KALATIAN 4:14 - Cho Bible Common Language 2016

¹⁴ Kei ka gawpyam nak naw nangmi a ning cüngvawn sak gui ung phi, nangmi naw kei cu kä nami na päipih ci, kä nami na hnu ng’tuk püi ci; Khankhochang ah mäih, Bawi Khrit Jesuh ah mäih ah nangmi naw kei cu nami na dou ci.

KALATIAN 4:14 Referans Kwoze

MATTHE 10:40

‘Nangmi ning dou gui cicu kei na dou ciah kyak ci.

1 THESSALONIAN 2:13

Cun kawn ah keimi naw angtäi sei Khanpughi kami m’hlüngtai nak ah mawng a hei tumat om ba ci. Cun cu, Keimi naw Khanpughi ah Thu Ni kami ning m’thein gui cu, chang ah ng’thu ah mäih ah kä kiak ciah Khanpughi ah ng’thu akcang ah ngai ng’yak ne nami dou nak ah kyak ci. Cun cu Khanpughi ah ng’thu akcang ah kyak ci. A i ah kiasei ci ung Khanpughi cu yum ciah chang gui ah kyong ah hnüntho ne om ci.

HEBRU 13:2

Nami im kyong ah khin nami m’kai vai cu nami shüm vai nei. Cun ah khin m’htei ci gui cun naw kä ami hmat ah khankho chang cu khin nak ci gui nei.

2 KORIN 5:20

Tuhbäi keimi naw Bawi Khrih ah hnün ung kami ning thu püi gui ci, Khanpughi a mät naw keimi ung om ne a ning thu püi gui ah mäih ah kyak ci. Bawi Khrih ah hnün ung keimi kami ng’ge ci nei; Khanpughi ah gaa ungka naw a teihpüi ah ng’thawng tu vä.

MALAKHI 2:7

Khanpughi ah akcang ah hmuhmat nak m’thei vai cu taigü gui ah bi vai ah kyak ci. Kei ah ng’yak hlü ng’thei tuk khai gui ah chang gui cu ngami ah hteit khai gui, A i ah kyasei ci ung ngami cu hlüngtai ciah Bawipa ah ng’shä tüih ah kyak ci gui.

ZEKHARIAH 12:8

Cun sangung Bawipa naw Jerusalem ung om ci gui cu, shungvong gui khai. Ngami ungka ak ghawi pikbäih phi David ah mäih ah khüighat khai. David ah htangshon gui naw Bawipa ah khanchang ah mäih ah, Khanpughi a mät ah mäih ah lam shüm gui khai gui.

2 SAMUEL 19:27

Nang ka Bawimang ah ma ah ani naw a hleei pyen ci. Cun ung phi nang cu Khanpughi ah khanchang ah mäih ah na kyak ci, hman ciah na ngaih cu na bik ci.

2 SAMUEL 14:17

Ka mät naw ka mät ka pyen ci bawi aw, na shaitak naw kei cu nak phyawn khai, a i ah kyasei ci ung ghangpughang cu Khanpughi ah khanchang ah mäih ah kya ne, ak ni, ak kaa cu m’khoi m’cha hning ci. Bawipa na Khanpughi cu nang awn a täng ah om sä!” cik ci.

1 THESSALONIAN 4:8

Shin ah m’theithang nak hnu ng’tuk püi ciah chang cu, chang hnu ng’tuk püi ciah kä kyak ci, Mumcha Theing na pe gui ciah Khanpughi cu hnu ng’tuk püi ciah kyak ci.

KALATIAN 4:13

Ak htük bäih ah Thu Ni ka ning m’thein law gui cu kei ka gawpyam su ah kyak ci, cicu nami shüm ba khai.

1 KORIN 4:10

Keimi cu Bawi Khrih ah hmawk ah changshe ah kami kyak ci, Cun ung phi nangmi cu Bawi Khrih ung nami kawng ät nak awn cüivai ciah nami kyak ci! Keimi cu kami k’tha ken ci, nangmi cu nami k’thamah ci; Keimi cu chang naw na päipih gui ci, nangmi cu chang naw ning chang m’sui gui ci!

1 KORIN 1:28

Khanpughi naw khomdek khan ung chang naw bä ciah ang ngaih gui m’shet nak vai ah, chang ah yaw k’she nak, chang ah päipih gui cu ghü gui ci.

JOHAN 13:20

Kei naw akcang ka pyein cu, “Kei ah tüih law dou cicu kei na dou ciah kyak ci, kei na dou cicu kei na tüi lawk ci dou ciah kiak ci” cine m’thein gui ci.

LUKA 10:16

Bawipa Jesuh naw, Ang düihpüi gui-am, “Nangmi ah ng’thu ngai cicu kei ah ng’thu ngai ci, nangmi ning nawng gui ci cu, kei na nawng ci, kei na nawng ci cu, kei na tüi lawk cicu nawng ciah kyak ci” cine m’thein gui ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 18:5

Kei ah ming awn shin ah mäih ah ak hmawhta dou ciah chang cu, kei na dou ciah kyak ci.

THUSHÄUTU 9:16

Kei naw angtäi sei, ka pyen ci, cüivai nak cu thagui ah ta bä pi ci, cun ung phi cun ah duhkhaih ciah chang cu a u naw cüivai ciah kä ngai ci, ani pyen phi a u naw kä ngai ci.

SAM 119:141

Kei cu kä changtuung, ami na päipih, cun ung phi nang ah m’theithang cu kä ka nawng ci.

JOB 12:5

Nangmi ung khüikha nak kä om ci, gaih vai ah nami na kyak nak ci; Nangmi naw ng’tääng hlük cicu nami buh tawn ci.

KALATIAN 3:26

Nangmi cu yum nak awn Bawi Khrit Jesuh ung kawng ät ne Khanpughi ah hta ah nami kyak ci.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

KALATIAN 4:15

Cun yah ung ang htei ah nami yeikyai te ci, tuhbäi a i ah nami kia lawk ci ang? Cun yah ung nangmi cu nami m’khüt vai sü ung nami mik hngaw kawih ne nami na pek khai ah nami kyak cu ka pyein ba hlük ci.