KALATIAN 4:12 - Cho Bible Common Language 2016

¹² Phäi nau gui aw, kei ah mäih ah nami kyak tu vai ah ka ning m’cäi gui ci nei. Kei cu nangmi ah mäih ka lawk ci nei. Nangmi naw kei ah khan ah nami katnak kä om hnga ci.

KALATIAN 4:12 Referans Kwoze

2 KORIN 2:5

Chang tumat naw kei a nam thüi ah a kyak ung, kei bäng ah kä kyak ci, nang mi nami van, kä cun ung amshah läi cu ning m’thüi gui ciah kyak ci. (Acun ah chang ah khan ah katnak kä k’bum hlü ne cun ah ka pyein ah kyak ci.)

1 GHANGPUGHANG GUI 22:4

Cun kawn ah Ahab naw Jehoshaphat cu k’thäh ne, “Ramoth tuk vai ah kei awn a täng ah na hteit tuk khai aw?” cik ci. Jeshoshaphat naw, “Nang na hteh vai ah khoi ung kei ka hteit ge khai nei, ka gakap gui la ng’se cum gakap gui phi om ge ci gui nei.

ATÜNNAK 34:15

Nangmi cu pami avan naw vun aat tu u ne, keimi ah mäih ah nami om tu ah a kyak läi ung kami yum khai nei.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.

KALATIAN 2:14

Cun ah ngami ah bilawh cu ng’Thu Ni ah ng’düng nak awn kä ah ng’müi law cu, kei naw hmu netah, chang gui ah ma ah, Peter-am, “Nang cu Jew chang ah na kyak ci, cun ung phi chang khui hei ah mäih ah na om ci, Jew chang ah mäih ah kä na om ci. Cun ah kya lang ne a i ah kyasei khui hei chang gui Jew chang gui ah mäih ah ami om tu vai ah na ling nak gui ang?” cine ka ng’shik ci.

2 KORIN 6:13

Tuhbäi kei naw ka hta gui ah mäih ah ka ning m’cäi gui ci nei; Keimi ah ning ngaih gui ah mäih ah na ngai gui u ne, nami m’lung choh a ng’shawng ah k’hmawng vä!

LAMKTU 21:21

Nang naw changpakhui hei gui ah ng’lung ah om tuk ciah Judah chang gui am, “Nami hta gui vun aat nak kä nami bi peit gui vai, Judah thung kä nami läk vai” cine, Moses ah thukhän ami nawng vai ah nam theithang gui cu ngami naw ng’yak ci gui nei.

KALATIAN 6:18

Phäi nau gui aw, mi Bawipa Jesuh Khrit ah m’gein nak cu nami khan ah om sä. Amen.

2 KORIN 6:11

Korin ah teihpüi gui aw! Keimi naw akdei dang ah kami ning thu püi gui ci nei kami m’lung choh phi ang shawng ah kami hmawng ci nei.

KALATIAN 4:11

Nangmi ah hmawk ah ka ng’ä ci nei! Nangmi ah hmawk ah ka bi gui shi a kholä düt ah kä kyai lawk khai aw?

KALATIAN 4:13

Ak htük bäih ah Thu Ni ka ning m’thein law gui cu kei ka gawpyam su ah kyak ci, cicu nami shüm ba khai.