat u ne, angtäi sei khüighaat vä.

SAM 119:139

Ka ga gui naw na thumkhän cu a i ah kä ngai u khäta, ka m’lungshe nak naw mei ah mäih ah na ui ci nei.

JOHAN 2:17

Cun kawn ah ang düihpüi gui naw, Ka taigü nak Khanpughi ah im theing ah hmawk ah, kamlung kyong cu mei cang ah mäih ah ng’ling aih ci” ciah cacim cu shüm ba ci gui.

ISAIAH 59:17

Ani naw taga nak cu saphaw ah mäih ah sui ne, hun nak huham ah kyak ciah lukhu cu ng’büng khai. Anawng gui düng khai ah bi nak hlü aih ah sui cu amät naw sui ne, chang gui ah yai ca nak ah cheishoh nak cu m’lyuk ne phu tuk khai.

SAM 69:9

Na pum im kyong ah ka khawihnah nak naw mei ah mäih ah na ui ci nei; nang ami ning päipih nak phi kei ah khan ah gawk lawk ci nei.

KALATIAN 4:20

Kei naw nangmi cu a hei ah m’hleen ne ka ning m’cäi gui hlü ah phäh ah, tuhbäi ge nangmi awn a täng ah ka om hlük ci nei. Kei cu nangmi ah phäh ah ka ng’ä aih ci nei!

KALATIAN 4:17

Chang a hei gui naw nangmi cu ang htei ah ning cungngai gui ci gui, cun cu akni su ah kä kyak ci. Ngami ah ng’yak hlü cu, nangmi kei awn nami ng’chaa vai ah kyak ci, cun ung vah nangmi naw ngami cu nami cungngai tu ba gui khai kyak ci.